ROM 12:19 - Lai (Hakha) Common Language Bible 2006

¹⁹ Phuhlam hmang hlah u, ka naule hna; Pathian thinhunnak tu nih khan cucu tuah deuh ko seh. Zeicahtiah Cathiang nih pei, “Phuhlam cu keimah rian a si, keimah nih ka lehrulh hna lai, tiah Bawipa nih a ti,” a ti kha.

Laibaibal Thiang (BSI)

¹⁹ Dawtmi hna, teirul i cham hlah u, thinhunnâk caah hmun tu kian u; zeitintiah, “Phuhlam cu Keimah rian a si, Keimah nih ka lehrulh lai, Bawipa nih a ti,” tiah ṭial a si.

ROM 12:19 ပူးပေါင်းရင်းမြစ်များ

PHUNGTHLÛKBIA 20:22

“Ṭhat lonak cu ṭhat lonak in ka rulh lai,” tiah va ti hlah, Bawipa kha va hngak law, amah nih an bawmh lai

PHUNGTHLÛKBIA 24:29

“Ka cungah a tuah bantukin ka tuah ve lai, a tuahmi kha ka lehrulh ve lai,” ti hlah.

JEREMIAH 51:36

Cucaah hi bangin Bawipa nih a ti: Zohhmanh, na bia cu kan chimpiak lai i na phu kha kan hlampiak lai; A rili cu ka kaoter lai i a tiput hna cu ka carter hna lai;

EZEKIEL 25:12

Bawipa Pathian bia cu hihi an si: Edom nih timh ciammam tein Judah cungah phu a hlam caah zungzal a hmunmi mawhchiatnak kha a hmuh,

LEVITIKAS 19:18

Nangmah na phun hawi cungah phu na hlam lai lo, na lung chungin huatnak zong na pawi lai lo, sihmanhsehlaw na innpa cu nangmah naa dawt bantukin na dawt lai: keimah hi Bawipa cu ka si.

MATTHAI 5:39

Sihmanhsehlaw kei nih cun, nan cung i ṭhat lonak a tuahtu hna kha lehrul hna hlah u, kan ti hna. Nan orhlei bel ah an in bengh hna ahcun khatlei zong kha i chit rih u.

ROM 12:14

Nanmah an hremtu hna kha Pathian sinah thluachuah halpiak hna u; asi, thluachuahnak kha halpiak hna u, chiatserhnak si loin.

ROM 12:17

Mi nih nan cungah ṭhat lonak an tuah ahcun ṭhat lonak in va lehrul hna hlah u. Mi vialte nih a ṭha tiah an ruahmi kha tuah i zuam u.

ROM 13:4

Zeicahtiah amah cu Pathian sal, na ca ṭhatnak a tuahtu a si. Sihmanhsehlaw ṭhat lonak na tuah ahcun amah cu ṭih ko, zeicahtiah dantat khawhnak a ngeihmi cu a si taktakmi a si. Amah cu Pathian sal a si i ṭhat lonak a tuahtu cungah khan Pathian thinhunnak cu a phakter.

EFESA 4:27

Khuachia cu caan ṭha pe hlah.

DEUTERONOMI 32:35

An ke a nal tik caan caah phuhlamnak le teirul chamnak cu keimah ta an si, Zeitintiah an harnak ni cu a nai i An rawknak cu khulrang in a ra.

DEUTERONOMI 32:43

“Maw miphun hna, a mi kha thangṭhat hna u, Zeitintiah a sal hna thisen phu kha a hlam i A ral hna kha phu a hlam hna i A mi hna ram caah sual thianhnak a tuah lai,” tiin au u.

1THESALON 4:6

Ahohmanh nih nan u nan nau kha an pawcawmnak rian ah hleng in deh hna hlah u, ningcang loin lemsoi hna hlah u; cu bantuk ṭhat lonak a tuahmi cu Pathian nih dan a tat hna lai tiah kan in chimh cang hna i fak piin ralrinnak kan in pek cang hna.

2TIMOTE 4:14

Dar soser Alekzandar nih khan ka cungah harnak nganpi a tuah. Bawipa nih a rianṭuanning in a cham ve te ko lai.

HEBRU 10:30

“Keimah nih phu cu ka hlam lai, keimah nih ka cham lai,” tiah a ti i, “Bawipa nih a mi cu bia a ceih hna lai,” ti zongah a ti fawntu kha ahodah a si ti cu kan hngalh.

1 SAMUEL 25:26

Cucaah cun ka bawipa, Bawipa a nun bantuk le na nunnak a nun bantukin, thisen chuah mawhnak le nangmah nih na kut hrimhrim in phuhlam tuahnak kha Bawipa nih tuah loin an umter caah, na ral hna le ka bawipa cungah ṭhat lonak tuah awk a kawlmi hna cu Nabal bantuk si ko hna seh.

1 SAMUEL 25:33

Na fimnak hi thluachuah hmu seh law, nihin ah thisen chuah mawhnak le keimah nih keimah kut hrimhrim in phu i hlamnak tuahnak in a ka khamtu nangmah cu thluachuahnak hmu ko!

1 SAMUEL 26:10

Cun David nih, “Bawipa nih a nun bangin, Bawipa nih a thah te ko lai; a si lo ah a thih ni cu a phan te ko lai; a si lo ah raltuknak hmun ah a kal lai i a lo tlau te ko lai.

1 SAMUEL 26:11

Bawipa chiti thuhmi cung i ka kut samh awk cu Bawipa nih ka kham ko seh; sihmanhsehlaw a lu hram i a ummi fei kha le hranthawl kha la law kal u sih,” tiah a ti.