ROM 2:5 - Lai (Hakha) Common Language Bible 2006

⁵ Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

Laibaibal Thiang (BSI)

⁵ Na luhlul le na lungkhawnning rupin thinhunnâk ni le Pathian biaceihnâk fel a ra laimi caah thinhunnâk nâ khon luaimai mi a si.

ROM 2:5 ပူးပေါင်းရင်းမြစ်များ

2 CHANRELNAK 30:8

Nannih cu nan pupa hna bantuk khan hngawngṭhawng si hlah u, sihmanhsehlaw Bawipa sinah khan i pe u law zungzal ca in a thiantermi a hmunthiang ah khan ra u, cun a thinhunnak ṭihnung cu nan sinin aa mer nakhnga Bawipa nan Pathian cu a rian ṭuan u.

2 CHANRELNAK 36:13

Cun Pathian min chalh in chiat a sertu Siangpahrang Nebukhadnezzar zong kha a doh; Bawipa, Israel Pathian lei i i mer duh loin a hngawng kha a ṭhawnter i a lung kha a hahter.

JOB 21:30

Pathian cu a thin a hun i mi kha dan a tat hna tikah, a luatmi cu miṭhalo ṭheo an si ko.

SALM 110:5

Bawipa cu na orhlei kamah a um ko; a thin a hun ni ah siangpahrang kha a tei hna lai.

SALM 95:8

“Nan pupa hna kha Meribah ah lung hak in an rak um bang khan nannih cu um hlah u,

EXODUS 14:17

Izipt mi kha an lung ka hahter hna lai i rili chungah cun an dawi hna lai; cun Faro le a ralkapbu vialte le a rangleng hna cu ka tei hna lai i cu ka tei hnanak nih cun upatnak a ka pek lai.

EXODUS 32:34

Atu cu va kal law kan chimhmi hmun leiah khan mi cu va kalpi ko hna. Ka vancungmi nih lam an hruai hna lai kha va philh hlah, asinain an cung i rian ṭuan awkah ka rat tikah cun, an sual ruangah dan ka tat hna lai,” a ti.

EXODUS 8:15

Faro nih thil cu a hung ṭha deuh ṭhan ti kha a hmuh tikah a lung a hak ṭhan i Bawipa nih a rak chim bantukte khan Moses le Aaron cu an bia ngaih kha a duh ṭhan hna lo.

PHUNGTHLÛKBIA 1:18

Sihmanhsehlaw hi mi hna nih an bawhmi cu anmah thisen lila kha a si i Lamhruang an ahmi cu anmah nunnak lila kha a si ko.

PHUNGTHLÛKBIA 11:4

Thihnak nih aan phak ni ah cun rumnak hi a ṭhahnem lo, sihmanhsehlaw dinnak cu thihnak chungin michuahtu a si.

PHUNGTHLÛKBIA 28:14

Bawipa a ṭih zungzalmi cu mi thluachuak an si, sihmanhsehlaw a lung a hahtermi cu vanchiatnak chungah an tla lai.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

PHUNGCHIMTU 12:14

Pathian nih kan tuahmi thil paohpaoh hi, a thli tein kan tuahmi si hna seh, a ṭha kan tuahmi si hna seh, a chia kan tuahmi si hna seh, bia a ceih dih hna lai.

ISAIAH 48:4

Lunghak mi nan si lai ti kha ka hngalh cia, thir bantukin a ṭhawng i dar bantukin kuaih khawh lomi nan si.

JEREMIAH 40:3

nannih nih Bawipa cungah nan sual i a bia nan ngaih duh lo caah hi thil cu nan cung i a tlun nakhnga an chimh cangmi hna thil cu a tlinter.

EZEKIEL 11:19

Lungthin dang ka pek hna lai i an chungah thlarau thar ka khumh lai; an pum chungin lung bantukin a hakmi lung an ngeihmi kha ka chuah lai i titsa bantukin a nemmi lung kha ka pek hna lai.

EZEKIEL 3:7

Sihmanhsehlaw Israel mi nih cun na bia ngaih kha an duh lai lo, zeicahtiah keimah ka bia ngaih kha an duh lo i annih cu ningzah hngal lomi le lung a hak i a ṭhawng hringhranmi an si.

DANIEL 5:20

Sihmanhsehlaw a hun i porhlawt i mah lung lawng rinh in khua a hung sak i a ruam a hung kai tikah a bawiṭhutdan cung khan amah cu ṭhumh a si i a sunparnak cu chuh a si.

HOSEA 13:12

Efraim sualnak cu cazual ah ṭem chih a si ko, A ṭhat lonak hna cu cazin chungah ṭial an si ko.

AMOS 3:10

An ralhruang chungah zaang-ennak le firnak in thil tampi a khong luaimaimi hna nih hin, dinnak kha zei a si tiah an hngal lo, tiah Bawipa hrimhrim nih a ti.

ROM 1:18

Sihmanhsehlaw Pathian thinhunnak cu vancung in a rung lang i minung sualnak le ṭhat lonak dihlak cungah khan a rung tlung; cu an ṭhat lonak cu biatak kha lang kho loin a dawntu an ṭhat lonak kha a si.

ROM 11:25

Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.

ROM 9:22

Cu bantuk ṭhiamṭhiam in Pathian tuahmi zong cu a si ko. A thinhunnak le a ṭhawnnak kha langhter a duh. Sihmanhsehlaw a thin a huntertu hna, hrawh awk a simi hna cungah khan lungsaunak a ngei.

2 KORIN 5:10

Kannih cu kan dihlak in Khrih hmaiah kan chuak lai i amah nih bia a kan ceih lai. Kan pum in kan nun chung i a ṭha siseh, a chia siseh kan tuahning cio ah kannih nih kan hmuh lai.

DEUTERONOMI 2:30

Sihmanhsehlaw Heshbon siangpahrang Sihon nih cun a ram chung cun a kan lanhter duh lo; nihin ni i a si bang hin amah cu nan kut chungah an pek hna nakhnga, Bawipa nan Pathian nih a thlarau kha a hahter i a lung kha a khonter caah a si.

DEUTERONOMI 32:34

“Mah hihi keimah nih ka khon i Ka ro kuang chungah ka hrenh chihmi a si lo maw?

2 THESALON 1:5

Hi nih hin Pathian biakhiahnak a dinning cu a langhter. Sifahnak nan in hnawhchanmi Pathian Pennak he khan aa tlakmi an siter hna lai.

HEBRU 3:13

Nannih cu sualnak nih an hlen hna nakhnga lo le lungṭhawng in nan um sual nakhnga lo, Cathiang nih, “Nihin,” a timi kha nan caah nihin a si chung paoh cu, nifate in pakhat le pakhat i bawm lengmang u.

HEBRU 3:15

Cathiang nih a chimmi cu hihi a si: “Nihin ah Pathian aw kha nan theih ahcun Nan pupa hna nih Pathian an rak doh i an lung an rak ṭhawn bantuk khan, lung ṭhawng in um hlah u.”

HEBRU 4:7

Cu hnu kum tampi ah kan chim cangmi, “Nihin cu Pathian aw kha nan theih ahcun, lungkhong in um hlah u,” timi bia kha David kaa in a chim ṭhan.

JEIM 5:3

Nan sui le nan ngun cu cirik nih a ei hna i hi cirik hi nanmah sual an phawtu hna tehte a si lai i nan sa kha mei bantukin an eitu hna a si lai. Hi a dong dengmangmi caan ah hin chaw le va kha nan i khon hna.

JOSHUA 11:20

Bawipa nih Moses nawl a pek bangin hrawh cikcek an si i zaangfahnak um loin hloh cikcek an si nakhnga, an lung ṭhawnter i Israel mi hna doh cu Bawipa tuahmi a si.

2 PETER 2:9

Cuticun Pathian nih harnak an inmi chungin Pathian a ṭihmi hna khamh cu a thiam i miṭhalo pawl cu Biaceih Ni tiang dantatnak tang i chiah cu a thiam.

2 PETER 3:7

Sihmanhsehlaw Pathian bia ṭhiamṭhiam nih cun atu i a ummi van le vawlei hi mei in hrawh awkah a zuah rih hna. Pathian zei i a rel lomi hna an biaceih a si ni le hrawh an si ni caah cun zuah an si.

JUDAS 1:6

Cun Pathian nih, hi vial hi nan nawl ngeihmi a si lai, tiah a ti i cu chung i a um duh lomi vancungmi hna kong kha philh hlah u. Vawlei tang muihnak ah khin thir cikcin in zungzal an hren hna i sualphawt an si lai ni, ni lianngan a phak tiang cuka ah cun Pathian nih a chiah hna lai.

BIAPHUAN 2:21

Lungthlennak caan kha ka pek ko, sihmanhsehlaw a horduhcuainak lam khan i let ṭhan a duh lo.

BIAPHUAN 6:17

An thinlinh ni ni lianngan cu an phan cang i aho nih dah a celh lai,” a ti.

1 SAMUEL 6:6

Zeicahdah Izipt mi le Faro nih an lung an hahter bantukin nan hahter ve lai? A cawhdeh hna hnuah mi kha an kalter hna i an chuak, a si lo mei?