ROM 13:2 - Lai (Hakha) Common Language Bible 2006

² Nawl a ngei liomi hna a dohtu cu Pathian nih si seh tiah a timi a dotu an si i cu bantukin a tuahmi nih cun an cungah biaceihnak an i tlunter lai.

Laibaibal Thiang (BSI)

² Cucaah ahopauh nawlngeitu bia al cu Pathian ruahmi altu an si i altu hna cu dântat an tong lai.

ROM 13:2 ပူးပေါင်းရင်းမြစ်များ

EXODUS 16:8

Cun Moses nih aa thawh i, “Zanlei ah ei awk sa an petu hna le zinglei ah nan duh tawk in ei awk rawl an petu hna cu Bawipa a si lai, zeicahtiah a cung i nan phunnak le nan zainak liangluang kha a theih. Nan kan zaihnawh len ko cu, zaihnawh awk tlak kan si maw? Nan kan zaihnawh cu Bawipa cung i nan zai pei a si cu,” a ti hna.

ISAIAH 58:2

Ni fate in an ka biak i, na nawl kha kan zulh hna i ahmaanmi kha kan tuah hna, an ti. Thluachuahnak kan pe law a dingmi phunglam kan pe, an ti,” tiah a ti.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

MARKA 12:40

Nuhmei kha an ei an hmuar hna i an inn an lo kha an chuh hna. Cun zapi nih kan hmu hna seh tiin thla kha sau pipi in an cam. Hi hna hi cu an dantatnak kha a fak chinchin men ko lai,” tiah a ti.

LUKA 20:47

mi nih ka hmu hna seh ti duh ah thla sau pipi in an cam, sihmanhsehlaw nuhmei kha an thilri le an inn tiangin an chuh ṭung hna. Dantatnak an hmuh ding cu a fak chinchinmi a si ko lai,” tiah a ti.

ROM 13:1

Ram uktu bawi kha an nawl va ngai hna u, zeicahtiah Pa-thian hnatlaknak tel loin nawl ngeitu ahohmanh an um lo i nawl ngei liomi hna hi Pathian nih a chiahmi hna an si.

ROM 13:3

Uktu bawi hi ṭhatnak a tuahmi nih cun ṭih awk an si lo i ṭhat lonak a tuahmi lawng nih ṭih awk an si. Nawl ngeitu ṭih loin um na duh ahcun, ṭhatnak tuah law an thangṭhat ko lai.

ROM 13:5

Hi caah hin nawl ngeimi cu an nawl va ngai hna u — Pathian thinhunnak ruang lawngah khan si loin nan chiaṭha thleidannak ruang zongah khan an nawl cu va ngai hna u.

ROM 9:19

Nan lak i pakhatkhat nih nan ka thawh lai i, “Hi bantukin thil a si kun ahcun, zeitindah Pathian nih minung cu sual a phawt khawh kun? Pathian duhnak cu aho nih dah a donh khawh?” nan ti lai.

TITAS 3:1

Bawi le nawl ngeitu pawl kha, an nawl nan ngaih hna lai i thil ṭha tuah kha nan i tim zungzal lai, tiah na mi pawl kha chim ṭhan hna.

JEIM 3:1

Ka u le ka nau hna, tam tuk cu saya nan si awk a si lo, zeicahtiah kannih saya pawl hi hawi nak fak deuh in biaceihnak kan hmu lai ti kha nan hngalh.

1 PETER 2:13

Bawipa ruangah, nawl a ngeimi hna kha, an nawl ngai ko hna u, nawl ngeihnak sang bik a ngeimi Siangpahrang kha a nawl ngai u law