ROM 11:33 - Lai (Hakha) Common Language Bible 2006

³³ Pathian hi a va rum hringhran dah! A fimnak le a hngalhnak hi an va thuk hringhran dah! Biakhiahnak a tuahmi hi aho nih dah a sullam an purh khawh lai? A thil tining hi aho nih dah an hngalh khawh lai?

Laibaibal Thiang (BSI)

³³ Aw, Pathian fimnâk le hngalhnâk rumning hi a va thûk hringhran dah! A biaceihnâk cu hngalhcawk le, a lam hna cu hmuhkhawh dih a va si lo dah!

ROM 11:33 ပူးပေါင်းရင်းမြစ်များ

ESTHER 2:22

Cun mah cucu Mordekai nih a hngalh tikah Siangpahrangnu Esther cu a chimh i Esther nih siangpahrang cu Mordekai min in a chimh.

JOB 10:13

Asinain, ka caah a thli tein tinhmi pakhat na ngeih kha ka hngalh.

JOB 15:8

Pathian pumhnak chung biathli cu na thei bal maw? Nangmah lawng hi maw minung fimnak a ngeimi cu na si?

JOB 23:14

Ka ca i aa tinhmi cu a tlinter lai, Cu bantuk tinhmi tampi cu a lung chungah a um.

JOB 26:14

Zohhmanh, mah hihi a ṭhawnnak tlangri ceo an si rih, Amah kong kan theihmi cu zeitluk in dah a tlawm! A ṭhawnnak khuari chinchin cu aho nih dah a hngalh khawh lai?” tiah a ti.

JOB 33:13

Zeicahdah, ka bia cu zeihmanh a ka let lo, tiin amah cu na mawhchiat len ko?

JOB 37:19

Amah sin chim ding bia cu kan cawnpiak tuah ngat, Kannih cu, zeizong vialte kha a muih dih caah kan ruahnak kan pumkhawl kho lo hi ta.

JOB 37:23

Lianngan Bik cu kannih nih kan hmu kho lo; Amah a ṭhawnnak cu kannih nih kan hngalh khawh leng a si, A dinnak cu biading tuah awkah khan a khul a nuar lo.

JOB 5:9

Amah nih thil lianngan hna le ruah phak lomi thil hna le khuaruahharmi thil kha rel cawk loin a tuah hna:

JOB 9:10

Amah nih cun hngalh phak lomi thil lianngan le Khuaruahharmi thil relcawklo a ser hna.

SALM 139:6

Na ka hngalhnak hi a thuk tuk hringhran, ka ruahnak nih a phak khawh leng a si.

SALM 145:3

Bawipa cu a lian a nganmi a si, fak piin thangṭhat awk a si; a lianhngannak cu kan hngalh khawh leng a si.

SALM 36:6

Na dinnak cu tlang nganpi bantukin a fek i na biakhiahnak cu rilipi bantukin a thuk. Bawipa, nangmah nih minung le saram cu na zohkhenh hna.

SALM 40:5

Maw Bawipa ka Pathian, nangmah nih kan caah thil tampi na tuah; nangmah bantuk ahohmanh an um lo. Nangmah nih lam ṭhaṭha tampi khua na kan khanpiak. An dihlak in chim i tim ning law a chim hmanh ka chim cawk hna hnga lo.

SALM 77:19

Rili cungah na ke in na kal, a thukmi rilipi cu na tan, sihmanhsehlaw na ke neh cu hmuh khawh an si lo.

SALM 92:5

Maw Bawipa, na tuahmi thil cu zeitluk in dah an ngan! Na ruahnak cu zeitluk in dah a thuk!

SALM 97:2

Khuadawm le muihnak kha a velchum in an um; a pennak cu dinnak le biading cungah a hram a bunh.

PHUNGTHLÛKBIA 25:2

Pathian nih thil a thuh hi a sunparnak a si; Sihmanhsehlaw siangpahrang hna sunparnak tu cu thil fianter hi a si.

PHUNGTHLÛKBIA 25:3

San leiah van, thuh leiah rili, cu bantuk cun siangpahrang lungthin cu purh khawh lo a si.

PHUNGCHIMTU 3:11

Zeizong vialte hi anmahle an caan te a serpiak cio hna; cun hmailei thil hngalh duhnak kha minung kan lungthin chungah a chiah i asinain Pathian nih a tuahmi kha tling tein hngalh khawhnak kha cu a kan pe lo.

PHUNGCHIMTU 7:24

Zeitindah mi nih nunnak hi zeidah a si tiah an tuak khawh lai? Kan caah a thuk tuk, hngalhawk a har tuk.

PHUNGCHIMTU 8:17

sihmanhsehlaw Pathian nih a tuahmi thil cu hngalh khawh lo ṭhiamṭhiam a si peng ko, ti kha ka hngalh. Zei tluk hmanh in i zuam law na hngal bal lai lo. Mifim nih kan hngalh an ti hnga, sihmanhsehlaw an hngal lo.

ISAIAH 28:29

Hi bantuk fimnak vialte hi Ralkapbu Bawipa sinin a rami a si. Pathian khuakhannak cu a fimmi a si zungzal i thlua a chuak zungzal.

ISAIAH 40:28

Nan hngal lo maw? Nan thei lo maw? Bawipa cu zungzal hmunmi Pathian a si i Amah nih vawlei kha a ser dih; zeitikhmanh ah a baa bal lo i a thazang a tlawm bal lo. Ahohmanh nih a lungthin kha an hngal lo.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

ROM 2:4

A zaangfahnak a nganmi le a lungsaunak le a thinfualnak zong zeirello in um hlah. Pathian nih na cung i zaangfahnak a ngeih cu, i ngaichih seh ti aan duh caah a si ti cu na hngalh ko ṭung.

ROM 9:23

Cun a sunglawimi a sunparnak zong kha langhter a duh i a kan zaangfahmi kannih cungah khan cu a sunparnak cu a kan toih, kannih cu a sunparnak hmu dingin a kan timhmi cu kan si.

1 KORIN 2:10

Cu biathli cu Pathian nih a Thlarau in kannih sinah khan a phuan. Thlarau nih cun zeizong vialte kha a dah a hriah dih, Pathian nih aa tinhmi a thukmi hmanh kha a coih dih hna.

EFESA 1:7

Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

EFESA 2:7

Khrih Jesuh thawngin a langmi a dawtnak chung i a ummi a vel cu zeitluk in dah a ngan ti kha a zungzal in hmu hna seh ti a kan duh caah, hi cu a tuah.

EFESA 3:10

cu ti a rak thuh cu, khrihfabu thawng hin vancung khua uktu vanmi hna nih hin, Pathian fimnak a phunphun cu, atu caan ah hin hngal hna seh ti a duh caah a si.

EFESA 3:16

Nan chunglei minung sinak ah a ṭhawngmi nan si nakhnga le zumhnak thawngin Khrih cu nan lungthin chungah khua a sak nakhnga, cun a sunparnak ro bukbau chungin A Thlarau thawngin ṭhawnnak an pek hna nakhnga, Pathian cu ka nawl. Nan hrih nan hram cu dawtnak chungah fek tein nan bunh nakhnga le

EFESA 3:18

Pathian mi vialte hna he Khrih dawtnak a kauhning le a sauning le a sanning le a thuhning kha nan hngalh khawh nakhnga, nan caah thla ka cam.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.