ROM 12:6 - Lai (Hakha) Common Language Bible 2006

⁶ Cucaah laksawng phun dangdang kan hmuh ciomi cu Pathian nih a kan pekmi vel kan hmuh ning cio ah hmang hna u sih. Laksawng kan hmuhmi cu Pathian bia chim thiamnak a si ahcun, zumhnak kan ngeihmi ning khan kan hman awk a si;

Laibaibal Thiang (BSI)

⁶ Zângfahnâk a kan pêkning cio in thilpêk zong kan ngei cio. Chimchungtu kan si ahcun, zumhnâk kan ngeihning cio in chimchung u sih.

ROM 12:6 ပူးပေါင်းရင်းမြစ်များ

MATTHAI 23:34

Hihi kan chimh hna: Profet hna le mifim hna le cawnpiaktu hna kha kan pek hna lai; a cheu cu nan rak thah hna lai, a cheu cu vailam ah thir in nan rak khenh chih hna lai, a cheu cu nan pumhnak inn ah fung in nan tuk hna lai i khua khat hnu khua khat nan dawi hna lai.

MATTHAI 25:22

Cun tangka thong hnih a pekmi kha a ra lut i, ‘Bawipa, tangka thong hnih na rak ka pek. Atu cu zohhmanh, a dang thong hnih zong ka rak chuahpi,’ tiah a ti.

LUKA 11:49

Hi ruangah hin pei Pathian Fimnak nih, ‘Annih cu profet le lamkaltu kha ka thlahhnawh hna lai, a cheu an thah hna lai i a cheu an hrem hna lai’ a ti cu.

LAMKALTU 13:1

Antiok khua khrihfabu chungah khan profet hna le cawnpiaktu saya hna tlawmpal an um, cu hna cu Barnabas, Simeon (Simeon cu Pa Nak ti zongah an ti), Sairin mi Lusias, Mangki bawi Herod khukṭhi Manaen le Saul kha an si.

LAMKALTU 15:32

Profet a simi Judas le Silas nih khan unau pawl cu saupi bia an chimh hna i ralṭhatnak le thazang an pek hna.

LAMKALTU 2:17

‘Ni hmanung bik ah cun mi vialte kha ka Thlarau ka toih hna lai. Nan fapa hna le nan fanu hna nih bia an chim lai; Nan tlangval hna nih langhnak an hmuh lai i Nan tar hna nih mang an manh lai.

LAMKALTU 21:9

Amah nih cun va a ngei lomi fanu pali a ngeih hna i annih nih cun Pathian bia kha an chim.

ROM 1:11

Zeicahtiah nanmah hmuh cu kaa ngaih hringhran i nanmah he thlarau thluachuahnak i hrawm i nanmah thazang pek cu ka duh ngaingaimi a si.

ROM 12:3

Pathian nih vel a ka ngeih caah a ka pekmi laksawng ka hmuhmi thawngin hi bia hi nan dihlak sinah ka chim: Nanmah le nanmah kha a sang tuk ah i ruat hlah u. Nan siningte tu kha i hngal u law Pathian nih zumhnak an pekmi hna ning cio ah nanmah le nanmah nan i ruah cio ning cu si seh.

1 KORIN 12:18

Sihmanhsehlaw atu i a sining bantukte hin, Pathian nih amah duhning tein, anmahle an um nakhnga ding cio ah khan a chiah hna.

1 KORIN 13:2

Phungchim thiamnak laksawng ka hei ngei ko hnga i hngalhnak phun tling ka hei ngei ko hnga i biathuk vialte ka hei hngalh dih ko hna hnga; cun tlang ṭhial khawhnak zumhnak zong ka hei ngei ko hnga, sihmanhsehlaw dawtnak ka ngeih lo ahcun zeihmanh ka si lo.

1 KORIN 14:1

Cucaah dawtnak hi biapi bik ah chia u. Thlarau laksawng hmuh awk kha i zuam hna u law cu hna lakah cun Pathian bia chimnak laksawng kha hmuh i zuam khun u.

1 KORIN 14:24

Asinain nan dihlak in Pathian bia tu nan chim ahcun, a zum lomi maw asiloah mi pakhatkhat maw a rung luh tikah a theihmi bia nih cun a lungthin kha a vun dahter lai i a sualnak kha a hngalhter lai.

1 KORIN 14:29

Cun Pathian bia chim awk a ngeimi, pahnih pathum nih chim hna seh law a dang nih khan an chimmi cu a ṭhat ṭhat lo tuaktan hna seh.

1 KORIN 3:5

A ngaingai ti ahcun, Apollo cu ahodah a si? Paul cu ahodah a si? Pathian sal pei kan va si ko cu, Pathian an zumhtertu hna kha. Bawipa nih a kan pekmi rian cio kha pei kan hei ṭuan ko cu:

1 KORIN 7:7

A taktak ti ahcun, keimah bantuk hin um dih u law ka duh deuh; sihmanhsehlaw Pathian nih a kan pekmi laksawng kan hmuhmi cu an i dang dih cio.

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

EFESA 3:5

Hi biathli hi hlanah cun mi kha theihter an rak si lo, sihmanhsehlaw atu cu Pathian nih a Thlarau in a lamkaltu mithiang hna le a profet mithiang hna sinah khan a phuan cang.

EFESA 4:11

“Mi kha laksawng a petu hna” cu amah kha a si; a cheu cu lamkaltu ah a ser hna i a cheu cu profet ah a ser hna, a cheu cu Thawngṭha chimtu ah a ser hna i a cheu cu pastor le cawnpiaktu ah a ser hna.

FILIPI 3:15

Kannih thlarau lei in nutling patling a si cangmi hna nih cun, hitihin kan lungputning cu a si awk a si. Asinain ruahning phun dang a ngeimi nan um ahcun, Pathian nih cucu an fianterpiak ko hna lai.

1THESALON 5:20

phungchim kha zeirello in um hlah u.

2 PETER 1:20

Cun cu pinah hihi philh hlah u. Cathiang chung i a ummi profet bia kha ahohmanh nih anmah tein a sullam an i hngalh kho lo.