ROM 11:4 - Lai (Hakha) Common Language Bible 2006

⁴ Pathian nih zeitindah a leh kha? “Keimah caah mi thong sarih, Pathian deu Baal a bia lomi kaa chiah ko hna,” tiah a ti a si lo mei?

Laibaibal Thiang (BSI)

⁴ Asinain Pathian nih a sinah zeitindah a leh? “Baal hmai ah khuk bil in a kun bal lomi 7000 Keimah caah kâ chiah ko hna,” tiah a ti.

ROM 11:4 ပူးပေါင်းရင်းမြစ်များ

1 SIANGPAHRANG 16:31

Nebat fapa Jeroboam sualnak chung i kal ve kha a zaang temi thil hei si seh law cu bang, Sidon mi hna siangpahrang Ethbaal fanu Jezebel kha nupi ah aa ṭhit i a kal i Baal kha a rian a ṭuan i a biak.

1 SIANGPAHRANG 19:10

Anih nih, “Bawipa, ralkapbu Pathian cu ka ṭanh hringhran ko, zeitintiah Israel mi hna nih na biakamnak kha an hlawt i na biakṭheng kha an chimh hna i na profet hna kha vainam in an thah hna i keimah, keimah lawnglawng hi ka tang; cun keimah zong cu thah awkah an ka kawl,” tiah a ti.

1 SIANGPAHRANG 19:18

Sihmanhsehlaw Israel chungah hin Baal hmai i a khuk aa bil lo i a hnamh zong a hnam lomi thong sarih kaa nganh hna lai,” tiah a ti.

ISAIAH 4:3

Pathian nih a tangmi si dingin a thimmi hna, Jerusalem i a tangmi vialte kha, mithiang ti an si lai.

JEREMIAH 19:5

Baal caah khan hmunthiang an ser hna i cuka ah cun an fapale hna kha baal ca i khangh thawinak ah an khangh hna. Mah cucu keimah nih ka pekmi hna nawlbia a si lo; a chim zong ka chim bal lo, ka lunglai zongah a chuak bal lo.

HOSEA 13:1

Efraim phun mi nih bia an chim tikah midang nih khan an rak ṭih tawn hna; Israel mi a dang hna nih khan an rak zohcho hna. Sihmanhsehlaw annih nih Baal an biak ruangah khan an sual i hi ruangah hin an thi lai.

HOSEA 2:8

Anih nih cun rawl le mitsur hang thar le chiti a petu kha keimah ka si kha a hngal lo i Baal siasal sernak ca i an hmanmi sui le ngun tam piin amah a petu kha keimah ka rak si kha a hngal fawn lo.

ZEFANIAH 1:4

Judah ram cungah le Jerusalem khua chung i a ummi vialte hna cungah khan ka kut ka samh lai; Baal biaknak thil a tang rihmi kha a hmanung bik tiangin ka hrawh lai, An siasal tlangbawi hna min zong kha, hi hmun hin ka hloh hna lai;

NAMBAR 25:3

Cu bangin Peor i Baal he cun Israel mi cu an i khitbanh i, Bawipa thinhunnak cu Israel cungah a alh;

DEUTERONOMI 4:3

Bawipa nih Baal-peor ah a tuahmi kha nan mit nih a hmuh cang, zeitintiah Bawipa nan Pathian nih Peor i Baal a zulmi vialte kha nannih lakin a hrawh hna;

BIACEIHTU 2:13

Bawipa cu an hlawt i Baal hna le Ashtaroth kha an biak.