ROM 13:4 - Lai (Hakha) Common Language Bible 2006

⁴ Zeicahtiah amah cu Pathian sal, na ca ṭhatnak a tuahtu a si. Sihmanhsehlaw ṭhat lonak na tuah ahcun amah cu ṭih ko, zeicahtiah dantat khawhnak a ngeihmi cu a si taktakmi a si. Amah cu Pathian sal a si i ṭhat lonak a tuahtu cungah khan Pathian thinhunnak cu a phakter.

Laibaibal Thiang (BSI)

⁴ Zeitintiah anmah cu na ṭhatnâk dingah Pathian rianṭuantu an si. Asinain sualnâk na tuah ahcun, ṭih hna; zeitintiah vainam cu â put sawh sawh lai lo. Anih cu Pathian rianṭuantu, sualnâk a tuahmi cungah a thin a hung i phuhlamtu a si.

ROM 13:4 ပူးပေါင်းရင်းမြစ်များ

1 SIANGPAHRANG 10:9

Bawipa na Pathian, nangmah chungah lawmhnak a ngei i Israel mi bawi ṭhutdan cungah an ṭhuttertu cu thangṭhat si ko seh. Bawipa nih Israel cu zungzal in a dawt caah, nangmah nih biading le dinnak cu na tuah nakhnga, siangpahrang ah an ser,” tiah a ti.

2 CHANRELNAK 19:6

biaceihtu hna cu, “Nan tuahmi kha ṭha tein ruat u, zeitintiah bia nan ceihmi cu minung caah a si lo i Bawipa caah a si; nan biakhiahnak ah Bawipa cu nan sin ah aa tel lengmang ve.

PHUNGTHLÛKBIA 16:14

Mifim nih cun siangpahrang cu a lung lawmhter aa zuam, siangpahrang cu a thin a hun ahcun pakhatkhat thah an si sual lai.

PHUNGTHLÛKBIA 20:2

A thin a hungmi siangpahrang cu a ngur hluahmahmi chiandeih bantukin ṭih tuah, amah a thin hunter cu mah le mah i thah a si ko;

PHUNGTHLÛKBIA 20:26

Siangpahrang fim nih cun miṭhalo kha a hngalh hna i zaangfahnak ngei loin dan a tat hna.

PHUNGTHLÛKBIA 20:8

Biaceihnak ṭhutdan cungah a ṭhumi siangpahrang nih cun ṭhat lonak vialte kha a thleidan khawh dih.

ISAIAH 1:17

a dingmi thil tuah tu kha cawng cang u. Dinnak tuah kha i zuam u, cucu mi nih an serhsatmi hna bawmh le ngakṭah hna chanh le nuhmei hna ṭanpi kha a si,” a ti.

JEREMIAH 5:28

An thau i an tlornal. Ṭhat lonak tuahnak ah khan, a za cang ti an hngal lo, Ngakṭah nih khuaawng an ton khawh nakhnga dingah biading in bia an ceih lo i sifak rethei kha an ṭanpi hna lo.

EZEKIEL 22:27

A chung i a bawi pawl hna cu an sa sehmi a ei cuahmahmi cenghngia hrang bantuk an si, a ding loin miaknak hmuhnak caah khan mi thisen kha an chuah i an thah hna.

EZEKIEL 25:14

Edom cung i phuhlamnak cu ka mi Israel mi hna thawngin ka tuah lai. Ka thinhunnak le ka thinlinhnak nih a fial hna bantukin Edom cungah cun an tuah lai, tiah Bawipa Pathian nih a ti.

MIKAH 3:9

Israel uktu hna, ka bia ngai tuah u, nannih dinnak kha a hua i ṭhatnak kha palhnak i a mertu hna, ngai tuah u.

ROM 12:19

Phuhlam hmang hlah u, ka naule hna; Pathian thinhunnak tu nih khan cucu tuah deuh ko seh. Zeicahtiah Cathiang nih pei, “Phuhlam cu keimah rian a si, keimah nih ka lehrulh hna lai, tiah Bawipa nih a ti,” a ti kha.

ROM 13:6

Ngunkhuai nan thawhnak cu hi ruang zongah hin a si: nawl ngeitu hna nih khan an rian an ṭuan tikah Pathian ca rian an ṭuan a si.

1THESALON 4:6

Ahohmanh nih nan u nan nau kha an pawcawmnak rian ah hleng in deh hna hlah u, ningcang loin lemsoi hna hlah u; cu bantuk ṭhat lonak a tuahmi cu Pathian nih dan a tat hna lai tiah kan in chimh cang hna i fak piin ralrinnak kan in pek cang hna.

JOSHUA 20:5

Cun thisen phuhlamtu nih a dawi ahcun, mi thattu cu a kut chungah an rak pek awk a si lai lo, zeicahtiah a innpa a rak thah cu hngalh lo le hlanah huatnak ngei loin a si.

JOSHUA 20:9

Mah khua hna hi Israel mi vialte le an lak i khual a pemmi hna caah tinhmi an si, zeitintiah timh cianak um loin mi a thatmi paoh nih khika ah an zam i, mi zapi hmaiah a dir hlanah cun thisen phuhlamtu kut in a thih nakhnga lo, tinhmi an si.

1 PETER 2:14

ṭhat lonak a tuahtu hna dantat awkah le ṭhatnak a tuahtu hna thangṭhatnak pek awkah a thlahmi bawi hna zong kha an nawl ngai ko hna u.