ROM 1:25 - Lai (Hakha) Common Language Bible 2006

²⁵ Pathian kong i biatak kha lih ah an thlen; Sertu kha bia loin sermi thil tu kha an biak hna, Sertu cu pei zungzal in thangṭhat awk a simi cu a si cu! Amen.

Laibaibal Thiang (BSI)

²⁵ Pathian biatak kha lih ah an thlen i Sertu bia loin sermi kha an biak i a rian kha an ṭuanpiak. Sertu kha pei zungzal i thangṭhat awktlâk a si cu. Amen.

ROM 1:25 ပူးပေါင်းရင်းမြစ်များ

SALM 72:19

A sunglawimi a min cu zungzal in thangṭhat ko u, a sunparnak cu vawleicung dihlak ah khat seh. Amen, Amen.

ISAIAH 44:20

Cu ti a tuah cu vutcam ei sullam bantuk men a si. Ruahnak hrut a rak ngeihmi nih khan a pingah a hruai tuk cang caah bawmh khawh hmanh a si ti lo. Ka kut i kaa putmi siasal hi pathian a si hrimhrim lo ti kha a hngal lo.

JEREMIAH 13:25

Nannih nih keimah kha nan ka hlawt i pathian deu kha nan i bochan hna caah Mah hihi nan covo, ral thawh hmangmi hna covo, Keimah nih kan tahpiakmi hna cu a si, tiah Bawipa nih a ti.

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

AMOS 2:4

Hihi Bawipa bia an si: Judah nih ṭhat lonak kha pakhat hnu pakhat in a tuah lengmang caah A cung i ka tlunter ding dantatnak kha ka let lai lo. Annih nih Bawipa phunglam kha zei ah an rel lo i A nawlbia kha an zul lo; An pupa hna nih an rak zulhmi pathian deu hna nih khan a pingah an hruai hna.

HABAKKUK 2:18

Siasal hi a ṭhathnemnak zei a um maw? Minung nih an sermi a si ko i lih dah ti lo cu zeihmanh aan chimh khawhmi hna a um lo; a holh hmanh a holh kho lomi pathian cu a sertu caah a tuah khawhmi zeital a um maw?

MATTHAI 10:37

“Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo.

MATTHAI 6:24

“Ahohmanh bawi pahnih sal nan si kho lai lo; pakhat kha nan dawt deuh lai i pakhat kha nan huat deuh lai; pakhat sinah khan cun zumhawktlak tein nan um lai i pakhat tu kha cu zei ah nan rel lai lo. Pathian le tangka cu an rian nan ṭuan kep kho lai lo.

JOHAN 2:8

annih cu, “Ti kha tlawmpal in hei than u law rawldanghnak tlangtlatu kha hei pe u,” tiah a ti hna. An hei pek i,

ROM 1:18

Sihmanhsehlaw Pathian thinhunnak cu vancung in a rung lang i minung sualnak le ṭhat lonak dihlak cungah khan a rung tlung; cu an ṭhat lonak cu biatak kha lang kho loin a dawntu an ṭhat lonak kha a si.

ROM 1:23

thih a thiam lomi Pathian tu kha bia loin thih a thiammi minung le va le saram le a lawn in a lawnmi thilnung he aa loin sermi milem tu kha an biak hna.

ROM 9:5

Hebru mi a kan hringsortu hna tefa kha an si, cun Khrih zong kha minung lei cun anmah phun a si. Zeizong vialte a uktu Pathian cu zungzal in thangṭhat si ko seh! Amen.

2 KORIN 11:31

Bawipa Jesuh i a Pathian le a Pa nih lih ka chim lo cu a hngalh — a min cu zungzal in thangṭhat si ko seh.

EFESA 3:21

khrihfabu chungah Khrih Jesuh thawngin, zungzal in zungzal tiang sunglawi ko seh! Amen.

1THESALON 1:9

anmah tu nih khan nanmah kan in tlawn hna ah khan zeitindah nan kan conglawmh ti kha an chim ko.

1TIMOTE 1:11

Ahmaanmi cawnpiaknak cu thanh fial ka simi Thawngṭha chungah khan a um i cu Thawngṭha cu sunparnak le thangṭhatnak in a khatmi Pathian sinin a rami kha a si.

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

2TIMOTE 3:4

hawi rawi a hmangmi an si lai, duhpaoh khuasa an si lai i porhlawtnak in an khat lai; Pathian nakin nuamhnak kha an duh deuh lai;

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.