ROM 14:22 - Lai (Hakha) Common Language Bible 2006

²² Cu kong ah cun nangmah nih na ruahning tein va ruat ko, Pathian le nangmah lawnglawng nih va hngal ko uh. Tuah awk a si ti i a ruahmi thil a tuah tikah a lung nih sual a phawt lomi cu lunglawmmi a si.

Laibaibal Thiang (BSI)

²² Zumhnâk na ngei maw? Pathian hmai ah ngei ko. A pommi kongah mah le mah sual â phaw lomi cu mi lunglawm an si.

ROM 14:22 ပူးပေါင်းရင်းမြစ်များ

LAMKALTU 24:16

Cucaah Pathian hmai le minung hmaiah chiaṭha thleidannak thiang ka ngeih khawh nakhnga kaa zuam khawh chungin kaa zuam.

ROM 14:14

Bawipa Jesuh he kan i pehtlaihnak nih fiang tein a ka hngalhtermi cu hihi a si: zei thil hmanh hi anmahte in a thurhnawmmi an si lo, sihmanhsehlaw pakhatkhat nih thil pakhatkhat cu a thurhnawm in a ruah ahcun cu thil cu a caah cun a thurhnawm ah a cang taktak ko.

ROM 14:2

Mipa pakhat cu a zumhnak nih zei ei paoh a onh ko, sihmanhsehlaw zumhnak a dermi nih cun anhringso lawng kha a ei.

ROM 14:23

Sihmanhsehlaw a eimi kha a ei tikah lungawṭawm in a ummi cu Pathian nih sual a phawt, zeicah tiah a tuahmi cu zumhnak thawngin a si lo. Cun thil zeipaoh zumhnak thawngin tuah a si lomi cu sual a si.

ROM 14:5

Mi pakhat nih, ni pakhat cu ni dang nakin a biapi deuh tiah a ruah, cun a dang pakhat nih, ni cu an i khat cio ko, tiah a ruah ve. Anmah le an ruahning cio kha fiang tein an ruah awk a si ko.

ROM 2:1

Cucaah aho na si hmanh ah silhnalh khawhnak lam zeihmanh na ngei lo, zeicahtiah midang kha sual na phawt hna tikah, an tuahmi kha na tuah ve ko ṭung caah, nangmah lila sual naa phawt a si ko.

ROM 7:15

Ka tuahmi hi a sullam ka hngal kho hna lo, zeicahtiah tuah ka duhmi kha ka tuah hna lo i tuah ka duh lomi tu kha ka tuah hna.

ROM 7:24

Mi lungrethei ka va si dah! Thihnak i a ka kalpitu pum chung hin aho nih dah a ka khamh lai? Pathian lawnglawng nih kan Bawipa Jesuh Khrih thawngin a ka khamh lai;

1 KORIN 8:7

Sihmanhsehlaw mi kip nih hi biatak hi hngalh a si lo. Mi a cheu cu siasal he an rak i ciahnak kha a sau tuk cang caah nihin ni tiang hrimhrim hin bawlnak sa an ei tikah cu sa cu siasal ta a si tiin an ruah; an chiaṭha thleidannak kha a der i sa nih cun a kan thurter tiin an ruah.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

GALATI 6:1

Ka u le ka nau hna, pakhatkhat nih sualnak nan tuah sual tikah, a thlarau deuh pawl nih khan, lam dingah nan chiah ṭhan awk a si; cun cu ti nan tuah tikah nemnak tein nan tuah lai. Cun nanmah zong tukforhnak cu nan in sual venak hnga lo nan i ralring lai.

JEIM 3:13

Nan lakah a fim i hngalhnak a ngeimi nan um maw? Cu hna nih cun a fimmi le hngalhnak a ngeimi an si kha a ṭhami an nunning le toidornak lungthin le fimnak in an tuahmi thil ah khan an langhter awk a si.

1JOHAN 3:21

Cucaah cun ka fale hna, kan lung nih sual a kan phawt lo ahcun, Pathian cu lungphanglo tein kan fuh ngam i