ROM 15:31 - Lai (Hakha) Common Language Bible 2006

³¹ Judea ram i a ummi, Khrih a zum lomi hna kut chungin ka him nakhnga le Jerusalem khua i ka rian ṭuan dingmi hi Pathian mi hna caah cohlan awk tlak a si nakhnga thla rak cam u.

Laibaibal Thiang (BSI)

³¹ Judia ram i a zum duh lotu hna lakah khamh ka si khawh nâkhnga le, Jerusalem ca i rian ka ṭuanmi hi mithiang hna ca ah cohlan awktlâk a si khawh nâkhnga,

ROM 15:31 ပူးပေါင်းရင်းမြစ်များ

LAMKALTU 22:24

Rom ralkapbu haotu nih cun a mi hna kha Paul cu ralhruang chungah kalpi u law zeicahdah Judah mi nih hi ti hin an auhnawh hnga ti hngalh khawhnak ding caah fungfek in va tu u, tiah nawl a pek hna.

LAMKALTU 25:2

Cuka ah cun tlangbawi upa pawl hna le Judah mi hruitu hna nih khan Paul sual an phawtnak cu an rak chimh.

LAMKALTU 25:24

Cun Festas nih cun aa thawh i, “Agrippa Siangpahrang le hika i a ummi vialte hna: Nannih nih hi pa hi nan hmuh. Amah hi Judah mi vialte nih, Jerusalem i a ummi he hika i a ummi he, ka sin i taza an cuaimi cu a si. Amah hi nun awkah aa tlak ti lo tiah an au.

LAMKALTU 9:13

Ananias nih cun a leh i, “Bawipa, mi tampi nih hi pa kong hi an ka chimh; Jerusalem khua i na mi hna cungah thil ṭhalo a tuahmi vialte kha ka theih.

LAMKALTU 9:15

Sihmanhsehlaw Bawipa nih cun a leh i, “Va kal ko, zeicahtiah amah cu keimah rian ṭuantu dingah, Jentail mi hna le siangpahrang hna le Israel mi hna sinah ka min hngalhter awkah ka thim cang.

ROM 15:25

Sihmanhsehlaw atu hi cu Jerusalem khua ah ka va ka ta lai, khika i a ummi Pathian mi hna rian ka va ṭuanpiak ta hna lai.

1 KORIN 16:15

Stefanas le a innchungkhar kha nan hngalh hna; anmah cu Grik ram chungah Khrihfa a cang hmasa bik an si i Pathian mi hna ca rianṭuan awkah aa pemi an si. Ka u le ka nau hna,

2 KORIN 1:10

Cu tlukin ṭih a nungmi thihnak chungin a kan khamh i hmailei zongah a kan khamh ko lai.

2 KORIN 8:4

Pathian mi Judea ram i a ummi hna bawmh awkah khan anmah lungtho tein tinvo kan phaw ve u tiah an kan nawl.

2 KORIN 9:1

Judea ram i a ummi Pathian mi hna sinah kan kuatmi bawmhnak kong hi, a ngaingai ti ahcun, keimah nih nan sinah ka ṭial a herh lem lo.

2 KORIN 9:13

Hi nan tuahmi nih a langhtermi thawng hin, toidor tein a bia nan rak ngaih le Khrih Thawngṭha nan rak i tlaihnak kongah zumh awk tlak tein nan rak um kha an hmuh tikah, Pathian kha an upat lai; cun an herhbaunak bawmhnak ca le zapi ṭhatnak ca i siang ngaiin nan rak thawhmi ruangah khan Pathian cu an lawmh lai.

1THESALON 2:15

Judah mi cu Bawipa Jesuh le profet hna a rak thattu le kanmah hremnak a kan petu kha an si. Zeitluk in dik Pathian a ngaih an hei chiatter! Annih cu an minung hawi ral an si.

2 THESALON 3:2

Cun Pathian bia hi mi vialte nih an zumh rih lo caah, Pathian nih miṭhalo mi hna le misual mi hna kut chungin a kan luatter nakhnga zongah thla kan campiak fawn u.

2TIMOTE 3:11

hremnak ka huahmi le fahnak ka inmi kha na hmuh hna. Antiok, Ikonium le Listra i hremnak fakpi ka inmi vialte kha na hngalh dih hna. Sihmanhsehlaw Bawipa nih cu vialte chung cun a ka chanh.

2TIMOTE 4:17

Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.