PHUNGTHLÛKBIA 6:14 - Lai (Hakha) Common Language Bible 2006

¹⁴ An lungthin a kawi caah ṭhat lonak khua kha an khan lengmang i rem lonak thlaici kha an tuh thluangthluan;

Laibaibal Thiang (BSI)

¹⁴ A lungput a ngawi i Ṭhatlonâk lei lawng a ruat peng, sikcâknâk thlaici a tuh tawn.

PHUNGTHLÛKBIA 6:14 ပူးပေါင်းရင်းမြစ်များ

SALM 140:2

Ṭhat lonak khua lawng kha an khang zungzal ko, siknak lawng kha an chuahter zungzal ko.

SALM 140:3

An lei cu rul lei bantuk a si i an bia cu rawchok sivai bantuk a si. Selah

SALM 36:4

Ihkhun cung i a zau lio hmanh ah thil ṭha lo lawng kha a tuak, a tuahmi kha thil ṭha a um lo i thil ṭha lo kha a hua hna lo.

PHUNGTHLÛKBIA 14:22

Ṭhatnak caah rian na ṭuan ahcun mi nih an in zumh lai i an in upat lai, sihmanhsehlaw chiatnak caah na tuah ahcun na palh hrimhrim ko.

PHUNGTHLÛKBIA 16:27

Mizeiruaramlo nih, congoihnak kha a vahpi, a bia cu kanghtu mei bantuk a si.

PHUNGTHLÛKBIA 17:20

Ruahnak kawi a ngeimi cu khuaawng an pem lo, lei ṭhalo a ngeimi cu vanchiatnak chungah an tla tawn.

PHUNGTHLÛKBIA 2:14

Ṭhat lonak tuah ah aa lawm i hlenthawinak ah cun aa nuammi an si;

PHUNGTHLÛKBIA 21:8

A sualmi nih cun lam kawi kha an zulh, sihmanhsehlaw a sual lomi nih cun a hmaanmi kha an tuah.

PHUNGTHLÛKBIA 22:8

Dinlonak thlaici kha na tuh ahcun harnak kha na zun lai i na rian theitlai cu fungfek kha a si lai.

PHUNGTHLÛKBIA 24:8

Ṭhatlo tuahnak khua a khang lengmangtu cu a min ah Harnak Sertu ti a si lai,

PHUNGTHLÛKBIA 3:29

Nangmah kha bochan in na pawngah khua a sa khirkhiarmi na innpa caah ṭhat lonak khua va khang hlah.

PHUNGTHLÛKBIA 3:32

Zeicahtiah mi lungthin ṭhalo cu Bawipa caah fihnung an si i miding mi cu Pathian nih a zumhmi an si.

ISAIAH 32:7

Amah cu miṭhalo a si i thil ṭhalo kha a tuah; sifakmi kha an rawk khawh nakhnga a lih in khua a khan lengmang i an hmuh hngami kha hmu loin an um nakhnga aa zuam.

ISAIAH 57:20

Sihmanhsehlaw miṭhalo cu tilet a tho zungzalmi rili bantuk an si, tilet cu an tho zungzal i hmunthur le nawncek kha an chuahpi zungzal.

EZEKIEL 11:2

Cun Bawipa nih a ka thawh i, “Mipa, hi hna hi khua chung i ṭhat lonak le harnak khua a khangtu cu an si,

HOSEA 8:7

Israel nih thli a tuh i phuchim a zun; A dirmi rawl kung vui a ngei lomi nih rawl fang zeihmanh an chuahpi lo. An chuahpi hmanh ah an chuahpimi cu ramdangmi nih an dolh dih lai.

MIKAH 2:1

An ihkhun cungin ṭhat lonak le sualnak khua a ruat i An ruahmi cu kan tuah khawh sawk tiin tuah awkah deika tein a thomi hna cungah cun ningzahnak tlung ko seh!

ROM 16:17

Cheunak a chuahtertu hna le zumhnak a tuaitertu, nannih nih nan hmuh ciami cawnpiaknak a ralchanhmi hna kha i ralring hna u tiah kan forh hna; annih cu hrial ko hna u.