ROM 11:11 - Lai (Hakha) Common Language Bible 2006

¹¹ Judah mi cu an rilh tikah an rawk taktak maw? Rawk taktak hlah. An sual caah cun pei khamhnak cu Jentail mi sin a phak cu, Judah mi nahchuahter awkah cun.

Laibaibal Thiang (BSI)

¹¹ An tluknâk cu an rilh thainâk a si maw? hei ti ning law. Si naisai hlah! Asinain anmah hnahchuahter nâkah, an tluknâk thawngin Gentel mi hna sinah khamhnâk a rak phân.

ROM 11:11 ပူးပေါင်းရင်းမြစ်များ

EZEKIEL 18:23

Miṭhalo mi thih cu maw ka duh? A ziaza kha aa remh i a nun kha ka duhmi a si deuh lo maw? tiah Bawipa Pathian nih a ti.

EZEKIEL 18:32

Zeicahdah nan thih lai ee, Israel mi hna? Ahohmanh nan thih cu ka duh ṭung lo, tiah Bawipa Pathian hrimhrim nih a ti,” tiah a ti.

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

LUKA 20:16

Amah cu a ra lai i cu hna cu a thah hna lai i dum cu midang kha a zohter hna lai,” tiah a ti. Cucu mizapi nih khan an theih tikah, “Si sawh hlah seh,” an ti.

LAMKALTU 13:42

Paul le Barnabas cu pumhnak inn in an ṭin pah ah khan, hmai Sabbath ni ah ra ṭhan u law hi thil kong hi tam deuh in kan chim ṭhan rih u, tiah an sawm hna.

LAMKALTU 18:6

Annih nih amah cu an doh i a thang an chiat tikah a puan i leidip kha a thinhnawh hna i, “Nan loh ahcun nanmah mawhchiat awk nan si ko cang lai. Kei cu mawhchiat awk ka si ti lai lo. Atu thawk hin cun Jentail mi sinah ka kal cang lai,” tiah a ti hna.

ROM 10:19

Biahalnak tuah ka duh rihmi cu: Israel mi nih an hngal lo maw, ti hi a si. A let hmasa biktu ding cu Moses kha a si. Zeitindah a chim tiah: “Nannih cu miphun taktak a tling lomi kha kaan nahchuahter hna lai; Nannih cu mihrut miphun cungah khan nan thin kan hunter hna lai,” a ti.

ROM 11:1

A si kun ahcun, Pathian nih a mi cu a hlawt hna a si maw? Si hrimhrim hlah. Keimah zong hi Israel mi, Abraham tefa, Benjamin phun chungmi ka si.

ROM 11:12

Judah mi sualnak nih hin vawlei cungah thluachuahnak tampi a tlunter i thlarau lei in mipam an sinak nih Jentail mi cu thluachuahnak tampi a phorh hna ahcun Judah mi cu tling tein an i tel ve tikah cun thluachuahnak cu zeitluk in dik a ngan chinchin lai!

ROM 11:14

Ka phun hawimi kha an nahchuahter kaa zuam i cuticun tlawmpal tal ka khamh kho phum hna hnga maw ka ti.

ROM 11:31

Cu bantuk ṭhiamṭhiam in nannih nih nan hmuhmi a zaangfahnak kha annih zong nih an hmuh ve nakhnga atu ahcun a nawl kha zul loin an um.