ROM 13:12 - Lai (Hakha) Common Language Bible 2006

¹² Zan cu a dih dengmang cang, khua a ceu dengmang cang. Muihnak thil a simi tuah kha ngol cang u si law ceunak chung i raldoh awkah hriamnam kha i lak u sih.

Laibaibal Thiang (BSI)

¹² Zan hi a dih dengmang i khua a dei dengmang cang, cucaah khuamui tuahsernâk kha hlawnh in khua ceu thuam kha i hruk u sih.

ROM 13:12 ပူးပေါင်းရင်းမြစ်များ

SOLOMON HLA 2:17

Ni nih liam lai aa zal, thlizil nih hrang siarmar, Ka dawtte aw nakzik fing thuk hlum, Saza le maw nengno bang lang ṭhan ai law.

ISAIAH 2:20

Cu ni a phak tikah cun, an i serchommi sui siasal hna le ngun siasal hna kha, tawte le palak an hlonhhnawh hna lai.

ISAIAH 30:22

Ngun nan hutmi nan siasal hna le sui nan hutmi nan siasal hna kha nan i lak hna lai i hmunhnawm hlonh in nan hlonh hna lai i, “In hmu ti hna hlah u sih,” nan ti hna lai.

ROM 13:14

Bawi Jesuh ziaza tu kha i lak u law pumsa duhnak tuah kha ngol u.

1 KORIN 10:11

Hi vialte an cung i a tlungmi hi midang nih i zohchunh awk caah a si i kan i ralrinnak ding caah ṭial an si. Zeicahtiah kannih kan caan hi donghnak a phak dengmangnak caan a si.

1 KORIN 7:29

Ka u le ka nau hna, ka chim duhmi cu hihi a si: caan hi tampi a tang ti lo i cucaah cun atu ri hin cun nupi ngeimi nih a ngei lo bantukin um hna seh;

2 KORIN 10:4

Raldohnak i kan hmanmi hriamnam cu vawlei cung hriamnam an si lo, ralhruang fekfek a hrawk khotu Pathian hriamnam tu kha an si. A hmaan loin bia i alnak kha kan hrawh,

2 KORIN 6:7

biatak kan chimnak le Pathian ṭhawnnak nih khan Pathian sal kan sinak cu an langhter fawn. Raldohnak caah siseh, kanmah ralvennak caah siseh kan hmanmi cu dinnak a si.

EFESA 4:22

Cucaah nan rak nun tawnning in an nuntertu hna nan mihring hlun kha hlaw u, cu mihring hlun cu pumsa duhnak hlenhmang nih a hrawh lengmang tawnmi kha a si.

EFESA 5:11

Santlai lomi thil, khuamui thil, mi nih an tuah tawnmi kha tuah ve hna hlah u.

EFESA 5:8

Nanmah hrimhrim zong kha muihnak chungah khua nan rak sa, sihmanhsehlaw Bawipa mi nan si cang caah ceunak chungah nan um. Cucaah ceunak mi a simi bantukin nan um awk a si.

HEBRU 10:25

Pakhat le pakhat hmun khat i i pumh lengmang kha ngol hlah u sih; a cheu nih cun ngol hmanh hna seh law, kannih cu i forh chin u sih, zeicahtiah Bawipa Ni cu a nai deuh chin lengmang ti kha kan hngalh caah i forh chin lengmang ko u sih.

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.

JEIM 1:21

Cucaah cun a thurhnawmmi ziaza vialte le a ṭha lomi ziar le zar vialte kha hlaw ko hna u. Pathian sinah khan i pe u law khamhnak an pe khotu hna bia, nan lungchung i a tuhmi kha, i cohlan ko u.

JEIM 5:8

Nannih zong nan lung a sau awk a si. Ruahchannak sangpi ngei ko u. Bawipa cu a ra dengmang cang.

1 PETER 2:1

Ṭhat lonak vialte kha hlaw cang hna u; ziar ngei ti hlah u, lih chim ti hlah u; hrawkhrol in um ti hlah u, nahchuahnak ngei ti hlah u, zawmhtaihnak bia hmang ti hlah u.

1 PETER 4:7

Zeizong vialte donghnak caan hi a nai ko cang. Cucaah cun thla nan cam khawh nakhnga, mah le mah aa uk khomi le ralring tein a ummi nan si lai.

2 PETER 3:11

Van le vawlei cu hi bantukin hrawh an si lai caah, zei bantuk mi dah kan si awk a si ti cu ruat tuah u. Nan nunning cu a thiangmi le Pathian sin i pekmi an si awk a si.

2 PETER 3:9

Bawipa cu a biakam tlinter awkah a khul a nuar ko tiin mi a cheu nih an ruah bang hin a si lo, nanmah cung i lungsaunak a ngeih ca tu ah hin a si deuh. Zeitintiah pakhat tlau hmanh hi a duh lo i mi vialte hi sual ngaihchihnak ngei hna seh ti tu hi a duhmi a si.

1JOHAN 2:18

Ka dawtmi ka fale hna, caan donghnak cu atu hi a si. Khrih Ral kha a ra lio, tiah nan theih i atu ah hin Khrih ral tampi an hung chuak cang; cucaah cun caan donghnak cu atu hi a si cang ti kha kan hngalh.

BIAPHUAN 1:3

Hi cauk a relmi le hi profet bia a ngai i hi cauk chung i aa ṭialmi a zulmi cu lunglawmmi an si. Zeicahtiah hi thil vialte a tlin lai caan cu a naite cang.

BIAPHUAN 22:10

Cun hitihin a ka ti, “Hi cauk chung i aa ṭialmi profet chimchung bia hi a thli in i chiah ko hlah. Zeitintiah hi thil vialte cu a tlin lainak caan a nai cang.