ROM 11:1 - Lai (Hakha) Common Language Bible 2006

¹ A si kun ahcun, Pathian nih a mi cu a hlawt hna a si maw? Si hrimhrim hlah. Keimah zong hi Israel mi, Abraham tefa, Benjamin phun chungmi ka si.

Laibaibal Thiang (BSI)

¹ Pathian nih a mi le a hlawt hna maw? hei ti ning law. Hlaw naisai hlah. Zeitintiah keimah zong hi Israel mi, Abraham tefa, Benjamin miphun ka si.

ROM 11:1 ပူးပေါင်းရင်းမြစ်များ

2 SIANGPAHRANG 23:27

Cun Bawipa nih, “Israel ka ṭhial bantuk khan Judah zong hi ka mithmuh phak lonak ah ka ṭhial lai, cun ka thimmi khuapi Jerusalem hi le “Hi chungah ka min a um lai,” ti in ka rak timi inn zong hi ka hlonh hna lai,” tiah a ti.

SALM 77:7

Bawipa nih hin a zungzal in maw a ka hlawt ko lai? Ka cungah hin lawmhnak a ngei ṭhan ti lai lo maw?

SALM 94:14

Bawipa nih a mi cu a hlaw hna lai lo, amah ta a simi cu a zamtak hna lai lo.

HOSEA 9:17

Annih cu ka Pathian nih a hlawt hna lai, Zeicahtiah a bia kha an ngai lo, Annih cu miphun hna lakah mivakvai an si lai.

LUKA 20:16

Amah cu a ra lai i cu hna cu a thah hna lai i dum cu midang kha a zohter hna lai,” tiah a ti. Cucu mizapi nih khan an theih tikah, “Si sawh hlah seh,” an ti.

LAMKALTU 22:3

“Kei cu Judah mi, Silisia ram Tarsas khua i a chuakmi ka si, sihmanhsehlaw ka ca cawnnak cu hika Jerusalem khua ah hin Gamaliel kut tangah khan a si. Kan pupa hna Phungbia kha fel tein cawnpiak ka rak si i nihin i nanmah vialte tlukte hin Pathian leiah aa pumpemi ka rak si.

LAMKALTU 26:4

“Judah mi vialte hna nih hin, ka ngakchiat tein zeitindah ka nuncanning a si kha an hngalh dih. A hramthawk tein kei cu ka ram chung le Jerusalem khua chung i khua a sami ka si kha an hngalh.

ROM 11:11

Judah mi cu an rilh tikah an rawk taktak maw? Rawk taktak hlah. An sual caah cun pei khamhnak cu Jentail mi sin a phak cu, Judah mi nahchuahter awkah cun.

ROM 3:4

Si hrimhrim hlah. Minung hi kan dihlak in lihchim si hmanh u sih law Pathian cu zumh awk tlak a si ṭhiamṭhiam ko. Cathiang nih, “Bia na chim tikah na chimmi cu ahmaan ti kha a lang lai i tazacuai na si tikah na bia cu na tei lai,” tiah a ti bang khan a si.

ROM 9:3

Anmah ca i a ṭha ding a si ahcun keimah hi Pathian chiatserhnak in i Khrih he i ṭhen hmanh kha ka duh deuh.

2 KORIN 11:22

Annih cu Hebru mi an si maw? Ka si ve. Israel mi an si maw? Ka si ve. Abraham tefa an si maw? Ka si ve.

FILIPI 3:5

zarh khat ka si ah cuarpartan ka si, chuahkehnak lei in Israel mi, Benjamin phun, Hebru mithiang ka si; Judah mi Nawlbia zulhnak leiah Farasi ka si i

1 SAMUEL 12:22

Nannih cu amah ca miphun i ser kha Bawipa lawmhmi a si caah, a min ngan ruang ah hin, Bawipa nih a mi cu an hlonh hna lai lo.