ROM 14:13 - Lai (Hakha) Common Language Bible 2006

¹³ Cucaah pakhat le pakhat i soi lengmang kha ngol u sih. Nan unau tlukrilhternak le sualnak chung i tlakternak ding caah zeihmanh tuah lo ding tu kha i zuam u.

Laibaibal Thiang (BSI)

¹³ Cucaah i sawi ti hlah u sih, aho pauh nih mah unau caah dawntu le tluktertu si lo kha i tim cio u sih.

ROM 14:13 ပူးပေါင်းရင်းမြစ်များ

2 SAMUEL 12:14

Sihmanhsehlaw mah hi thil na tuah thawngin Bawipa kha na zawmhtaih ngaingai cang caah, na hrinmi na fa cu a thi lai,” tiah a ti. Cun Nathan cu a inn ah a ṭin.

ISAIAH 57:14

Bawipa nih, “Ka mi cu ka sinah kirter hna u. An lam i dawntu a ummi vialte kha ṭhial dih hna u. Lam kha co u law sersiam u.

LEVITIKAS 19:14

Hnachet cu va vawlpam hlah, mitcaw hmaiah tlukrilhnak thil va chia hlah, sihmanhsehlaw na Pathian cu va ṭih ko: keimah hi Bawipa cu ka si.

MATTHAI 16:23

Jesuh cu a hun i mer i Peter cu, “Satan, ka sinah um hlah. Na ruahnak hi Pathian ruahnak si loin minung ruahnak a si caah ka caah dawntu na si,” tiah a ti.

MATTHAI 18:7

Vawlei cungah hin cu bantuk tlukrilhnak a um caah a va poi hringhran dah! Cu bantuk cu a um ṭheoṭheo ko lai, sihmanhsehlaw cu bantuk a umtertu caah cun ṭihnung a si hringhran ko.

MATTHAI 7:1

“Pathian nih an soi nakhnga lo, mi va soi hna hlah —

LUKA 12:57

“Zeicahdah ahmaanmi thil tu kha tuah awkah nan lung nan i thlek ko lo?

LUKA 17:2

Hi ngakchia tete hna lak i pakhat hmanh hi va sualter nakin cu pa cu a hngawng ah facang rialnak lungtumpi i thlaih seh law rilipi chungah hlonh si seh law a caah a ṭha deuh hnga.

ROM 11:9

Cun David zong nih: “An puai ah rap ah i foih hna seh law tlu hna seh law dantatnak ing hna seh.

ROM 14:10

A si ahcun, nannih anhringso lawng a eimi nih zeicahdah nan unau hna cu nan soi kun hna? Cun nannih anhringso ei lo pawl zong nih zeicahdah nan unau cu nan zawmhtaih ve hna? Kan dihlak in Pathian hmaiah biaceih awkah kan chuak cio ko lai.

ROM 14:3

Zeipaoh a eimi nih khan cu bantukin a ei ve lomi kha a zawmhtaih awk a si lo, cun zeipaoh a eimi kha anhringso lawng a eimi nih a soi awk a si ve lo, zeicahtiah Pathian nih cun a cohlan veve ko hna cu ta.

ROM 14:4

Midang sal biaceihtu dingah nangmah cu ahodah na si? A tuah khawh le khawh lo cu a Bawipa nih pei a khiah ko lai cu. Cun a tuah zong a tuah khawh ko lai, zeicahtiah Bawipa nih cun tlamtling lakin a tuahter khawh ko.

ROM 16:17

Cheunak a chuahtertu hna le zumhnak a tuaitertu, nannih nih nan hmuh ciami cawnpiaknak a ralchanhmi hna kha i ralring hna u tiah kan forh hna; annih cu hrial ko hna u.

1 KORIN 10:32

Judah mi si hna seh, Jentail mi si hna seh, Pathian Khrihfabu si hna seh, ahohmanh harnak nan pek hna nakhnga lo, cuticun nan nuncanning cu siter ko u.

1 KORIN 11:13

Cucaah nanmah nih a ṭha ṭhalo khiak ko u: nu nih zapi hmai i lu khuh loin Pathian sin i thlacam cu a ṭha nan ti maw ti lo dik.

2 KORIN 5:14

Mi vialte caah mi pakhat a thi i a thihnak ah cun mi vialte an thi ve ti kha kan hngalh caah Khrih nih kan ca i a ngeihmi dawtnak nih cun a kan uk.

2 KORIN 6:3

Kan rianṭuannak ah ahohmanh nih an kan soi nakhnga lo, ahohmanh an lam ah dawntu chiah kan duh lo.

FILIPI 1:10

cuticun a ṭha bik i thim awk kha nan hngalh lai, ti hi a si. Cun thurhhnawmhnak vialte le mawhchiatnak in Khrih Ni ah cun nan luat lai.

1TIMOTE 5:14

Cucaah cun nuhmei kum no deuh pawl cu va ngei ṭhan ko hna seh law, tefa zong ngei hna seh law an inn an lo kha zohkhenh hna seh law cuticun kan ral pawl kha kanmah thangchiatnak caan ngei kho hna hlah seh, ti ka duh.

JEIM 2:4

nanmah lakah thleidannak nan tuah a si i ahmaan lomi lungthin in biakhiahnak nan tuah a si.

JEIM 4:11

Ka u le ka nau hna, pakhat le pakhat i soi hlah u. Ahohmanh a u a nau kha a soi i sual a phaw lengmangmi cu Nawlbia kha a soi i sual a phawmi a si. Nawlbia cu sual na phawt a si ahcun nang cu nawlbia a zulmi kha na si ti lo, Nawlbia sual a phawtu kha na si lehlam.

1JOHAN 2:10

Ahohmanh a unau a dawmi cu ceunak chungah a um i cucaah midang a sualtertu ding zeihmanh a chungah a um lo.

BIAPHUAN 2:14

Asinain na cungah ka lungtlin lonak tlawmpalte a um: cucu Balaam cawnpiaknak a zulmi nan lakah tlawmpal an um kha a si; Balaam nih cun Balak kha, Israel mi cu siasal pekmi rawl einak thawng le nu le pa sualnak thawngin an sual nakhnga, na cawnpiak hna lai, tiah a cawnpiak.