ROM 14:3 - Lai (Hakha) Common Language Bible 2006

³ Zeipaoh a eimi nih khan cu bantukin a ei ve lomi kha a zawmhtaih awk a si lo, cun zeipaoh a eimi kha anhringso lawng a eimi nih a soi awk a si ve lo, zeicahtiah Pathian nih cun a cohlan veve ko hna cu ta.

Laibaibal Thiang (BSI)

³ Zeizong vialte a eimi nih a ei lomi zomhtaih hlah seh, a ei lomi zong nih a eimi zomhtaih hlah seh, zeitintiah Pathian nih a cohlan veve ko hna.

ROM 14:3 ပူးပေါင်းရင်းမြစ်များ

ZEKHARIAH 4:10

Rian kha a kal khawh lo caah an hnabei a rak dong; sihmanhsehlaw Zerubbabel nih Biakinn cu a sak peng ko ti kha an hmuh lai i an lung aa lawm lai.

MATTHAI 18:10

“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.

MATTHAI 9:14

Khi hnuah Tipil petu Johan zultu pawl kha Jesuh sinah cun an ra i, “Zeicahdah kannih le Farasi mi hna cu atu le atu rawl kan ul i nang na zultu hna cu an ulh kun lo,” tiah an hal.

LUKA 18:9

Anmah kha kan ṭha tiah aa ruat i midang vialte kha zei a rel lomi hna sinah Jesuh nih hi tahchunhnak bia hi a chim.

LAMKALTU 10:34

Peter nih cun aa thawh i, “Atu cu Pathian nih mi vialte kha aa ruang tein a zoh hna ti kha ka hngalh.

LAMKALTU 10:44

Peter nih bia a chim lengmang lioah cun a bia a ngaimi hna cungah khan Thiang Thlarau a ṭum.

LAMKALTU 28:2

Cuka rammi hna cu kan cungah an ṭha ngaingai. Ruahpi a sur i khua a sik, cucaah meiphu an kan tihpiak i hung to u tiah an kan ti.

ROM 11:15

Zeicahtiah annih cu hlawt an si hmanh ah pei vawlei cu Pathian hawikom i ser a si cu. Cucaah cun annih cu cohlan an si tikah cun zeidah a si chinchin lai? Mithi hna caah nunnak a si lai.

ROM 14:1

Zumhnak lei i thazang a dermi kha nan bu chungah rak cohlang ko hna u, an pumpak ruahnak kha rak al len hna hlah u.

ROM 14:10

A si ahcun, nannih anhringso lawng a eimi nih zeicahdah nan unau hna cu nan soi kun hna? Cun nannih anhringso ei lo pawl zong nih zeicahdah nan unau cu nan zawmhtaih ve hna? Kan dihlak in Pathian hmaiah biaceih awkah kan chuak cio ko lai.

ROM 14:13

Cucaah pakhat le pakhat i soi lengmang kha ngol u sih. Nan unau tlukrilhternak le sualnak chung i tlakternak ding caah zeihmanh tuah lo ding tu kha i zuam u.

ROM 14:15

Zeilo na ei ruangah na unau kha a lung na fahter ahcun, cu na tuahmi cu dawtnak chungin a chuakmi tuahnak a si ti lo. Na eimi rawl cu Khrih nih a thihhnawhmipa rawhnak ah canter hlah.

ROM 14:21

Cucaah sa ei i sum tehna, zu din i sum tehna, nan unau a tlukrilhtertu a si ding paohpaoh tuah i sum tehna kha ahmaanmi thil a si.

ROM 15:7

Khrih nih an cohlan hna bangin, Pathian nih sunparnak a hmuh nakhnga pakhat le pakhat i cohlang cio u.