ROM 3:2 - Lai (Hakha) Common Language Bible 2006

² A phunphun in tampi a um ko! Cu hna lak i a hmasa bik cu, Pathian nih a bia Judah mi a kenter hna kha a si.

Laibaibal Thiang (BSI)

² A lamkip in san a tlai! A biapi bik cu an sin i Pathian bia pêk an si caah a si.

ROM 3:2 ပူးပေါင်းရင်းမြစ်များ

SALM 119:140

Zeitluk in dah na biakam cu a hmaan! Zeitluk in dah na sal nih ka duh!

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

JOHAN 5:39

Cathiang chung kha ṭha tein nan kawl, cu nan kawl cu, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah a si; asinain Cathiang nih an dihlak in an chimmi cu, keimah kong a si ko.

LAMKALTU 7:38

Amah cu thetse ram i a rak i pummi Israel mi hna sin i a ummi kha a si, amah cu a kan hringsortu hna sin i khua a rak sami le Sinai Tlang ah a sin i bia a rak chimtu vancungmi sin i a ummi kha a si; amah cu Pathian bia zungzal in a nungmi kan sin i phakter awkah a rak latu kha a si.

ROM 1:2

Cu Thawngṭha cu Pathian nih hlanpi in a profet hna sinin a rak kan kamh i Cathiang chung i a rak i ṭialmi kha a si i

ROM 2:18

Pathian nih tuah hna seh ti an duhmi hna kha nan hngalh i ahmaanmi thil i thim awk kha Nawlbia thawngin nan hngalh;

ROM 3:1

A si ahcun Judah mi nih cun Jentail mi hna nakin ṭhatnak zeital an hmu deuh kun maw? Cuarpartan cu santlaihnak zeital a ngei kun maw?

ROM 3:3

Asinain a cheu kha zumh awk tlak lo an rak si si kaw, zeitindah a si kun lai? Cu ruangah cun Pathian zong cu zumh awk tlak lo a si ve lai tinak a si maw?

ROM 9:4

Annih cu Pathian thimmi an si: a fa ah a ser hna i sunparnak kha a hrawmh hna. Anmah sinah a biakamnak kha a tuah hna i Nawlbia kha a pek hna, biaknak taktak cu anmah nih khan an ngeih, Pathian biakamnak kha an hmuh,

1 KORIN 9:17

Ka rian hi keimahte nih kaa thim i ka tuahmi a si ahcun, ṭuan man ka hmuh lai ti zong cu kaa ruahchan hnga, sihmanhsehlaw ka rian hrimhrim a si tiin ka ṭuan hi Pathian nih hi rian hi ka kut chungah a ka pek caah a si.

2 KORIN 5:19

Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

GALATI 2:7

Cuti ruahnak pek khawh cu vun chim lo, Pathian nih Jentail mi hna sin i thawngṭha chim a ka fial kha a si tak ti tu ah an ti lehlam, Pathian nih Peter cu Judah mi hna sin i thawngṭha chim a fial bantuk khan.

1TIMOTE 6:20

Timote, ken awk an in fialmi thil cu him tein na ken hna lai. Pathian hmaizah loin biachim lengmang le hruhnak bia alnak, mi a cheu nih hmaan lopi in “Fimnak” tiah an timi cu hrial naa zuam hna lai.

HEBRU 5:12

Nannih cu saya hmanh si awk nan si cang nain, Pathian bia cawnnak hmasa bik chimtu saya kha nan herh rih. Rawl taktak ei kha nan cu cang, sihmanhsehlaw caw hnuk ṭheo nan ding ko rih.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

BIAPHUAN 22:6

Cun vancungmi nih khan a ka thawh i, “Hi bia hi biatak an si i zumhawktlak an si. A Thlarau kha profet hna a petu Bawipa Pathian nih, tuante ah a tlung zau ding thil kha a sal hna hmuhsak awkah, a vanmi kha a run ka thlah,” a ti.