ROM 3:1 - Lai (Hakha) Common Language Bible 2006

¹ A si ahcun Judah mi nih cun Jentail mi hna nakin ṭhatnak zeital an hmu deuh kun maw? Cuarpartan cu santlaihnak zeital a ngei kun maw?

Laibaibal Thiang (BSI)

¹ Judah mi nih zei santlaihnâk dah an ngeih hlei? Asiloah cuarpartan hi zeidah a ṭhathnemnâk?

ROM 3:1 ပူးပေါင်းရင်းမြစ်များ

GENESIS 25:32

Esau nih cun, “A ṭha ko, ka thih cang leh lai hi ta! Cu fater sinak ko cu a!” a ti.

SALM 147:20

Miphun dang hna caah cun mah hihi a tuah hna lo, a phunglam kha an hngal hna lo. Bawipa cu thangṭhat u!

PHUNGCHIMTU 6:11

Sau deuh nan i al paoh ah pakpalawng a si chin lengmang i na caah zeihmanh ṭhathnemnak a um hlei lo.

PHUNGCHIMTU 6:8

Zeitindah mifim mi cu mihrutpa nakin ṭhathnemnak a hmuh hlei? Zeitindah kan nun awk a si ti hngalh nih hin misifak cu zeidah a ṭhathnem?

MALAKHI 3:14

“Pathian biak hi zeihmanh ah a ṭhahnem lo, tuah u a kan timi tuah i zuam le kan tuahmi ruangah kan ngaih a chia tiin ralkapbu Bawipa sin i langhter hi zei ṭhathnemnak dah a um?” nan ti.

JOHAN 4:22

Nannih Samaria mi nih cun nan biakmi kha nan hngal taktak lo, kannih Judah mi tu nih cun, kan biakmi cu kan hngalh, zeicahtiah khamhnak cu Judah mi sinin a rami a si.

ROM 3:2

A phunphun in tampi a um ko! Cu hna lak i a hmasa bik cu, Pathian nih a bia Judah mi a kenter hna kha a si.

ROM 3:9

A si ahcun, kannih Judah mi hi tah, Jentail mi hna nakin kan dirhmun a ṭha deuh hlei kun maw? Ṭha deuh hlei nemmam hlah. Ka langhter cang bang khan Judah mi he Jentail mi he kan dihlak in sualnak ṭhawnnak tang i a ummi kan si.

1 KORIN 15:32

Cun Efesa khua i “sahrang” he kan rak i sual kha minung ruahnak lawnglawng in rak si seh law zeital ka miakmi a um hnga maw? Mithi cu nunnak i thawhter an si lo tham ah cun, phungthlukbia bangin, “thaizing ah pei kan thih ko lai cu, ei in ding ko ngat u sih.”

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.