ROM 11:20 - Lai (Hakha) Common Language Bible 2006

²⁰ Cucu ahmaan ko. Annih cu an zumh lo ruangah khiah an si, nannih cu nan zumh ruangah nan umnak hmun ah nan um. Sihmanhsehlaw cu kong ah nan lung puam sual hlah u; a ṭih in ṭih lehlam u.

Laibaibal Thiang (BSI)

²⁰ A si ko. An zumh lo ruangah tanmi an si, nang tu cu na zumh ruang i pehmi na si. I porhlaw hlah, a ṭih tu ṭih deuh.

ROM 11:20 ပူးပေါင်းရင်းမြစ်များ

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

SALM 138:6

Bawipa cu hi tluk hin a sang hringhran ko nain minauta kha an zawn a ruah hna i miruamkai kha a hmuh lonak ah an i thup kho lo.

PHUNGTHLÛKBIA 28:14

Bawipa a ṭih zungzalmi cu mi thluachuak an si, sihmanhsehlaw a lung a hahtermi cu vanchiatnak chungah an tla lai.

PHUNGTHLÛKBIA 28:26

Mah ruahnak i rinh cu hruh a si, sihmanhsehlaw fimnak lam a zulmi cu him tein a lan ko lai.

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 2:17

Cun minung porhlawtnak cu a dong lai i minung ruamkainak cu a rawk lai. Cu ni a phak tikah cun Bawipa lawnglawng kha hlorh a si lai i

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

ISAIAH 7:9

Israel cu Samaria khua nakin a ṭhawng deuh lo i Samaria cu Siangpahrang Pekah nakin a ṭhawng deuh fawn lo. “ ‘Na zumhnak a ṭhawn lo ahcun, na hmun hrimhrim lai lo,’ a ti, tiah hung chim,” a ti.

HABAKKUK 2:4

Cun a bia cu hihi a si: “A ṭha lomi cu a nung lai lo. Sihmanhsehlaw a dingmi cu a nung lai. Pathian sinah zumhtlak a sinak thawngin a nung lai,” a ti.

ZEFANIAH 3:11

Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.

LUKA 18:14

Hihi kan chimh hna: Farasi mipa kha si loin hi pa tu hi a sualnak ngaihthiam in inn ah a ṭinmi cu a si. Zeicahtiah amah le amah aa ngantermi cu ṭhumh an si lai i mi tangah aa dormi cu mi ngan ah ser an si lai,” tiah a ti.

LAMKALTU 18:6

Annih nih amah cu an doh i a thang an chiat tikah a puan i leidip kha a thinhnawh hna i, “Nan loh ahcun nanmah mawhchiat awk nan si ko cang lai. Kei cu mawhchiat awk ka si ti lai lo. Atu thawk hin cun Jentail mi sinah ka kal cang lai,” tiah a ti hna.

ROM 11:18

Cucaah khiahmi nge bantuk a simi kha porhlawthnawh hna hlah u. Zeitindah nan lung a puam ngam? A nge pei nan si ko cu; a hram cu nanmah nih nan cawm ṭung lo, a hram nih pei an cawm hna cu.

ROM 11:21

Thingkung nge taktak bantuk a simi Judah mi cu Pathian nih a zuah hna lo ahcun nannih tah a kan zuah hlei hnga tiah nan i ruat maw?

ROM 12:16

Pakhat le pakhat nan zawn i ruat dih u. Lungpuam in um hlah u, rian hme tete ṭuan duhnak lungthin kha ngei u. Ka fim tiah vaa ruat hlah u.

ROM 12:3

Pathian nih vel a ka ngeih caah a ka pekmi laksawng ka hmuhmi thawngin hi bia hi nan dihlak sinah ka chim: Nanmah le nanmah kha a sang tuk ah i ruat hlah u. Nan siningte tu kha i hngal u law Pathian nih zumhnak an pekmi hna ning cio ah nanmah le nanmah nan i ruah cio ning cu si seh.

ROM 3:3

Asinain a cheu kha zumh awk tlak lo an rak si si kaw, zeitindah a si kun lai? Cu ruangah cun Pathian zong cu zumh awk tlak lo a si ve lai tinak a si maw?

1 KORIN 10:12

Ka dir kho ko tiah aa ruatmi cu a tluk sualnak hnga lo i ralring seh.

1 KORIN 15:1

Atu cu ka u le ka nau hna, nannih kan chimhmi hna Thawngṭha kha hngalhter ṭhan kan duh hna; cucu nannih nih nan rak cohlan cangmi Thawngṭha, nan zumhnak nan bunhnak Thawngṭha kha a si i cu nih cun khamhnak kha an pek hna.

1 KORIN 16:13

Lungfim tein um u, nan zumhnak ah khan fek tein dir u, ralṭha in um u law thazang ṭhawng in um u.

2 KORIN 1:24

Cucu nan zumh awk, khakha nan zumh awk, ti kha ca auh bantukin in auh duahmah hna kha ka duh lo, zeicahtiah zumhnak ah khan fek tein nan dir ti kha ka hngalh ko. Kannih nih tuah kan duhmi cu nanmah lawmhnak tu kha a si deuh.

2 KORIN 10:5

Pathian hngal kho hna hlah seh tinak ca i chonmi vampang porhlawtnak vialte kha kan baoh dih; minung lungthin kha sal ah kan va tlaih hna i Khrih nawl kha kan ngaihter hna.

FILIPI 2:12

Cucaah ka dawtmi ka hawile hna, nan sin ka um i ka bia nan ngaih zungzal bantuk khan lamhlat i ka um zongah hin ka nawl ngai chinchin ko u ti kan duh hna. Nan khamhnak a tlin khawh nakhnga, ther le phang lengmang in ṭuan ko u.

KOLOSE 2:7

Amah chungah hram thukpi in thla u law amah cungah nan nuncan cu inn bantukin sa u law an rak in cawnpiak hna bang khan nan zumhnak ah ṭhawng chin lengmang ko u. Cun lunglawmhnak in khat u.

2 THESALON 2:4

Mi nih an biakmi paohpaoh le Pathian thil i an ruahmi paohpaoh kha a doh lai. Amah cu Pathian timi hna paohpaoh le biakmi hna paohpaoh hna cungah khan aa chia lai i Pathian biakinn chung hmanh ah khan a lut lai i Pathian ka si a ti lai.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

HEBRU 3:12

Ka u le ka nau hna, a nungmi Pathian zamtak a duhmi lungthin ṭhalo le Pathian bochan duh lonak lungthin a ngeimi nan um sual nakhnga lo i ralring u.

HEBRU 3:19

Cucaah cun an zumh lo caah an rak luh khawh lonak kha a si, ti cu kan hmuh cang.

HEBRU 4:11

Cucaah Pathian dinhnak chung i kan luh khawh nakhnga fak piin i zuam u sih. Annih nih Pathian nawl kha an rak ngaih lo i an luh khawh lo bantuk khan kannih cu pakhat hmanh um sual hlah u sih.

HEBRU 4:6

Pathian dinhnak chungah a lutmi an um awk a si ti cu a fiang, sihmanhsehlaw Thawngṭha a thei hmasami hna nih khan an zumh lo ruangah an luh khawh lo caah Pathian nih ni dang pakhat kha a chiah ṭhan.

JEIM 2:19

Pathian cu pakhat lawng a si ti nan zumh. A ṭha ko. Khuachia zong nih cucu an zumh ve ko — an zumh ve ko i an ṭih caah a ther in an ther.

JEIM 4:6

Sihmanhsehlaw Pathian pekmi vel cu cu nak hmanh cun a ṭhawng deuh chinchin. Cathiang nih a ti bangin, “Pathian nih aa porhlawmi cu a doh hna i mi toi i aa dormi kha vel a ngeih hna.”

1 PETER 1:17

Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh ṭung ahcun, hi vawleicung nan nun lioah hin amah upat bu tein nan um awk a si.

1 PETER 5:12

Hi ca hi Silas nih a ka bawmhnak thawngin nannih kha kan kuat hna. Amah cu zumhawktlak a si tiah ka ruahmi kan unau a si. Hihi Pathian vel ahmaanmi taktak a si ti kha tehte khan ka duh i a chungah fek tein dir u, tiah forh kan duh hna.

1 PETER 5:9

Nan zumhnak ah khan fek tein um u law amah cu rak doh u, zeicahtiah vawleicung khuazakip i a ummi zumhnak lei in nan unau a simi hna kha, cu bantuk temhnak cu an ing ve ti kha nan hngalh.

BIAPHUAN 18:7

Sunparnak le nuamhnak amah le amah a rak i pek zat te khan, Temhinnak le ngaihchiatnak pe ve u. Zeicahtiah aa thawh i, Keimah cu bawiṭhutdan cung i a ṭhumi siangpahrang bawinu ka si. Nuhmei ka si lo, ngaihchiatnak cu ka ing bal lai lo, a ti.

BIAPHUAN 3:17

Ka rum ko, kaa za ko, zeihmanh ka bau lo, na ti. Asinain zeitluk sifak le zaangfah awk tlak dah na si kha naa hngal lo. Na si a fak, puan aih awk hmanh na ngei lo i na mit a caw.