PHUNGTHLÛKBIA 8:8 - Lai (Hakha) Common Language Bible 2006

⁸ Ka kaa chungin a chuakmi bia vialte cu a dingmi bia an si dih; bia cikngerh le hrokhrawl bia pakhat hmanh an um lo.

Laibaibal Thiang (BSI)

⁸ Ka kâ chungchuak bia vialte cu dinnâk an si dih; a ngawimi le â ngerhmi bia zeihmanh a um lo.

PHUNGTHLÛKBIA 8:8 ပူးပေါင်းရင်းမြစ်များ

SALM 12:6

Bawipa biakamnak cu zumhawktlak an si; somei chungah voi sarih tiang erletmi ngun tlukin an thiang.

PHUNGTHLÛKBIA 14:6

Miporhlaw nih cun fimnak kha a kawl nain a hmu lo, sihmanhsehlaw hngalhthiamnak a ngeimi caah cun fimnak cu a fawitemi thil a si ko.

PHUNGTHLÛKBIA 2:15

Annih lam cu a kawi i an thil tining ah midepde an si.

PHUNGTHLÛKBIA 4:2

Zeicahtiah nunchimhnak kan pekmi hna cu a ṭhami nunchimhnak an si i Kan cawnpiaknak hna hi hlaw hlah u.

PHUNGTHLÛKBIA 8:13

Bawipa ṭihzah cu sualnak huat khi a si. Porhlawtnak, ruamkainak le sualnak lam le biadik lo kha ka huat hna.

ISAIAH 45:23

Ka chimmi cu a hmaanmi a si i aa thleng lai lo. Keimah nih ka min chalh tein hi biakamnak hi ka tuah: ‘Mi vialte kha ka sinah an ra lai i ka hmaiah an kun lai; na sinah zumhawktlak tein kan um lai tiin bia an i kam lai,’ ka ti.

ISAIAH 63:1

“Ahodah Edom ram in a rami khi a si? Ahodah thisen aa nehmi puan he Bozrah in a rami khi a si? Ahodah sunparnak in aa thuam i ṭhawnnak in a kalmi khi a si? Amah cu, Khamhnak a thanhtu, mi khamh awk i a ṭhawngmi, Keimah hi ka si.

JOHAN 7:46

“Hi pa bantuk hin ahohmanh nih bia an chim bal lo,” tiah an leh hna.

DEUTERONOMI 32:5

Annih nih a cungah ṭhat lonak an tuah, An dotlak lonak thawngin a fale an si ti lo; Milolak le mizer chan an si.

FILIPI 2:15

Hrokhrawlnak le ṭhat lonak in a khatmi chan ah hin sualnak ngei lo le a thiangmi si u law Pathian fale bantukin nung u. Nunnak bia nan pek hnanak ah hin