PHUNGTHLÛKBIA 9:7 - Lai (Hakha) Common Language Bible 2006

⁷ Miruamkai a chimhringtu nih cun rak nihsawhnak kha a in tawn, miṭhalo nun a chimtu nih cun hma a in tawn.

Laibaibal Thiang (BSI)

⁷ “Zomhtaih hmang chimhringtu nih serhleihnâk a ton lai, misual chimhringtu nih kutthlâk a ton tawn.

PHUNGTHLÛKBIA 9:7 ပူးပေါင်းရင်းမြစ်များ

1 SIANGPAHRANG 18:17

Ahab nih Elijah cu a hmuh tikah, “Nangmah na si maw? Israel hnahnawhnak petupa?” tiah a ti.

1 SIANGPAHRANG 21:20

Ahab nih Elijah cu, “Na ka hmuh cang mu, maw ka ralpa,” tiah a ti. Cun anih nih, “Bawipa mithmuh i thil ṭhalo tuah awkah khan nangmah le nangmah cu naa zuar cang caah, kan hmuh cang.

1 SIANGPAHRANG 22:24

Khi tikah Khenaanah fapa Zedekiah kha a pawngah a ra i Mikaiah kha a biang ah a bengh i, “Zeitik ah dah Bawipa thlarau cu nangmah sin i bia chim awkah ka sinin a chuah cu a si?” tiah a ti.

1 SIANGPAHRANG 22:27

cun siangpahrang nih hi bangin, ‘Hi pa hi thong ah rak thla u law rawl tlawmte le ti tlawmte lawng, daihnak in ka ra kir ṭhan hlantiang, rak pe u, a ti,’ tiah va chim hna u,” tiah a ti.

2 CHANRELNAK 36:16

sihmanhsehlaw Bawipa thinhunnak cu a mi hna cungah a thawh i remh ṭhan khawhnak a um ti lo tiangin Pathian lamkaltu hna cu an rak zawmhtaih lengmang hna i a bia kha zei ah an rel lo i a profet hna kha an nihsawh hna.

JOB 5:17

“Zohhmanh, Pathian nih a chimhhrinmi cu lunglawmmi a si; Cucaah Lianngan Bik chimhhrinnak cu zeirello in um hlah.

PHUNGTHLÛKBIA 13:1

Fapa fim nih cun a pa nih a chimhhrinnak kha a ngaih, Sihmanhsehlaw mi lungpuam nih cun ka palh tiah a ti bal lo.

PHUNGTHLÛKBIA 15:12

Miporhlaw nih cun chimhhrinnak kha a duh lo, mifim hna sinah khan ruahnak va hal awkah a kal bal lo.

PHUNGTHLÛKBIA 23:9

Mihrut theihhngan ah cun bia va chim len hlah, Fimnak bia na chimmi cu zeihmanh ah a rel ṭung lai lo.

ISAIAH 36:21

Siangpahrang Hezekiah nih a chimh hna bantukin mi cu dai tein an um i bia kaa khat hmanh an let lo.