ROM 12:16 - Lai (Hakha) Common Language Bible 2006

¹⁶ Pakhat le pakhat nan zawn i ruat dih u. Lungpuam in um hlah u, rian hme tete ṭuan duhnak lungthin kha ngei u. Ka fim tiah vaa ruat hlah u.

Laibaibal Thiang (BSI)

¹⁶ Ruahnâk hmunkhat in um ulaw, i santer hlah u, dirhmun niammi hna komhkhawh dingin um u. Mah le mah i fimter hlah u.

ROM 12:16 ပူးပေါင်းရင်းမြစ်များ

2 CHANRELNAK 30:12

Bawipa bia in siangpahrang le a bawi pawl nih an chimhmi hna tuah awk i lungthin khat ngeih awkah Pathian kut cu Judah cungah khan a um fawn.

JOB 36:5

“Pathian nih a sangmi le a ṭhawngmi cu a hrawh hna i Miṭhalo cu thluachuahnak a pe hna lo.

PHUNGTHLÛKBIA 17:5

Misifak nihsawh cu a Sertu nehsawh kha a si, Mi nih van chiat an ton tikah a di a riammi cu dantat loin a luat lai lo.

PHUNGTHLÛKBIA 19:17

Misifak cungah zaangfahnak na ngeih ahcun Bawipa kha chaw na coih bantuk a si. Bawipa nih tling tein an cham lai.

PHUNGTHLÛKBIA 19:22

Hakkauh hi ningzahnak a si, misifak si hi lihchimmi sinak in a ṭha deuh.

PHUNGTHLÛKBIA 19:7

Misifak cu a unau vialte nih an huat tawn, Zeitluk in dah a hawile chinchin nih cun hrial loin an um lai.

PHUNGTHLÛKBIA 26:12

Amah aa hmuhnak ah ka fim aa timi nakcun, mihrut caah ruahchannak a um deuh.

PHUNGTHLÛKBIA 26:5

Mihrut cu a hruhnak nih hmuh awkah aa tlakning in let tuah, cu ti a si lo ahcun, ka fim tiah aa ruat sual lai.

PHUNGTHLÛKBIA 3:7

Mah mithmuh i a fimmi va si hlah; Bawipa kha ṭih law ṭhat lonak kha mertak ko.

ISAIAH 5:21

Nan lo cang! Kan fim nan ti, a fim ngaingai ah nan i ruat.

JEREMIAH 32:39

Annih cu an nunning ah tinhmi pakhat lawngte ka pek hna lai: cucu anmah ca le an tefa hna ca i a ṭhami keimah ṭih zungzal kha a si lai.

JEREMIAH 45:5

Na caah thil lianngan kha na kawl hna. Sihmanhsehlaw cu kawl cu ngol ko hna, zeicahtiah mi vialte cungah rawhralnak kha ka tlunter lai, tiah Bawipa nih a ti; nang cu na kalnak paoh ah kan nunter ko lai, sihmanhsehlaw na nunnak lawnglawng kha naa khamh kho lai i zeihmanh a dang na thil cu na chanh khawhmi an um lai lo,” tiah a ti.

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.

MATTHAI 26:11

Misifak cu zungzal in pei nan sinah an um ko lai cu, kei cu zungzal in nan sinah ka um ṭung lai lo.

LUKA 14:13

Rawl danghnak na tuah tikah, misifak, kutzeng, kezeng le mitcaw kha va sawm hna law

LUKA 6:20

Jesuh nih a zultu kha a zoh hna i a thawh hna i, “Nannih sifakmi hna i lawm u, Pathian Pennak cu nanmah ta a si.

LAMKALTU 4:32

Cun zumtu hna cu an bu ningte in an ruahnak le an lungthin aa khat dih. Ahohmanh nih an thil kha, keimah ta, an ti lo i an ngeihmi paoh kha an i hrawm dih.

ROM 11:20

Cucu ahmaan ko. Annih cu an zumh lo ruangah khiah an si, nannih cu nan zumh ruangah nan umnak hmun ah nan um. Sihmanhsehlaw cu kong ah nan lung puam sual hlah u; a ṭih in ṭih lehlam u.

ROM 11:25

Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.

ROM 12:3

Pathian nih vel a ka ngeih caah a ka pekmi laksawng ka hmuhmi thawngin hi bia hi nan dihlak sinah ka chim: Nanmah le nanmah kha a sang tuk ah i ruat hlah u. Nan siningte tu kha i hngal u law Pathian nih zumhnak an pekmi hna ning cio ah nanmah le nanmah nan i ruah cio ning cu si seh.

ROM 15:5

Khrih Jesuh lam hmuhsakmi nan zulhnak thawngin nannih lakah lungthin khahnak a um khawh nakhnga, lungsaunak le lungthin ṭhawnnak hram Pathian nih in bawm ko hna seh.

ROM 6:2

Tuah naisai hlah. Sualnak ah cun kan thi cang, zeitindah cu chungah cun kan um peng khawh lai?

1 KORIN 1:10

Ka u le ka nau hna, kan Bawipa Jesuh Khrih min in kan nawl hna: nan dihlak in pakhat le pakhat lungnge tein um tuah u, i ṭhen hlah u. Lungthin khat, ruahnak khat in um u.

1 KORIN 3:18

Hi kong ah hin palh sual hrimhrim hlah u: nan lakah ka fim ti aa ruatmi nan um ahcun, — ka chim duhmi cu hi vawlei cung fimning in ka fim ti aa ruatmi nan um ahcun ka ti duhnak a si — mifim ngaingai a si khawh nakhnga mihrut ah i cang seh.

1 KORIN 4:10

Kannih cu Khrih ruangah mihrut kan si; nannih tu cu Khrih chungah mifim nan si! Kannih cu kan der, nannih cu nan ṭhawng, kannih cu nautatnak kan hmu, nannih cu upatnak nan hmu.

1 KORIN 6:5

Nan caah ningzah awk a va si dah. Unau aa simi hna karlak i bia a thlek khotu mifim pakhat tal cu nan um ṭheo lai.

1 KORIN 8:2

Zeizong ka hngal ve ko, tiin aa ruatmipa nih hin a hngalh awk tlukin a hngal tawn lo.

2 KORIN 13:11

Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.

FILIPI 1:27

A biapimi cu hi tu hi a si: Khrih Thawngṭha nih si hna seh ti an duhmi hna kha nan nuncan a si awk a si. Cucaah kan hmuh khawh hna ah siseh, kan hmuh khawh hna lo ah siseh, tinhmi pakhat he fek tein nan dir i Thawngṭha zumhnak ah hmunkhat i ral a do ṭimi nan si kha theih ka duhmi cu a si.

FILIPI 3:16

A zei a si hmanh ah, atu tiang kan zulhmi phung ningin hmailei ah kal ko u sih.

FILIPI 4:2

Euodia le Sintikhe, zaangfahnak in kan nawl hna, Bawipa chungah unau bantuk tein lungkhat in um i zuam u.

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

1 PETER 5:3

Nanmah zohkhenh awkah chiahmi hna kha a uk in uk hna hlah u, sihmanhsehlaw an i zohchun ding tu si i zuam u, tiah kan nawl hna.

3 JOHAN 1:9

Khrihfabu sinah ca tawite hi ka ṭial, sihmanhsehlaw an hruaitu si a duhmi Diotrefes nih khan cun ka chimmi hi zeihmanh ah a rel lai lo.