ROM 11:21 - Lai (Hakha) Common Language Bible 2006

²¹ Thingkung nge taktak bantuk a simi Judah mi cu Pathian nih a zuah hna lo ahcun nannih tah a kan zuah hlei hnga tiah nan i ruat maw?

Laibaibal Thiang (BSI)

²¹ Zeitintiah Pathian nih a nge tak tak hmanh a zuah lo ahcun, nang zong an zuah hlei lai lo.

ROM 11:21 ပူးပေါင်းရင်းမြစ်များ

JEREMIAH 25:29

Ka min in auhmi khua cu dan ka tat hmasa bik lai; nannih cu kan luat hnga tiah nan i ruat maw? Luat hlah, nan luat kho lai lo, zeicahtiah vawlei cung i khua a sami vialte tuknak caah vainam kha ka au lio, tiah Ralkapbu Bawipa nih a ti,’ na ti hna lai.

JEREMIAH 49:12

“Dantat awkah aa tlak lomi hna hmanh nih dantatnak hrai kha an din ahcun, nang cu dantat loin ka luat hnga tiah maw naa ruah? Na luat lai lo, hrai cu na din hrimhrim lai.

ROM 11:17

Cinmi oliv kung a nge cheukhat cu tan an si i ramlak oliv kung a nge kha cinmi kung ah cun peh a si. Cu bantuk cu nannih Jentail mi hi nan si; atu cu oliv kung a hrampi kha nan i hrawm ve cang.

ROM 11:19

Sihmanhsehlaw nan i thawh hnga i, “Kanmah umnak serpiak awkah pei a nge cu khiah an si fom cu,” nan ti hnga.

ROM 11:20

Cucu ahmaan ko. Annih cu an zumh lo ruangah khiah an si, nannih cu nan zumh ruangah nan umnak hmun ah nan um. Sihmanhsehlaw cu kong ah nan lung puam sual hlah u; a ṭih in ṭih lehlam u.

ROM 11:22

Hika ah hin zeitluk in dah Pathian nih mi a zaangfah hna ti le zeitluk in dah Pathian cu ṭih a nun ti kha kan hmuh. A tlumi hna caah cun ṭih a nung ngaingai ko, sihmanhsehlaw nannih cungah cun zaangfahnak a ngei — a zaangfahnak chung i nan um paoh ahcun an zaangfah ko hna lai, sihmanhsehlaw nan um lo ahcun nannih zong khiah nan si ve ko lai.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

JUDAS 1:5

Cucaah cun nan hngalh dihmi a si ko nain, Bawipa nih Israel mi cu Izipt ram chungin a chuahter hna i sihmanhsehlaw a hnuah a zum lomi cu a thah hnanak kong kha theihter ṭhan kan duh hna.