ROM 16:18 - Lai (Hakha) Common Language Bible 2006

¹⁸ Zeicahtiah cu bantuk rian a ṭuanmi cu kan Bawipa Khrih rian an ṭuan kha a si lo i anmah duhnak tu an tuah kha a si deuh. An hmurka ṭha le an mi hloi thiamnak in lungmawng zaran vialte kha an hlen hna.

Laibaibal Thiang (BSI)

¹⁸ Zeitintiah cubantuk mi hna nih kan Bawipa Jesuh Krih rian an ṭuan lo i an paw ca i rianṭuantu an si, cun an dangnal le biachim thiam nâkin santlailo lungthin an hlen tawn hna.

ROM 16:18 ပူးပေါင်းရင်းမြစ်များ

2 SAMUEL 15:6

Cuticun Absalom nih siangpahrang sin i biaceih awk i a rami Israel mi vialte hna cungah khan a tuah. Cucaah Absalom nih Israel mi kha an lung a fir hna.

2 CHANRELNAK 18:5

Cu tikah Israel siangpahrang nih profet kha hmunkhat ah a pumh hna, za li an si, annih cu a thawh hna i, “Ramoth-gilead cu tuk awkah kan kal hnga maw, asiloah, kan i sum lai dah?” tiah a ti. Cun annih nih, “Hung kal ko, zeitintiah Bawipa nih siangpahrang kut chungah a pek,” an ti.

SALM 119:130

Na kan cawnpiaknak fianternak nih khan ceunak a chuahpi, hngalhnak a tlawmmi kha fimnak a pek hna.

SALM 12:2

Pakhat le pakhat an i hleng i hlepar faknak hmur le lung hnih ngei in bia an chim.

SALM 19:7

Bawipa phung cu a ṭhat a tling, nunnak thar petu a si. Bawipa nawlbia cu bochan awk a tlak, fimnak a baumi fimnak petu a si.

PHUNGTHLÛKBIA 14:15

Mi lungthin tlawm nih cun zei paoh kha a zumh, sihmanhsehlaw mifim nih cun a lamh ding kha ṭha tein a zoh.

PHUNGTHLÛKBIA 22:3

Mifim nih cun harnak a rat kha a hmuh tikah hrial khawhnak aa zuam, sihmanhsehlaw mihrut nih cun a pahchih thluahmah ko i a hnuah aa ngaichih.

PHUNGTHLÛKBIA 8:5

Maw mihrut rual hna, fimnak cawng tuah u; maw lungtlawmmi hna, ṭha tein ngai tuah u.

JEREMIAH 23:17

Bawipa bia zei ah a rel lomi kha an thawh hna i, ‘Khuaawng na tong lai,’ an ti hna; An lung a khonning cio in a kalmi hna kha an thawh hna i ‘Na cungah vanchiatnak a tlung lai lo,’ an ti hna.

EZEKIEL 13:16

Inn kha a um ti lo, a satu hna zong kha an um ti lo, Jerusalem khua sin i bia a chimtu profet hna, daihnak a um na lo i, daihnak a um, tiah a chimtu hna kha an um ti lo,’ an ti lai. Mah hi Bawipa bia hrimhrim a si,” tiah a ti.

EZEKIEL 13:19

Nannih nih ka mi hna hmaiah barli pei khat ruang le changreu pelpawi ruangah nan ka thurhhnawmh cang, nannih nih lihbia ngaih a duh ngaimi ka mi hna sinah lih nan chimnak thawngin, a thi hnga lo ding kha nan thihter hna i a nung hnga lo ding kha nan nunter hna.

DANIEL 11:34

Cu bantukin an hrem hna lioah, anmah a fonhtu a tampi hna kha mah zawn lawng ruatmi an si nain, bawmhnak tlawmte cu an hmuh ko lai.

MIKAH 3:5

Mizapi cu, a man a phalh khotu hna sinah, nan cungah daihnak a tlung lai, tiin bia a kamhtu hna le, a phalh kho lomi hna sinah, nan cungah ral a tlung lai, tiin a ṭhihtu hna profet hna nih an hlen cang hna. Hi profet hna kongah Bawipa nih a chimmi bia cu hihi a si:

MALAKHI 1:10

Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

MATTHAI 24:11

Cun nal profet tampi an chuak lai i mi tampi an hlen hna lai.

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

MATTHAI 6:24

“Ahohmanh bawi pahnih sal nan si kho lai lo; pakhat kha nan dawt deuh lai i pakhat kha nan huat deuh lai; pakhat sinah khan cun zumhawktlak tein nan um lai i pakhat tu kha cu zei ah nan rel lai lo. Pathian le tangka cu an rian nan ṭuan kep kho lai lo.

MATTHAI 7:15

“Nal profet kha i ralring hna u, nan sin an rat ah cun tuu bantukin an i umter, sihmanhsehlaw an chunglei cu cenghngia hrang an si.

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

ROM 14:18

Cu bantukin Khrih rian a ṭuanmi paoh cu Pathian nih a lawmh hna i minung nih an thangṭhat hna.

ROM 16:19

Thawngṭha kong i zumhawktlak nan si kha a mi kip nih an theih i cucaah cun nan kongah hin ka lung aa lawm. Ṭhatnak leiah cun mifim si u ti kan duh hna, sihmanhsehlaw chiatnak leiah cun ngakchia cuampual si ko u ti kan duh hna.

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

GALATI 1:10

Hiti ka chim tikah hin minung lungtlinnak kawl ning law cu ko cu ka lo maw? Cucu ka kawlmi a si lo. Pathian lungtlinnak tu kha ka duhmi cu a si. Zapi sinin thangṭhatnak kha hmuh kaa zuammi cu a si maw? Cucu a si ahcun, Khrih sal cu ka si hnga lo.

FILIPI 2:21

Midang cu anmah rian lawng kha an ruat cio i Jesuh Khrih kong kha an ruat lo.

FILIPI 3:19

Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.

KOLOSE 2:4

Cucaah hihi kan chimh hna: ahmaan lomi bia in ahohmanh i hlenter hna hlah u, an bia cu zeitluk hmanh in a ṭhami lo ko hmanh seh law i hlenter hna hlah u;

KOLOSE 3:24

Bawipa nih nan ṭuan man an pek hna lai kha philh hlah u; a mi ca i a chiahmi laksawng kha an pek hna lai. A rian nan ṭuanmi Bawi taktak cu Khrih kha a si.

2 THESALON 2:10

a rawk dingmi hna cungah cun hlennak a phunphun kha a hman lai. Cu hna cu an rawk lai, zeicahtiah khamhnak an hmuh nakhnga ding ca i biatak kha an rak cohlang duh lo.

1TIMOTE 6:5

le dong loin bia i al lengmangnak kha a chuahter: biatak a ngei ti lomi cu hi bantuk hi an si ko. Biaknak hi rumnak lam pakhat ah an ruah.

JEIM 1:1

Pathian le Bawipa Jesuh Khrih sal a simi Jeim nih, vawlei cung khuazakip i aa ṭhekmi Pathian mi kha kan biakchawnh hna.

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

JUDAS 1:1

Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.

JUDAS 1:12

Annih cu hawikomhnak rawl nan dum ṭi tik i rawl lak i hnawm a ummi bantuk khi an si, ningzah zeihmanh hngal loin an ei i an ding. Anmah zawn lawng an i ruat. Ruah a chungah a um lomi khuadawm, thli nih a choih lengmangmi bantuk khi an si. Fur caan hmanh i thei a tlai lomi thingkung bantuk an si; a hram bongh i a thi taktakmi thingkung bantuk an si.

JUDAS 1:16

Hi mi hna hi a zungzal in an phun an zai i midang kha an mawhchiat zungzal hna; a sualmi an duhnak kha an zulh; anmah le anmah kha an i thangṭhat i anmah duhning paoh in thil a kal khawh nakhnga midang kha heh tiah an fak hna.

BIAPHUAN 1:1

Hi cauk hi Jesuh Khrih nih a phuanmi thil kong a si. Cu a phuanmi cu a um zau dingmi thil, Pathian nih a sal hna hmuhsak awkah a pekmi kha a si. Cu thil hna cu Khrih nih a sal Johan kha a hngalhter i cu hngalhtertu ah cun a vancungmi kha a thlah i

1 SAMUEL 2:29

A si kun ahcun zeicahdah ka umnak ah pekchanh awk tiin nawl ka pekmi ka raithawinak hna le pekchanhnak hna cu hakkauh mit in nan zoh i keimah nakin na fapale hna cu na upat deuh hna i ka mi Israel mi nih an pekchanhmi thil lak i a ṭha bik hna cun nan i cenh?