ROM 2:11 - Lai (Hakha) Common Language Bible 2006

¹¹ Pathian nih cun ahopaoh kha duhdanh lo tein an bia a ceih hna lai.

Laibaibal Thiang (BSI)

¹¹ Pathian ah thleidannâk a um lo.

ROM 2:11 ပူးပေါင်းရင်းမြစ်များ

2 CHANRELNAK 19:7

Cucaah Bawipa ṭihnak cu nan cungah um seh; nan tuahmi kha i ralring u, zeitintiah Bawipa kan Pathian sinah cun biading merh siseh, duhdanh ngeih siseh, ziknawh siseh, a um lo,” tiah a ti.

JOB 34:19

Bawi kha a duhdanh hna lo i mirum kha misifak hna nakin a upat hlei lomi siangpahrang cu, Nangmah nih sual na phawt ko maw? Zeicahtiah annih cu an dihlak in Pathian sermi an si,

MATTHAI 22:16

anmah zultu tlawmpal hna le Herod paṭi mi tlawmpal hna kha a sinah cun an hei thlah hna. An vaa thawh i, “Saya, nang cu lih chim hmang lomi na si ti kha kan hngalh. Pathian nih, cuticun um hna seh, a tining kha biatak tein na cawnpiak tawn hna i ahohmanh an mithmai kha na zoh hlei hna lo.

LUKA 20:21

Cu mingiatu hna nih cun Jesuh cu an thawh i, “Saya, na chimmi le na cawnpiaknak hi ahmaan tiah kan hngalh. Ahohmanh an hmai na zoh hlei fawn hna lo, Pathian nih minung caah a herh a timi biatak kha na cawnpiak ko hna.

LAMKALTU 10:34

Peter nih cun aa thawh i, “Atu cu Pathian nih mi vialte kha aa ruang tein a zoh hna ti kha ka hngalh.

ROM 9:14

A si ahcun Pathian cu a ding lo kan ti kho lai maw? Ti kho hlah.

GALATI 2:6

Hruaitu pawl nih khan zeihmanh ruahnak thar an kan pek khawhmi a um lo — hruaitu pawl ka ti hna hi hruaitu an sinak nih hin zeihmanh ka caah dannak a umter hlei lo caah a si; Pathian nih cun lenglei thil zoh in bia a thlek lo.

EFESA 6:9

Nannih bawi pawl, cu bantuk ṭhiamṭhiam in nan salle cungah khan um ve u, tlerh le khawnh kha hmang ti hlah u. Nanmah he nan salle he vancung i a ummi Bawi pakhat ta nan si kha hngal zungzal u, cu Bawi nih cun ahohmanh duhdanh loin bia a ceih hna ti kha philh hlah u.

DEUTERONOMI 10:17

Zeitintiah Bawipa nan Pathian cu pathian hna Pathian le bawi hna Bawi, a lianngan i a ṭhawng i ṭih a nungmi Pathian, duhdanh a ngei lo i ziknawh a la lomi a si.

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

KOLOSE 3:25

Cun thil ṭhalo a tuahtu cu thil ṭhalo a tuahmi ruangah khan aho a si hmanh ah a tuah man cu a hmuh ko lai. Pathian nih cun ahohmanh a duhdanh hna lo.

1 PETER 1:17

Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh ṭung ahcun, hi vawleicung nan nun lioah hin amah upat bu tein nan um awk a si.