ROM 11:28 - Lai (Hakha) Common Language Bible 2006

²⁸ Thawngṭha kong in ti ahcun, annih cu Pathian ral an si; Thawngṭha an cohlan duh lo caah — cucu nanmah Jentail mi ṭhatnak caah a si. Sihmanhsehlaw thimnak lei in ti ahcun annih cu an pupa hna ruangah khan Pathian hawikom an si,

Laibaibal Thiang (BSI)

²⁸ Thawngṭha lei in ti ahcun nanmah ruangah ral an si i thimnâk lei in ti ah cun hringtu hna ruangah dawtmi an si.

ROM 11:28 ပူးပေါင်းရင်းမြစ်များ

GENESIS 26:4

Van i arfi zat khin tefa kan pek lai i hi ram vialte hi annih cu ka pek hna lai. Na tefa thluachuah ka pek hna bantuk hin thluachuah kan pe ve tiah vawlei cung miphun vialte nih an ka hal lai.

GENESIS 28:14

Na tefa cu an tam tuk ah vawlei cung leidip zat an si lai. An ram cu nichuahlei he nitlaklei he chaklei he thlanglei he a kau chin lengmang lai i vawlei cung miphun vialte nih na tefa hna thluachuah ka pek hna bantuk hin kan pe ve tiah an ka hal lai.

JEREMIAH 31:3

Lamhlat piin an sinah ka rung lang; Israel mi hna, nannih cu kan dawt zungzal hna i Dong loin kan zohkhenh zungzal ko hna.

MIKAH 7:20

Kan pupa hna sinah chiatser in bia na rak kam cang bantuk khan, Na mi Israel mi kan cungah hin zumhawktlak na sinak kha na langhter lai i kannih Abraham tefa hna hi aa thleng lomi na dawtnak kha na kan hmuhter lai.

MATTHAI 21:43

Cucaah hitihin kan chimh hna: Nannih cu Pathian Pennak kha chuh nan si lai i thei ṭha tein a tlai dingmi kha pek an si lai.

LUKA 1:54

Kan pupa hna sinah a rak sermi biakamnak kha a zulh hna; A sal Israel kha bawmh awkah a ra i

LAMKALTU 14:2

Sihmanhsehlaw a zum duh lomi Judah mi hna nih khan Jentail mi kha an forh hna i unau pawl kha an huatter hna.

LAMKALTU 18:6

Annih nih amah cu an doh i a thang an chiat tikah a puan i leidip kha a thinhnawh hna i, “Nan loh ahcun nanmah mawhchiat awk nan si ko cang lai. Kei cu mawhchiat awk ka si ti lai lo. Atu thawk hin cun Jentail mi sinah ka kal cang lai,” tiah a ti hna.

ROM 11:11

Judah mi cu an rilh tikah an rawk taktak maw? Rawk taktak hlah. An sual caah cun pei khamhnak cu Jentail mi sin a phak cu, Judah mi nahchuahter awkah cun.

ROM 11:30

Nannih Jentail mi nih a hlanah cun Pathian kha a nawl nan rak zul lo; sihmanhsehlaw atu ah cun Judah mi nih khan a nawl kha an zulh lo caah nannih nih a zaangfahnak kha nan hmuh.

ROM 11:7

Cun tah zeitin? Israel mi nih an kawlmi kha an hmu lo, sihmanhsehlaw Pathian thimmi mi tlawmte tu nih khan an hmuh; a dang nih khan cun Pathian auhnak kha an hna an i cheh i

ROM 5:10

Kannih cu Pathian ral kan rak si, sihmanhsehlaw a Fapa thihnak thawngin a hawi ah a kan ser cang. Atu cu Pathian hawikom kan si cang caah Khrih nunnak nih cun zeitluk in dah a kan khamh chinchin lai.

ROM 9:5

Hebru mi a kan hringsortu hna tefa kha an si, cun Khrih zong kha minung lei cun anmah phun a si. Zeizong vialte a uktu Pathian cu zungzal in thangṭhat si ko seh! Amen.

DEUTERONOMI 10:15

sihmanhsehlaw Bawipa nih dawtnak in na pupa hna cungah a lung a chiah i annih hnu i an tefa, nannih cu, midang vialte hlan in an thim hna, nihin ah nan si bang hin.

DEUTERONOMI 4:31

zeitintiah Bawipa nan Pathian cu zaangfah thiammi Pathian a si; an deuh hna lai lo, an hrawk hna lai lo, nan pupa hna sin i chiatser in biakamnak a tuahmi zong cu a philh fawn lai lo.

DEUTERONOMI 8:18

Nan pupa hna sinah chiatser in a tuahmi biakamnak, atu ah a fek rihmi kha, tlinter awkah, chawva hmuh khawhnak ṭhawnnak an petu hna cu Bawipa nan Pathian kha a si tiah i cinken ko u.

DEUTERONOMI 9:5

Na dinnak le na lung dinnak thawngin annih ram kha co awkah na luh cu a si lai lo; sihmanhsehlaw Bawipa na Pathian nih annih kha na hmai in a dawi hna lai cu hi miphun hna an ṭhat lonak ruangah le, Bawipa nih na pupa hna Abraham, Isak, le Jakob sinah chiat a sermi bia cu fehnak caah a si lai.