ROM 14:14 - Lai (Hakha) Common Language Bible 2006

¹⁴ Bawipa Jesuh he kan i pehtlaihnak nih fiang tein a ka hngalhtermi cu hihi a si: zei thil hmanh hi anmahte in a thurhnawmmi an si lo, sihmanhsehlaw pakhatkhat nih thil pakhatkhat cu a thurhnawm in a ruah ahcun cu thil cu a caah cun a thurhnawm ah a cang taktak ko.

Laibaibal Thiang (BSI)

¹⁴ Zeithil pauh hi amah te long ahcun thianglo a um lo tiah Bawipa Jesuh ah fiang tein ka hngalh, asinain thianglo i a ruattu caah a thiang lo a si ko.

ROM 14:14 ပူးပေါင်းရင်းမြစ်များ

MARKA 7:2

A zultu cheukhat cu kut ṭawl loin rawl an ei kha an hmuh hna — a sullam cu Farasi mi hna nih cuticun nan kut nan i ṭawl awk a si, an tining in an i ṭawl lo tinak a si.

LAMKALTU 10:28

Annih cu a thawh hna i, “Judah mi cu Jentail mi he i len i kai awk le i komh i hawi awk kha an biaknak phung nih a onh hna lo ti cu nannih nih fiang tein nan hngalh. Sihmanhsehlaw mi zeihmanh kha a thur le a thianglo i ka ruah hna nakhnga lo Pathian nih a ka hmuhsak cang.

ROM 14:2

Mipa pakhat cu a zumhnak nih zei ei paoh a onh ko, sihmanhsehlaw zumhnak a dermi nih cun anhringso lawng kha a ei.

ROM 14:20

Rawl ruang menmen ah Pathian thil tuahmi kha rawk hlah u. Rawl vialte hi ei awk an si ko lai, sihmanhsehlaw midang kha sualnak chungah a tlukrilhtertu rawl ei cu zei rawl a si hmanh ah sual a si.

ROM 14:23

Sihmanhsehlaw a eimi kha a ei tikah lungawṭawm in a ummi cu Pathian nih sual a phawt, zeicah tiah a tuahmi cu zumhnak thawngin a si lo. Cun thil zeipaoh zumhnak thawngin tuah a si lomi cu sual a si.

1 KORIN 10:25

Sa zuarnak i an zuarmi cu zeipaoh va ei ko, na chiaṭha thleidannak ruangah bia bel zeihmanh va hal hna hlah.

1 KORIN 8:10

A biana ah, mipa pakhat, a chiaṭha thleidannak a dermipa nih, siasal biaknak inn i nannih “hngalhnak a ngeimi hna” rawl nan ei cu an hmuh hna; cu nih cun bawlnak sa cu ei awk a si ko tiah a forh lai lo maw?

1 KORIN 8:7

Sihmanhsehlaw mi kip nih hi biatak hi hngalh a si lo. Mi a cheu cu siasal he an rak i ciahnak kha a sau tuk cang caah nihin ni tiang hrimhrim hin bawlnak sa an ei tikah cu sa cu siasal ta a si tiin an ruah; an chiaṭha thleidannak kha a der i sa nih cun a kan thurter tiin an ruah.

1TIMOTE 4:4

Pathian nih a sermi thil cu zei thil paoh an ṭha dih; zeihmanh hlawt awk an si lo, lunglawmh thlacamnak he cohlan awk an si ko.

TITAS 1:15

A thiangmi caah cun zeizong vialte hi a thiang dih ko, sihmanhsehlaw a hnawmtammi hna le a zum duh lomi hna caah cun, an lungthin le an chiaṭha thleidannak kha a thur caah, zeihmanh a thiangmi a um lo.