ROM 2:25 - Lai (Hakha) Common Language Bible 2006

²⁵ Nawlbia cu nan ngaih ahcun, nan cuarpar tannak cu san a tlai, sihmanhsehlaw nan ngaih ṭung lo ahcun i tan lo lawlaw in rak um u law a ṭha deuh hnga.

Laibaibal Thiang (BSI)

²⁵ Nawlbia na zulh ahcun cuarpartan cu san a tlai ko, nawlbia buartu na si ahcun na cuarpar tan cu tanlo bantuk a si.

ROM 2:25 ပူးပေါင်းရင်းမြစ်များ

JEREMIAH 4:4

Bawipa rian ṭuan awk caah nan cuarpar i tan u, nan lung cuarpar i tan u, Maw Judah ram mi hna le Jerusalem khuami hna; Cu ti a si lo ahcun, ṭhat lonak nan tuahmi ruangah khan ka thinhunnak kha mei bangin a alh lai i Hmih khawh lo in a kang sual lai.”

LAMKALTU 7:51

“Zeitluk lung hakmi dah nan si rih? Zeitluk in dah lungchung in cuarpar aa tan lomi le Pathian bia theihnak leiah a hna aa chehmi nan si rih! Nannih cu nan pupa hna hlikhlekte kha nan si ko, nannih zong nih Thiang Thlarau kha nan donh zungzal ko!

ROM 2:13

Zeicahtiah cun minung cu Pathian he remter a sinak cu Nawlbia theih thawngin si loin Nawlbia nih tuah u a timi tuah thawngin a si.

ROM 2:23

Pathian nawlbia a chor in aa chormi hna, zeicahdah a nawlbia cu nan buar i Pathian cungah ningzahnak nan tlunter kun?

ROM 2:26

Cuarpar aa tan lomi Jentail mi nih Nawlbia kha a zulh ahcun, Pathian nih aa tan tluk ah a rel hnga lo maw?

ROM 2:27

Cucaah nannih Judah mi cu, Nawlbia kha nan i ṭial i nan cuarpar nan i tan nain, nawlbia kha nan buar caah Jentail mi nih, an pum in cuarpar tannak an ngei lo nain, Nawlbia kha an zulh caah, sual an in phawt hna lai.

ROM 2:28

A ngaingai ti ahcun, ahodah Judah mi taktak, a cuarpar aa tan taktakmi cu a si? Lenglei in Judah mi a si i a cuarpar aa tannak cu pumsa in a simi si loin

1 KORIN 7:19

Zeicahtiah cuarpartan le tan lo cu zeihmanh an si lo. Biapi a simi cu Pathian nawl zulh kha a si.

GALATI 6:13

Cuarpar tannak phung a zulmi hna hmanh nih Nawlbia cu an zulh ve hlei ṭung lo; an cuarpar i tan hna seh ti an in duh hna cu, pumsa phung kan chimhmi hna hi an zul tiin i thangṭhat an duh caah pei a si ko cu.

GALATI 6:15

Cuarpartan le tan lo cu biapi a si lo, biapi a simi cu, ser tharmi si hi a si.

DEUTERONOMI 30:6

Bawipa nan Pathian cu nan lung dihlak le nan ruahnak dihlak in nan dawt i nan nun nakhnga, Bawipa nan Pathian nih nanmah lung le nan tefa hna lung cuarpar cu an tan hna lai.