ROM 2:8 - Lai (Hakha) Common Language Bible 2006

⁸ Cun mi a cheu cu anmah zawn lawng kha an i ruat i ahmaanmi kha an duh lo i ahmaan lomi tu kha an zulh; cu hna cu Pathian nih a thinhunnak le a thinlinhnak kha a toih hna lai.

Laibaibal Thiang (BSI)

⁸ asinain mah zawn lawng ruatin biatak zul duh loin dinlonâk a zultu hna sinah thinhunnâk le thinhannâk,

ROM 2:8 ပူးပေါင်းရင်းမြစ်များ

2 CHANRELNAK 6:23

khi tikah nang nih van khin run thei law, run ṭuan law, na salle cu bia run khiak ko hna, a mawhtu cu amah lu lila ah a ziaza kha tlunter in sual run phaw law, a dingmi cu a dinnak ningin pek awkah thiam coter ko.

JOB 24:13

Chun ceunak kha a doh i a lam kha a hngal lo i Ceunak lam ah khan a um duh lomi an um.

SALM 90:11

Na thinhunnak hmual cu aho nih dah fiang ngaingai in an hngalh? Na thinlinhnak nih zei bantuk thil ṭihnung dah a chuahter khawh ti kha aho nih dah an hngalh?

PHUNGTHLÛKBIA 11:23

Miṭha duhnak cu ṭhatnak ah a chuak tawn, sihmanhsehlaw miṭhalo nih an duhmi kha an hmuh tikah mi vialte an thin a hung dih.

PHUNGTHLÛKBIA 13:10

Uahfaihnak nih cun rem lonak lawng kha a chuahter. Sihmanhsehlaw aa nawl thiammi hawikom hna bu chungah cun fimnak a um.

ISAIAH 50:10

Nannih Bawipa a ṭih mi vialte hna, a sal bia a ngaimi vialte hna, nan kalnak lam cu mui ko hmanh seh law Bawipa cu i bochan u law i hngatchan ko u.

JEREMIAH 34:18

Judah le Jerusalem hruaitu hna nih khan, siangpahrang inn i bawi hna le tlangbawi hna le hi ram chung mi vialte hna he khan, cheu hnih ah an chuahmi cawtum a laifang i an kalnak in ka sinah biakamnak an tuah. Sihmanhsehlaw ka hmaika i biakamnak an tuahmi cu an hrawh i a chung i zulh awk hna cu an zul lo. Cucaah hi mi hna cungah hin, cawtum cung i an tuahmi kha an cungah ka tuah ve lai.

EZEKIEL 22:31

An cungah ka thinhunnak kha ka bungh i ka thinlinhnak mei chungah khan annih cu ka hrawh cikcek hna. Cuticun annih nih hmuh awkah an i tlakmi dantatnak cu an cungah ka tlunter,” tiah Bawipa Pathian nih a ti.

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

ROM 1:18

Sihmanhsehlaw Pathian thinhunnak cu vancung in a rung lang i minung sualnak le ṭhat lonak dihlak cungah khan a rung tlung; cu an ṭhat lonak cu biatak kha lang kho loin a dawntu an ṭhat lonak kha a si.

ROM 10:16

Sihmanhsehlaw annih nih an dihlak cun Thawngṭha cu an pom lo. Isaiah hrimhrim nih khan, “Bawipa, ahodah kan bia cu a zum?” a rak ti.

ROM 15:18

Pathian nawl ngaihnak i Jentail mi hna cu kalpi awkah, bia in siseh, tuahnak in siseh, hmelchunhnak le khuaruahhar ṭhawnnak in siseh,

ROM 6:17

Sihmanhsehlaw Pathian cu lawm cio ko u sih. Zeicahtiah nannih cu sualnak sal nan rak si nain cawnpiaknak nan hmuhmi chung i a ummi biatak kha nan lungthin dihlak in nan zulh cang.

ROM 9:22

Cu bantuk ṭhiamṭhiam in Pathian tuahmi zong cu a si ko. A thinhunnak le a ṭhawnnak kha langhter a duh. Sihmanhsehlaw a thin a huntertu hna, hrawh awk a simi hna cungah khan lungsaunak a ngei.

1 KORIN 11:16

Asinain hi kong ah al a ka duhmi nan um ahcun, chim ka duhmi cu hihi a si ko: kanmah nih siseh, Pathian khrihfabu dang nih si hna seh, phung dang hlei kan ngei lo.

2 KORIN 12:20

Nan sin ka phak tikah, si hna seh ti kan duhmi hna kha rak si loin kan hmuh sual hna lai ti kha ka phang i, si seh ti nan ka duhmi kha ka si lo sual lai ti zong kha ka phang ve. Pakhat le pakhat i si le i nahchuah le thintawi le mah zawn lawng ruat le i thangchiat i congoih le i porhlaw le ningcanglo khuasa in kan hmuh sual hna lai ti kha ka phang.

GALATI 5:20

siasal biak tehna le dawih le eih tehna hi an si. Pakhat le pakhat an i ral, an i do, an i nahchuah, an thin a hung anmah zawn cio lawng an ruat, an i ṭhen,

FILIPI 1:17

Sihmanhsehlaw a dang hna nih khan cun, keimah entai ruangah lungthin thianglo in Khrih kong kha an chim i thong i a um chungah hin harnak nih chuahhnawh chin lengmang seh ti duhnak in an chim.

FILIPI 2:3

Pakhat le pakhat i entainak le mah pumpak thangṭhat kawlnak kha nan lakah umter hlah u. Toidornak lungthin tu kha ngei cio u law midang nakin ka ṭha deuh tiah zeitikhmanh ah vaa ruat hlah u.

2 THESALON 1:8

meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai.

TITAS 3:9

Asinain bia i al lengmangnak le thawhkehnak min ṭialnak cazin sau pipi le i sik le Phungbia kong i alnak kha cu hrial i zuam ko hna. Cu bantuk cu santlai lomi thil, pakpalawng men an si.

HEBRU 10:27

Kan ca i a tangmi cu biaceihnak le Pathian a dohmi hna a hrawktu ding mei ṭihnung lawng kha a si ko cang.

HEBRU 11:8

Pathian nih Abraham kha a auh tikah, a bia a ngaihtertu le, kan pek lai, tiah a kamhmi ram i a kaltertu kha zumhnak a si. Khuazei ah ka kal ti hngal loin a ram kha a chuahtak.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

JEIM 3:14

Sihmanhsehlaw nan lung chungin mi nahchuahnak nan ngeih i mi cungah nan thin a hun peng i mah zawn lawng aa ruatmi nan si ahcun, mifim kan si tiin i porhlaw hlah u law, biatak dohnak ah lih kha chim lengmang hlah u.

JEIM 3:16

Nahchuahnak le mah zawn lawng ruahnak a umnak paoh ah i rem lonak le ṭhat lonak a phunphun kha a um zungzal.

1 PETER 3:1

Cu bantuk ṭhiamṭhiam in nu nih nan vale kha an nawl nan ngaih hna awk a si. Cu ti nan tuah ahcun, nan vale lak i Pathian bia a zum lomi hna nih khan, nan ziaza a ṭhami thawng cun Pathian bia cu an zumh lai. Nan caah bia kaa khat chim zong a herh lai lo,

1 PETER 4:17

Biaceihnak thawk caan cu a phan cang i biaceih hmasa bik ding cu Pathian mi hna kha an si lai. Kanmah in thawh a si ahcun, Pathian sinin a rami Thawngṭha a zum lomi hna kha, zeitindik an donghnak a va si te ual lai?

BIAPHUAN 14:10

Pathian zu, a thinhunnak zu, a thinhunnak hrai chung i ti cawh hrimhrim loin thletmi kha an din lai. Cu a dingmi vialte cu vancungmi mithiang hna le Tuufa hmaiah, mei chung le kat chungah, hrem an si lai.

BIAPHUAN 16:19

Khualipi cu cheu thum ah a kuai i ram vialte cu an khua kha an rawk dih. Pathian nih a liannganmi Babilon kha a philh lo i a hrai chung zu kha a dinter — a thinhunnak zu kha.