ROM 15:5 - Lai (Hakha) Common Language Bible 2006

⁵ Khrih Jesuh lam hmuhsakmi nan zulhnak thawngin nannih lakah lungthin khahnak a um khawh nakhnga, lungsaunak le lungthin ṭhawnnak hram Pathian nih in bawm ko hna seh.

Laibaibal Thiang (BSI)

⁵ Cubangin lungsaunâk le hnangamnâk Pathian nih Krih Jesuh bia bantukin pakhat le pakhat ruahnâk pakhat in ngeihter hna seh.

ROM 15:5 ပူးပေါင်းရင်းမြစ်များ

2 CHANRELNAK 30:12

Bawipa bia in siangpahrang le a bawi pawl nih an chimhmi hna tuah awk i lungthin khat ngeih awkah Pathian kut cu Judah cungah khan a um fawn.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

EXODUS 34:6

Bawipa cu a hmaika cun a lan i, “Bawipa cu zaangfahnak le vel ngeihnak in a khatmi Pathian a si, amah cu fawi tein a thin hunter khawh lomi, a fekmi dawtnak tampi mi cungah a langhter i mi cungah zumhawktlak ngaingai a simi Pathian cu a si.

JEREMIAH 32:39

Annih cu an nunning ah tinhmi pakhat lawngte ka pek hna lai: cucu anmah ca le an tefa hna ca i a ṭhami keimah ṭih zungzal kha a si lai.

EZEKIEL 11:19

Lungthin dang ka pek hna lai i an chungah thlarau thar ka khumh lai; an pum chungin lung bantukin a hakmi lung an ngeihmi kha ka chuah lai i titsa bantukin a nemmi lung kha ka pek hna lai.

LAMKALTU 4:32

Cun zumtu hna cu an bu ningte in an ruahnak le an lungthin aa khat dih. Ahohmanh nih an thil kha, keimah ta, an ti lo i an ngeihmi paoh kha an i hrawm dih.

ROM 12:16

Pakhat le pakhat nan zawn i ruat dih u. Lungpuam in um hlah u, rian hme tete ṭuan duhnak lungthin kha ngei u. Ka fim tiah vaa ruat hlah u.

ROM 15:13

Thiang Thlarau ṭhawnnak thawngin nan i ruahchannak cu a ṭhan lengmang nakhnga, ruahchannak hram Pathian nih cun, amah nan zumhnak thawngin lunglawmhnak le daihnak he in khahter ko hna seh.

ROM 15:3

Zeicahtiah Khrih zong nih khan amah zawn lawng a rak i ruat lo. Cathiang nih, “Nangmah an vawlpamtu hna biachia cu keimah cungah a tla,” a ti bantuk khan a si lehlam.

1 KORIN 1:10

Ka u le ka nau hna, kan Bawipa Jesuh Khrih min in kan nawl hna: nan dihlak in pakhat le pakhat lungnge tein um tuah u, i ṭhen hlah u. Lungthin khat, ruahnak khat in um u.

2 KORIN 13:11

Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.

2 KORIN 7:6

Sihmanhsehlaw lung a dongmi lung ṭhawnnak a pe tawntu Pathian nih cun, Titas a ratnak thawng khan lung ṭhawnnak a kan pek ṭhan.

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

FILIPI 1:27

A biapimi cu hi tu hi a si: Khrih Thawngṭha nih si hna seh ti an duhmi hna kha nan nuncan a si awk a si. Cucaah kan hmuh khawh hna ah siseh, kan hmuh khawh hna lo ah siseh, tinhmi pakhat he fek tein nan dir i Thawngṭha zumhnak ah hmunkhat i ral a do ṭimi nan si kha theih ka duhmi cu a si.

FILIPI 2:2

Kan fial duhmi hna cu hihi a si: lungthin ah i khat u, pakhat le pakhat i daw u, lungrual tein um u law kaa lawmhnak hi tlinter u.

FILIPI 3:16

A zei a si hmanh ah, atu tiang kan zulhmi phung ningin hmailei ah kal ko u sih.

FILIPI 4:2

Euodia le Sintikhe, zaangfahnak in kan nawl hna, Bawipa chungah unau bantuk tein lungkhat in um i zuam u.

1 PETER 3:20

Cu thlarau hna nih cun, Noah nih tilawng a ser lio i lungsau in Pathian nih a ngan hna lioah khan, Pathian nawl cu an ngai duh lo. Lawng chungah a lutmi mi tlawmte — minung an dihlak ah pariat hna kha — ti chung cun khamh an si i

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

2 PETER 3:15

Kan hawi le kan unau a simi Paul nih ca an kuat hna tikah, Pathian nih a pekmi fimnak in a chim bantukin, Bawipa nih kan cungah lungsaunak a ngeih cu kannih kha khamh a kan duh caah a si.

2 PETER 3:9

Bawipa cu a biakam tlinter awkah a khul a nuar ko tiin mi a cheu nih an ruah bang hin a si lo, nanmah cung i lungsaunak a ngeih ca tu ah hin a si deuh. Zeitintiah pakhat tlau hmanh hi a duh lo i mi vialte hi sual ngaihchihnak ngei hna seh ti tu hi a duhmi a si.