ROM 14:23 - Lai (Hakha) Common Language Bible 2006

²³ Sihmanhsehlaw a eimi kha a ei tikah lungawṭawm in a ummi cu Pathian nih sual a phawt, zeicah tiah a tuahmi cu zumhnak thawngin a si lo. Cun thil zeipaoh zumhnak thawngin tuah a si lomi cu sual a si.

Laibaibal Thiang (BSI)

²³ Asinain lunghrinh bu i ei cu, zumhnâk i a ei lo ruangah thiamlo a co cang, zeitintiah zeithil pauh hi zumhnâk in a si lomi cu sual a si.

ROM 14:23 ပူးပေါင်းရင်းမြစ်များ

ROM 13:2

Nawl a ngei liomi hna a dohtu cu Pathian nih si seh tiah a timi a dotu an si i cu bantukin a tuahmi nih cun an cungah biaceihnak an i tlunter lai.

ROM 14:5

Mi pakhat nih, ni pakhat cu ni dang nakin a biapi deuh tiah a ruah, cun a dang pakhat nih, ni cu an i khat cio ko, tiah a ruah ve. Anmah le an ruahning cio kha fiang tein an ruah awk a si ko.

1 KORIN 8:7

Sihmanhsehlaw mi kip nih hi biatak hi hngalh a si lo. Mi a cheu cu siasal he an rak i ciahnak kha a sau tuk cang caah nihin ni tiang hrimhrim hin bawlnak sa an ei tikah cu sa cu siasal ta a si tiin an ruah; an chiaṭha thleidannak kha a der i sa nih cun a kan thurter tiin an ruah.

TITAS 1:15

A thiangmi caah cun zeizong vialte hi a thiang dih ko, sihmanhsehlaw a hnawmtammi hna le a zum duh lomi hna caah cun, an lungthin le an chiaṭha thleidannak kha a thur caah, zeihmanh a thiangmi a um lo.

HEBRU 11:6

Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.