ROM 2:10 - Lai (Hakha) Common Language Bible 2006

¹⁰ Sihmanhsehlaw ṭhatnak a tuahmi vialte cu Pathian nih sunparnak, upatnak le daihnak kha a pek hna lai; pek hmasami cu Judah mi kha an si lai i cun Jentail mi kha an si ve lai.

Laibaibal Thiang (BSI)

¹⁰ Asinain ṭhatnâk a tuahtu hna cungah sunparnâk le upatnâk le daihnâk kha pêk an si lai. Judah mi sinah pêk hmasat a si lai i Grik mi sin zongah pêk a si lai.

ROM 2:10 ပူးပေါင်းရင်းမြစ်များ

JOB 22:21

“Atu cu, Job, Pathian he khan remnak ser law, na ral ah rel ti hlah law thluachuahnak na hmuh lai.

SALM 15:2

A um ding cu, zeizong vialte ah Pathian nawl a zul i a hmaanmi thil a tuah zungzal i a bia biahmaan le biatak a si i

SALM 29:11

Bawipa nih a mi cu thazang a pek hna i thluachuah daihnak a pek hna.

SALM 37:37

Miṭha khi zohhmanh u, miding khi zohhmanh u; daihnak mi cu tefa an ngei;

PHUNGTHLÛKBIA 11:18

Miṭhalo nih ahmaan loin miaknak a hmuh tawn, ṭhatnak a tuhtu nih cun laksawng taktak cu a hmuh lai.

PHUNGTHLÛKBIA 8:18

Rumnak le upatnak kha ka sinah an um, a tlomi chaw le duhdimnak hna zong kha an um fawn.

ISAIAH 26:12

Bawipa, nangmah nih rumnak na kan pek lai; kan tuah khawhmi thil vialte hi nangmah tuahmi lawngte an si dih.

ISAIAH 32:17

Mi kip nih a dingmi thil kha an tuah cio caah daihnak le himnak zungzal in a um lai.

ISAIAH 48:18

“Ka nawlbia kha rak ngai u law, ti ka hei duh dah! Thluachuahnak cu nan caah, zeitikhmanh i a reu bal lomi tiva bantukin, a luan in a luang zungzal ko hnga! Ti kam a deng lengmangtu tilet bantukin teinak cu nan sinah a phan ko hnga!

ISAIAH 48:22

Bawipa nih, “Misual mi hna caah cun himnak a um lo,” a ti.

ISAIAH 55:12

“Babilon in lunglawm in nan chuak lai; khuapi chungin daihnak he nan chuak lai. Fing le tlang kha lunglawm in hla an sa lai i thingkung kha lunglawm in an au lai.

ISAIAH 57:19

An dihlak in, lamnai i a ummi he lamhla i a ummi he, daihnak kan pek hna lai, ka ti hna. Ka mi cu ka damter hna lai.

JEREMIAH 33:6

Sihmanhsehlaw hi khua cu ka damter ṭhan lai i a mi hna cu ka damter hna lai i lawmhnak le daihnak le himnak kha ka pek hna lai.

NAMBAR 6:26

Bawipa nih mithmai ṭha in pe hna seh law, daihnak in pe ko hna seh, tiah nan chim lai,’ tiah chim hna.

MATTHAI 10:13

Cuka inn i a ummi nih tluninn an in awnh hna ahcun daihnak in nan biakchawnh hnanak cu an cungah hmun ko seh; sihmanhsehlaw an in awnh hna lo ahcun nan biakchawnh hnanak cu i lak ṭhan u.

LUKA 1:79

Thihnak thladem mui lak i a ummi hna kha vancung in a vun ceuh hna lai; Kannih cu daihnak lam ah a kan hruai lai,” tiah a ti.

LUKA 12:37

An bawipa nih inn a phak tikah i hlau le ralring tein a rak ummi a sal hna caah cun lunglawmh awk a va si dah! Hihi kan chimh hna: a taisawm kha aa sawmh lai i a ṭhutter hna lai i a bultawl hna lai.

LUKA 19:42

“Nihin ah hin daihnak caah zeidah a herh ti kha hei hngal law cu mu! Sihmanhsehlaw cucu na hmu kho ṭung lo.

LUKA 22:14

A caan a phak tikah Jesuh cu lamkaltu hna he khan cabuai ah cun an ṭhu.

LUKA 9:48

annih cu, “Ka min in hi ngakchiate tluninn a onhtu nih keimah tluninn a ka onh a si, cun keimah tluninn a ka onhtu nih keimah a ka thlahtu tluninn a onh kha a si. Zeicahtiah nan lak i a hme bikmi cu a ngan bikmi a si,” tiah a ti.

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

JOHAN 14:27

“Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

LAMKALTU 10:35

Mi zei miphun chungmi hmanh a si ah, amah a ṭihmi paoh le dinnak a tuahmi paoh cu a cohlan hna.

ROM 14:17

Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh.

ROM 15:13

Thiang Thlarau ṭhawnnak thawngin nan i ruahchannak cu a ṭhan lengmang nakhnga, ruahchannak hram Pathian nih cun, amah nan zumhnak thawngin lunglawmhnak le daihnak he in khahter ko hna seh.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

ROM 2:9

Ṭhat lonak a tuahmi nih an dihlak in nganfahnak le temhinnak kha an hmuh lai, a ing hmasatu cu Judah mi an si lai i cun Jentail mi an si ve lai.

ROM 5:1

Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem.

ROM 8:6

Nan lungthin cu minung sining nih a uk ahcun a phichuak cu thihnak a si; nan lungthin cu Thlarau nih a uk ahcun a phichuak cu nunnak le daihnak a si.

ROM 9:21

A ngaingai ti ahcun um a sertu nih khan tlak cu a duhduh in hmannak nawl a ngei ko, tlak hlum hlum khat chung khan um pahnih a ser khawh ko hna, pakhat cu sawhsawh men i hman lo dingah a ser i pakhat cu sawhsawh men i hman awkah a ser ko.

ROM 9:23

Cun a sunglawimi a sunparnak zong kha langhter a duh i a kan zaangfahmi kannih cungah khan cu a sunparnak cu a kan toih, kannih cu a sunparnak hmu dingin a kan timhmi cu kan si.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

FILIPI 4:7

Cun Pathian daihnak, minung hngalhnak a lonhtu nih cun, Khrih Jesuh chungah nan lungthin le nan ruahnak cu him tein a chiah lai.

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

HEBRU 2:7

Caan tawite chung cu vancungmi hna nak niam deuh ah na ser taktak; sunparnak le upatnak kha na chinh i,

JEIM 2:22

Nan hngal kho lo maw? A zumhnak le a tuahnak cu hmunkhat ah pei rian an ṭuan kha; a zumhnak cu a tuahnak thawngin pei a tlin kha.

JEIM 3:13

Nan lakah a fim i hngalhnak a ngeimi nan um maw? Cu hna nih cun a fimmi le hngalhnak a ngeimi an si kha a ṭhami an nunning le toidornak lungthin le fimnak in an tuahmi thil ah khan an langhter awk a si.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

1 PETER 5:4

Cucaah Tuukhal Bawi Bik kha a rat tikah a ziam kho lomi sunparnak bawi luchin cu nan hmuh lai.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.