ROM 15:1 - Lai (Hakha) Common Language Bible 2006

¹ Zumhnak ah thazang a ṭhawngmi kannih nih a dermi kha an thilrit phorh kan bawmh hna awk a si. Kanmah duhnak kha kan kawl awk a si lo.

Laibaibal Thiang (BSI)

¹ Kannih a ṭhawngmi hna nih mah lawmhnâk lawng kawl loin zângdermi kha kan bomh hna awk a si.

ROM 15:1 ပူးပေါင်းရင်းမြစ်များ

ROM 14:1

Zumhnak lei i thazang a dermi kha nan bu chungah rak cohlang ko hna u, an pumpak ruahnak kha rak al len hna hlah u.

ROM 14:2

Mipa pakhat cu a zumhnak nih zei ei paoh a onh ko, sihmanhsehlaw zumhnak a dermi nih cun anhringso lawng kha a ei.

ROM 4:20

Pathian biakamhmi kha zum loin a um hlei lo, a zumhnak nih cun ṭhawnnak in a khahter i Pathian kha a thangṭhat ko.

1 KORIN 4:10

Kannih cu Khrih ruangah mihrut kan si; nannih tu cu Khrih chungah mifim nan si! Kannih cu kan der, nannih cu nan ṭhawng, kannih cu nautatnak kan hmu, nannih cu upatnak nan hmu.

1 KORIN 9:22

Zumhnak lei i a dermi hna sinah, anmah cu ka lak khawh hna nakhnga anmah bantuk i a dermi ah kaa cang. Cucaah zeimaw ti tal in ka khamh kho hna hnga maw tiin mi kip sinah an sining paoh in ka um ve.

2 KORIN 12:10

Ka derthawmnak ah siseh, nihsawhnak le harnak le hremnak le temhinnak ka hmuhmi ah siseh, Khrih ruangah kaa lawm ko; zeicahtiah ka derthawm tikah hin ka ṭhawn a rak si.

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

FILIPI 2:4

Cun midang duhning kha hmuh thiam i zuam u law nanmah duhnak lawng kha ruat hlah u.

1THESALON 5:14

U le nau hna, a tha a thumi kha chimhring hna u, a ral a chiami kha ralṭhatnak pe hna u, thazang a dermi kha bawm hna u, pakhat le pakhat lungsau thinfual in um u.

2TIMOTE 2:1

Ka fapa, Khrih Jesuh he kan i pehtlaihnak thawngin kan hmuhmi Pathian vel nih ṭhawnnak in pek ko seh.

1JOHAN 2:14

Ka dawtle hna, Pa kha nan hngalh caah hi ca hi kan kuat hna. Pale hna, a hramthawk tein a ummi kha nan hngalh caah kan kuat hna. Tlangval hna, nan ṭhawn caah kan kuat hna; Pathian bia cu nan chungah a um i Miṭhalopa kha nan tei cang.