ROM 1:32 - Lai (Hakha) Common Language Bible 2006

³² Hi bantukin a nunning a simi cu thih awk a tlakmi a si, tiah Pathian nawlbia nih a timi kha an hngalh ko. Asinain hi bantuk thil cu anmah nih an tuah lengmang lawng si loin midang a tuah vemi zong kha an hnatlakpi hna.

Laibaibal Thiang (BSI)

³² Cubantuk thil a tuahtu hna cu thih awkah an i tlâk ko tiah a dingmi Pathian biaceihnâk kha an hngalh ko nain, anmah nih an tuah lawng hmanh si loin midang tuahmi zong kha an hnatlâkpi hna.

ROM 1:32 ပူးပေါင်းရင်းမြစ်များ

SALM 50:18

Mifir nan hmuh tikah a hawi ah nan i cang i vacung pa duhmi hna he nan i kom.

PHUNGTHLÛKBIA 28:4

Phung a zul lomi nih cun miṭhalo kha an thangṭhat hna, sihmanhsehlaw phung kha a zulmi nih cun an doh hna.

HOSEA 7:3

Siangpahrang cu an ṭhat lonak khan a lung an awih i bawi hna cu an mi hlenthiamnak khan an lung an lawmhter hna,

LUKA 11:48

Cucaah nanmah hrimhrim nih nan pupa hna nih an rak tuahmi nan hnatlakpi hnanak kha nan langhter; annih nih profet kha an nawn hna i nannih nih an thlan kha nan ser hna.

LAMKALTU 22:20

Cun na tehte a simi Steven kha an thah tikah keimah hrimhrim zong kaa tel ve i amah thah kha ka hnatlakpi ve hna i a thattu hna an puan a rak fimhlawmtu kha ka rak si,’ ka ti.

LAMKALTU 8:1

Cu ni hrimhrim cun Jerusalem khua khrihfabu nih hremnak in hram aa thawk. Lamkaltu pawl kha dah ti lo cu, a zummi vialte kha Judea ram le Samaria ram ah an i ṭhek dih.

ROM 1:18

Sihmanhsehlaw Pathian thinhunnak cu vancung in a rung lang i minung sualnak le ṭhat lonak dihlak cungah khan a rung tlung; cu an ṭhat lonak cu biatak kha lang kho loin a dawntu an ṭhat lonak kha a si.

ROM 1:21

Pathian cu hngalh cu an hngalh ko, sihmanhsehlaw pek awk a simi upatnak kha an pe duh lo; a lawmh zong an lawm duh fawn lo. An ruahnak kha pakpalawng tu ah a cang i an lungthin kawlawngpi cu muihnak in a khat.

ROM 6:21

asinain zeital a miak nan hmu maw? Atu i nan i zahpimi thil hna dah ti lo hi cu, zeihmanh nan hmu lo. Cu hna an donghnak cu thihnak a si.

ROM 6:23

Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si.

2 THESALON 2:12

A phichuak cu: biatak a zum lo i sualnak tuah a duhmi vialte kha sualphawt an si lai.