ROM 1:29 - Lai (Hakha) Common Language Bible 2006

²⁹ Annih cu ṭhat lonak a phunphun le duhfahnak le puarnak le nahchuahnak in an khat i an lungthin cu lainawnnak le i dohnak le i hlennak le ziarngeihnak in a liam in a liam. Pakhat le pakhat an i congoih,

Laibaibal Thiang (BSI)

²⁹ Dinlonâk in an khat i nupa sualnâk, suahsualnâk, hakkauhnâk le min chiatter duhnâk in an khat. Hnahchuahnâk, lainawnnâk, i remlonâk, hlennâk, sualnâk lei lawng duhnâk, thlithup biaruah hmannâk,

ROM 1:29 ပူးပေါင်းရင်းမြစ်များ

SALM 41:7

A ka huami nih khan a thli tein an ka congoih, ka ca i a ṭha lo bik ding kha an ruat.

PHUNGTHLÛKBIA 16:28

Mi lungthin ṭhalo nih rem lonak kha an karhter i Mi dupdap nih hawikom ṭha kha an ṭhen hna.

PHUNGTHLÛKBIA 26:20

Thing a um lo ahcun mei cu a mit, a thli tein a chim depmaptu um lonak hmun ah cun siknak a dai.

MATTHAI 5:32

Sihmanhsehlaw kei nih cun, hitihin ka ti: Mipa nih a nupi kha, zumhawktlak loin a um ti ṭung lo i a mak ahcun, a nupi kha va a ngeih tikah vacung in pa a duhter a si, cucaah mipa kha a sual; cun amah a rak ṭhitu zong kha a sual ve ṭhiamṭhiam.

ROM 3:10

Cathiang nih, “A dingmi ahohmanh an um lo,

2 KORIN 12:20

Nan sin ka phak tikah, si hna seh ti kan duhmi hna kha rak si loin kan hmuh sual hna lai ti kha ka phang i, si seh ti nan ka duhmi kha ka si lo sual lai ti zong kha ka phang ve. Pakhat le pakhat i si le i nahchuah le thintawi le mah zawn lawng ruat le i thangchiat i congoih le i porhlaw le ningcanglo khuasa in kan hmuh sual hna lai ti kha ka phang.

1TIMOTE 3:11

An nupile zong ziaza ṭhami an si lai i mi congoih hmangmi an si lai lo; zurit hmang lomi an si lai i zeizong kip ah miding an si lai.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.