ROM 1:11 - Lai (Hakha) Common Language Bible 2006

¹¹ Zeicahtiah nanmah hmuh cu kaa ngaih hringhran i nanmah he thlarau thluachuahnak i hrawm i nanmah thazang pek cu ka duh ngaingaimi a si.

Laibaibal Thiang (BSI)

¹¹ Zeitintiah nan hram a feh khawh nâkhnga thlarau lei thilpêk pe dingin hmuh kan duh hringhran hna.

ROM 1:11 ပူးပေါင်းရင်းမြစ်များ

GENESIS 31:30

Inn tlun naa ngaih tuk cang caah na kal ti cu ka hngalh, asinain zeicahdah ka pathian kha naa fir hna?” a ti.

2 SAMUEL 13:39

Cun Siangpahrang David cu Absalom kha a ngai hringhran; zeitintiah Amnon kha cu a thi cang ko cu ta, tiin a kong ah khan aa lungsak cang.

2 SAMUEL 23:15

Cun David nih ti kha a ngai ruangmang i, “Bethlehem tikhor, hauka pawng i a ummi ti kha din awkah a ka petu hei um hna seh law, ka hei duh hnga dah,” tiah a ti.

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

LAMKALTU 16:5

Cucaah khrihfabu cu zumhnak ah an ṭhawng chinchin i ni fate in an karh chin lengmang.

LAMKALTU 19:21

Hi bantukin thil a um hnuah Paul nih Masidonia ram le Grik ram kha ka tlawng lai i Jerusalem ah ka lan colh te lai, tiah a ruah. “Cun cuka ka phak hnuah Rom zong hmuh hrimhrim kaa zuam lai,” tiah a ti.

LAMKALTU 19:6

Paul nih an cungah a kut a chuan i Thiang Thlarau kha an cungah a tlung; holh theih loin an holh i Pathian bia zong kha an chim.

ROM 1:12

Ka chim duhmi cu, pakhat le pakhat kan i bawm cio hnga; ka zumhnak nih nannih an bawmh hna hnga i nan zumhnak nih kei zong a ka bawmh ve hnga, ti hi a si.

ROM 15:23

Sihmanhsehlaw hika hrawng ram i ka rian cu ka lim cang i nanmah hmuh ka duhnak kha kum tampi a si cang caah

ROM 15:29

Nan sin ka rat tikah Khrih thluachuahnak kha tlamtling tein kan phorh hna lai ti kha ka hngalh.

ROM 15:32

Cuticun, Pathian duhnak a si ahcun, lawmhnak he nan sin ka phan lai i nanmah tlawn cu ka caah thazang thar laknak a si lai.

ROM 16:25

Pathian cu sunparnak pe u sih. Ka chimmi Khrih kong Thawngṭha le kan hnulei chan tampi chung aa thupmi biathli kha phuan a sining in, Pathian nih cun nan zumhnak ah fek tein an dirter khawh hna lai.

2 KORIN 1:15

Hi vialte hi fek tein ka zumh caah nanmah tlawn hmasa kha ka rak i tim, nannih nih thluachuahnak a voi hnih in nan hmuh khawh nakhnga.

2 KORIN 1:21

Nanmah he kanmah he Khrih ta kan si ti fiang tein a kan hngalhtertu cu Pathian hrimhrim kha a si; amah ca i a kan thleidangtu cu Pathian ṭhiamṭhiam kha a si,

2 KORIN 11:4

Zeicahtiah nan sinah a ra i kannih chimmi si loin Jesuh dang a hung chimmi zong kha nan rak pomhlawm duahmah ko hna i kannih nih kan in chimhmi hna Thlarau le Thawngṭha he aa dang rumro komi thlarau le thawngṭha zong kha nan rak cohlan duahmah fawn ko.

2 KORIN 9:14

Cucaah Pathian nih tam khun in an pekmi hna a vel ruangah khan nan ca i thla an cam tikah nanmah ngaih buin an cam lai.

FILIPI 1:8

Khrih Jesuh lungthin chungin a chuakmi ngaihnak in kan ngai hna, hi ti ka ti tikah hin ka lih a si lo ti cu Pathian nih a hngalh.

FILIPI 2:26

Amah nih an ngai ngaingai hna i a zaw ti nan rak theih caah khan a lung a ṭha lo.

FILIPI 4:1

Cucaah cun ka dawt i ka ngaihmi ka unaule hna, Bawipa chung i nan nunnak ah khan, cu bantuk cun fek tein dir ko u, nannih cu kaa lawmhnak le ka suiluchin nan si, ka dawtle hna.

1THESALON 3:13

Cuticun nan lung kha in ṭhawnter hna seh law kan Bawipa Jesuh cu a mi vialte hna he a rat tikah Bawipa kan Pathian hmaiah mitling le mithiang nan si lai.

1THESALON 3:2

Timote kha nan sinah rak thlah u sih kan ti. Amah cu Khrih kong Thawngṭha a chim vemi kan sin i rian a ṭuanmi a si.

2 THESALON 2:17

a ṭhami kha nan tuah ngam nakhnga le nan chim ngam nakhnga ralṭhatnak in pe ko hna seh.

2 THESALON 3:3

Bawipa cu zumh awk tlak a si ko. An ṭhawnter hna lai i Miṭhalo Pa sin khan him tein an umter ko hna lai.

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

1 PETER 5:12

Hi ca hi Silas nih a ka bawmhnak thawngin nannih kha kan kuat hna. Amah cu zumhawktlak a si tiah ka ruahmi kan unau a si. Hihi Pathian vel ahmaanmi taktak a si ti kha tehte khan ka duh i a chungah fek tein dir u, tiah forh kan duh hna.

2 PETER 1:12

Hi thil hi nan hngal ko cang nain le biatak nan hmuhmi chungah fek tein nan dir cang ko nain kan chimh ṭhan lengmang ko rih hna lai.