ROM 1:12 - Lai (Hakha) Common Language Bible 2006

¹² Ka chim duhmi cu, pakhat le pakhat kan i bawm cio hnga; ka zumhnak nih nannih an bawmh hna hnga i nan zumhnak nih kei zong a ka bawmh ve hnga, ti hi a si.

Laibaibal Thiang (BSI)

¹² Cucu nan zumhnâk le ka zumhnâk ṭangṭi in pakhat le pakhat thazâng kan i pêk khawh nâkhnga caah a si.

ROM 1:12 ပူးပေါင်းရင်းမြစ်များ

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

ROM 1:11

Zeicahtiah nanmah hmuh cu kaa ngaih hringhran i nanmah he thlarau thluachuahnak i hrawm i nanmah thazang pek cu ka duh ngaingaimi a si.

ROM 1:13

Ka u le ka nau hna, hihi rak ka hngalhpiak u ti kan duh hna: nanmah tlawn hi voi tampi kaa tim tawn, sihmanhsehlaw zei nih dik a ka donh zungzal. Jentail mi a dang hna lak i lungthlengmi ka umter hna bantukin nannih lak zong i lungthlengmi umter ve cu ka duh hringhranmi a si.

ROM 15:24

atu cu kan tlawng kho cang rua hna lai tiah ruahchannak ka ngei. Spain ram i ka kalpah ah hin in hmu hna ning law ti cu ka duh i nan sinah tlawmpal ka cam hnuah cuka kal cu ka bawm te u law ka ti.

ROM 15:32

Cuticun, Pathian duhnak a si ahcun, lawmhnak he nan sin ka phan lai i nanmah tlawn cu ka caah thazang thar laknak a si lai.

2 KORIN 7:13

Cucaah cun pei kan hna a ngam cu. Kan hnangam lawng a si lo. Titas nan rak lawmhternak nih khan a kan lawmhter ve.

EFESA 4:5

Bawipa pakhat lawng a um, zumhnak pakhat lawng a um, tipil innak pakhat lawng a um;

2TIMOTE 1:4

Na mitthli kha ka philh lo i lunglawmhnak in ka khah nakhnga nangmah hmuh cu ka duh hringhran.

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

2 JOHAN 1:4

Kan Pa nih a kan fial bantukin na fale cheukhat cu biatak in an nung ti kha ka theih tikah ka lung aa lawm tuk hringhran.

JUDAS 1:3

Ka dawtmi ka hawile hna, kan dihlak in kan i hrawmmi khamhnak kong kha ca in, in chim hna ning ti cu ka duh zungzalmi a si. Sihmanhsehlaw atu ah hin, Pathian nih voi khat ah za lak in a mi a pekmi hna zumhnak kha rak ṭanh u, tiah in chimh hna kha a herh hringhran in ka hngalh caah cu kong cu ca in kua loin kan um kho hna lo.