ROM 2:29 - Lai (Hakha) Common Language Bible 2006

²⁹ chunglei in Judah mi a si i a lung chungin cuarpar aa tanmi kha Judah mi taktak cu a si. Cucu ṭialmi Nawlbia rian ṭuannak kha si loin Pathian Thlarau rianṭuannak kha a si. Cu bantuk mipa cu minung sinin si loin Pathian sinin thangṭhatnak kha a hmu.

Laibaibal Thiang (BSI)

²⁹ chunglei i Judah mi a simi cu Judah mi taktak a si; cun cuarpartan cu ca chung bia si loin, Thlarau in Lungthin ah a si, cuhna cu minung sinin thangṭhat an co lo nain Pathian sin tuin thangṭhat an co.

ROM 2:29 ပူးပေါင်းရင်းမြစ်များ

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

SALM 45:13

Siangpahrang fanu cu siangpahrang inn chungah cun a um — a vaa dawh hringhran dah, A puan cu sui la in an tah.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

JEREMIAH 4:4

Bawipa rian ṭuan awk caah nan cuarpar i tan u, nan lung cuarpar i tan u, Maw Judah ram mi hna le Jerusalem khuami hna; Cu ti a si lo ahcun, ṭhat lonak nan tuahmi ruangah khan ka thinhunnak kha mei bangin a alh lai i Hmih khawh lo in a kang sual lai.”

JEREMIAH 9:25

Bawipa nih, “Chunglei in si lo i pumsa lawngin cuarpartan a simi hna Izipt mi hna le Judah mi hna le Edom mi hna le Ammon mi hna le Moab mi hna le thetse ram i a ummi vialte hna le a sam aa metmi vialte hna cung i dantatnak ka tlunter lai caan kha a ra lio. Hi mi vialte hna le Israel mi hna hi an chunglei in an cuarpar an i tan lo,” tiah a ti.

LUKA 11:39

Cucaah Bawipa nih cun amah cu a thawh i, “Nannih Farasi mi nih kheng le hrai kha a lenglei cu nan ṭawl tawn hna, sihmanhsehlaw a chunglei ah cun hakkauhnak le ṭhat lonak in nan khat.

LUKA 17:21

Ahohmanh nih, ‘Zohhmanh, hika ah a um hih, khika ah a um khih,’ an ti kho lo; zeicahtiah Pathian Pennak cu nan chungah pei a um cu,” tiah a ti hna.

JOHAN 12:43

Minung sinin mithmai ṭha hmuh kha Pathian sin i hmuh nakkhan an duh deuh.

JOHAN 4:23

Sihmanhsehlaw Pathian a bia taktakmi nih cun thlarau le biatak in an biak caan kha a ra lio i hika hi a phan cang. Hi bantukin a biami hna hi Pa nih a duhmi cu an si.

JOHAN 5:44

Nannih cu pakhat nih pakhat sinin thangṭhatnak hmuh nan duh, asinain Pathian sinin thangṭhatnak hmuh cu nan i zuam lo; cucaah cun zeitindah zumhnak cu nan ngeih khawh bal hnga.

ROM 14:17

Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh.

ROM 2:27

Cucaah nannih Judah mi cu, Nawlbia kha nan i ṭial i nan cuarpar nan i tan nain, nawlbia kha nan buar caah Jentail mi nih, an pum in cuarpar tannak an ngei lo nain, Nawlbia kha an zulh caah, sual an in phawt hna lai.

ROM 3:1

A si ahcun Judah mi nih cun Jentail mi hna nakin ṭhatnak zeital an hmu deuh kun maw? Cuarpartan cu santlaihnak zeital a ngei kun maw?

ROM 7:6

Sihmanhsehlaw thong chungah a rak kan hrengtu Nawlbia ah khan kan thih cang caah Nawlbia khan kan luat cang. Cucaah ning hlun, ṭialmi nawlbia lam zulh khan Pathian rian cu ṭuan ti loin ning thar, Thlarau lam zulh in kan ṭuan cang.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

1 KORIN 7:19

Zeicahtiah cuarpartan le tan lo cu zeihmanh an si lo. Biapi a simi cu Pathian nawl zulh kha a si.

2 KORIN 10:18

Zeicahtiah mi cu amah le amah kha ka ṭha tiin aa ruah tikah hin Pathian nih a cohlan a si lo i Bawipa nih a ṭha ti in a ruah lawngah hin a cohlan a si.

2 KORIN 3:6

biakam thar rian a kan ṭuanter khotu cu, cu Pathian cu a si. Cu biakam thar chung i a ummi cu ṭialmi nawlbia kha si loin Thlarau tu a si. Ṭialmi nawlbia nih cun thihnak kha a chuahpi, sihmanhsehlaw Thlarau nih cun nunnak kha a chuahpi.

DEUTERONOMI 10:16

Cucaah nan lung cuarpar cu tan u law, lungkhong si ti hlah u.

DEUTERONOMI 30:6

Bawipa nan Pathian cu nan lung dihlak le nan ruahnak dihlak in nan dawt i nan nun nakhnga, Bawipa nan Pathian nih nanmah lung le nan tefa hna lung cuarpar cu an tan hna lai.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

1THESALON 2:4

Pathian nih cuticun chim hna seh ti a kan duhning tu khan kan chim zungzal i cuti kan chim cu Pathian nih khan kanmah hman kha a hna a tla i Thawngṭha cu kan kut ah a kan pek caah a si. Minung lungton kha i zuam loin kan i tinhmi a hngaltu Pathian lungton tu kha kan i zuam.

1 PETER 3:4

nan i dawhnak cu nan chung muru ah a um awk a si i cu nan i dawhnak cu a tar kho lomi nemnak le daihnak lungthin, Pathian mithmuh i a sung bikmi thil a simi kha a si.

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.