ROM 12:9 - Lai (Hakha) Common Language Bible 2006

⁹ Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

Laibaibal Thiang (BSI)

⁹ Dawtnâk cu zernâk tel loin si seh. Thil ṭhalo kha hua hna ulaw, thilṭha kha i tlaih peng u.

ROM 12:9 ပူးပေါင်းရင်းမြစ်များ

SALM 101:3

A thurmi tinhmi zeihmanh ka ngei lai lo; zumhtlaklo si kha a huat in ka huat lai.

SALM 119:104

Na nawlbia in fimnak ka hmuh, cucaah ziaza ṭhalo vialte kha ka huat hna.

SALM 119:163

Lih cu ka huat hna i ka fih hna, sihmanhsehlaw na phunglam cu ka duh.

SALM 34:14

Ṭhat lonak kha hrial u law ṭhatnak kha tuah u; daihnak kha duh u law nan hmuh khawh nakhnga fak piin i zuam u.

SALM 36:4

Ihkhun cung i a zau lio hmanh ah thil ṭha lo lawng kha a tuak, a tuahmi kha thil ṭha a um lo i thil ṭha lo kha a hua hna lo.

SALM 45:7

a hmaanmi thil ṭha kha na duh i a ṭha lomi thil kha na huat. Cucaah cun Pathian, na Pathian nih khan a rak in thim i midang nakin tam deuh in lunglawmhnak kha an toih.

SALM 55:21

A chimmi bia cu thawhpat nakin a nal deuh sihmanhsehlaw a lung chungah cun huatnak a um; a bia cu chiti bantukin a nem, sihmanhsehlaw nam bantukin mi a chun.

SALM 97:10

Ṭhat lonak a huami kha Bawipa nih a dawt hna, a mi kha a huhphenh hna i miṭhalo mi pawl kut chung khan a chuah hna.

PHUNGTHLÛKBIA 26:25

Cu pa nih cun, ṭha ngaiin bia a chim tikah zum hlah, zeicahtiah a lung chungah cun fihnungmi thil pasarih an um.

PHUNGTHLÛKBIA 8:13

Bawipa ṭihzah cu sualnak huat khi a si. Porhlawtnak, ruamkainak le sualnak lam le biadik lo kha ka huat hna.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

AMOS 5:15

Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.

MATTHAI 26:49

Judas nih cun a phak cangka tein Jesuh cu a hei fuh i, “Saya, na cungah daihnak um ko seh,” tiah a ti i a hnamh colh.

JOHAN 12:6

Hi bantukin bia a chim cu misifak kha an zawn a ruah hna caah si loin, mifir rak si kaw a kenmi tangka bawm chung khan a rak i lak lengmang tawn ca tu ah a rak si.

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

2 KORIN 6:6

Kan ziaza a thiannak le biatak kan hngalhnak le lungsaunak le mi cung i zaangfahnak kan ngeihmi nih Pathian sal kan si kha an langhter. Cun Thiang Thlarau laksawng kan hmuhmi le dawtnak taktak kan ngeihmi le

2 KORIN 8:8

Phung zeihmanh kaan chiahpiak hna lo. Sihmanhsehlaw midang nih zeitluk in dah bawmhnak lei ah an lung a thawh ti ka langhternak nih hin, nan dawtnak hi a tak maw tak lo ti kha fianter seh ti ka duh.

1THESALON 2:3

Kan in chimhmi hna cu ahmaan lomi thil a si lo, tinhmi a thurmi he zong a si lo, cun ahohmanh hlen zong kan in tim hna lo.

1THESALON 5:15

Ṭhat lonak kha ahohmanh nih ṭhat lonak in lehrul hlah u, sihmanhsehlaw pakhat le pakhat cungah siseh, mi vialte cungah siseh, ṭhatnak tuah tu kha i tinh u.

1THESALON 5:21

Zeizong vialte kha hneksak dih hna u: a ṭhami kha i chiah u law

1TIMOTE 1:5

Hi bantukin bia kan cah tikah kaa tinhmi cu, a thiangmi lungthin le a thiangmi chiaṭha thleidannak le zumhnak taktak a simi chungin a chuakmi dawtnak kha a si.

HEBRU 1:9

Ahmaanmi thil cu na duh i ahmaan lomi thil cu na huat; Cucaah cun Pathian, na Pathian nih cun an thim i, Na hawile hna nih an hmuhmi nakin a ngan deuh suaumaumi upatnak lunglawmhnak kha aan pek,” tiah a ti.

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

1 PETER 4:8

Zeidang vialte nakin, pakhat le pakhat lungtak tein i daw u, zeicahtiah dawtnak nih cun sualnak tampi kha a khuh khawh.