ROM 14:19 - Lai (Hakha) Common Language Bible 2006

¹⁹ Cucaah daihnak a chuahtertu thil le pakhat le pakhat thazang i peknak a bawmtu thil kha kan i tinh awk an si.

Laibaibal Thiang (BSI)

¹⁹ Cucaah daihnâk a sertu thil hna le midang thazâng petu a simi thil kha dawi hna u sih.

ROM 14:19 ပူးပေါင်းရင်းမြစ်များ

SALM 133:1

Unau rual i rem tein khuasak ṭi hi zeitluk in dah a ṭhat i a nuamh!

SALM 34:14

Ṭhat lonak kha hrial u law ṭhatnak kha tuah u; daihnak kha duh u law nan hmuh khawh nakhnga fak piin i zuam u.

MATTHAI 5:9

Mi le mi karah remnak a sertu cu lunglawmmi nan va si dah! Pathian nih, ka fa, tiah an ti hna lai.

MARKA 9:50

Cite hi a ṭha. Sihmanhsehlaw a alnak kha a loh ahcun zeitindah na alter ṭhan khawh ti lai? Nan chungah cite kha i ngeih u law pakhat le pakhat kha i rem tein um u,” tiah a ti.

ROM 12:18

Mi vialte he i rem awk kha nan i zuam khawh chungin i zuam u.

ROM 15:2

Kan unau hna cu an ṭhatnak ding kha kan tuah awk a si, zumhnak ah an ṭhan khawh nakhnga kan ruah awk a si.

1 KORIN 10:23

“Zeipaoh kan tuah khawh ko,” an ti. Asi, an tuah khawh ko, sihmanhsehlaw zeipaoh hi an ṭha dih lo. “Zeipaoh kan tuah khawh ko,” asinain zeipaoh hi kan caah an ṭhahnem dih lo.

1 KORIN 10:33

Ka tuahningte khan tuah ve u; ka tuahmi thil paohpaoh ah hin midang lawmhtertu si kha kaa zuam tawn; keimah ca ṭhatnak ding kha ruat loin mi vialte ṭhatnak ding tu kha ka ruat deuh; cu ti ka ruah cu khamhnak an hmuh khawh nakhnga caah a si.

1 KORIN 14:26

Cucaah ka u le ka nau hna, ka chim duhmi cu hihi a si: Pathian biak awk i nan i pumh tikah pakhat nih hla thawh awk nan ngei ko lai, pakhat nih cawnpiak awk nan ngei ko lai, pakhat nih Pathian nih a sinah a phuanmi bia chim awk nan ngei ko lai, pakhat nih holhtheihlo in phung chim ding nan ngei ko lai i pakhat nih cu holhtheihlo a sullam leh khawhnak cu nan ngei ko lai. Cu vialte cu a zeipaoh hmanh kha, khrihfabu ṭhathnemnak ding caah tuah si hna seh.

1 KORIN 14:3

Asinain Pathian bia a chimtu nih cun minung sin tu ah khan a chim i bawmhnak le lungṭhawnnak le hnangamnak kha a pek hna.

1 KORIN 14:4

Holhtheihlo in a holhmipa cu amah le amah lawng kha aa bawm, sihmanhsehlaw Pathian bia a chimmi nih cun khrihfabu kha a ning piin a bawmh.

1 KORIN 14:5

Nan dihlak in holhtheihlo i holh cu kan duhpiakmi hna zong a si ko hnga, sihmanhsehlaw kan duhpiak deuhmi hna cu Pathian bia chim khawhnak laksawng kha ngei u ti hi a si. Zeicahtiah Pathian bia a chimmi cu holhtheihlo in a holhmi nakcun a ṭhahnem deuh suaumau. Khrihfabu nih an ṭhathnempi khawh nakhnga caah a let khotu an um ṭung lo ahcun holh theih lo cu zeihmanh a ṭhahnem lo.

1 KORIN 7:15

Sihmanhsehlaw zumtu a si lomi nih khan, ṭhen a duh ahcun i ṭhen ko hna seh. Cu bantuk thil ahcun Khrihfami kha nupi a si ah pasal a si ah hnek awk a si lo. Pathian nih daihnak in um awkah nannih cu an auh hna.

1 KORIN 8:1

Bawlnak sa kong ah hitihin ka ruah: “Kan hngalh cio ko,” an ti bang khan hngalhnak kan ngei cio taktak ko. Sihmanhsehlaw cu bantuk hngalhnak nih cun mi kha an lung a puamter tawn hna; dawtnak bel nih a sersiam hna.

2 KORIN 12:19

Kan hmaiah anmah le anmah humhak an i zuam tiah ruah zong nan kan ruah sual ko lai. Cucu a si lo. Khrih nih chim hna seh ti a kan duhning in Pathian hmaiah kan chim i ka dawtmi ka hawile hna, kan tuahmi thil vialte hi nanmah bawmhnak caah si seh ti kan duh.

2 KORIN 13:11

Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.

EFESA 4:12

Khrih pum kha ṭhanter awkah Pathian mi vialte cu hi bantukin Khrihfa rianṭuan awkah a timh hna.

EFESA 4:29

Bia nan i ruah tikah mi ca ṭhat lonak bia hmang hlah u. Mi ca i san a tlaimi, a herhmi zawn i ṭhatnak a chuahpitu le a theimi thluachuah vanluh a petu ding bia lawng kha hmang u.

1TIMOTE 1:4

Kha bantuk tuanbia menmen hna le chuahkehnak min sau pipi in an ṭialmi cazin menmen hna kha cu, zeihmanh an si lo caah, hlaw hna u, tiah na rak chimh hna lai; zeicahtiah kha bantuk thil nih khan bia alnak lawnglawng a chuahpi i zumhnak in hngalh khawh a simi Pathian khuakhannak kha zeihmanh a langhter lo.

2TIMOTE 2:22

Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

1 PETER 3:11

Chiatnak kha a mer tak lai i ṭhatnak kha a tuah lai; daihnak kha a kawl lai i a zulh lai.