PHUNGTHLÛKBIA 5:22 - Lai (Hakha) Common Language Bible 2006

²² Miṭhalo cu amah ṭhat lonak ah aa foih i a sual rianṭuannak ah khan a tang.

Laibaibal Thiang (BSI)

²² Amah ruahnâk nih misual cu a tlaih lai i a sualnâk hrihrual in khih a si lai.

PHUNGTHLÛKBIA 5:22 ပူးပေါင်းရင်းမြစ်များ

1 SIANGPAHRANG 18:18

Cun anih nih a leh i, “Keimah nih Israel mi cu harnak ka pe hna lo, nangmah le na pa hrin nih pei nan pek hna tiah, zeicahtiah nannih nih Bawipa nawlbia kha nan hlawt hna i Baal kha nan zulh hna.

ESTHER 9:25

sihmanhsehlaw Esther cu siangpahrang hmaiah a rat tikah, Judah mi hna cung i ṭhat lonak khua a khan mi kha amah lu cungah tla in amah le a fapa hna cu thlainak ah thlai an si nakhnga, caṭial in nawlbia kha a chuah.

JOB 18:8

Sur chungah khan a lut i tlung kha aa lamh.

SALM 40:12

Harnak tam tuk nih an ka dum — a rel in rel cawk an si lo. Ka sualnak nih a ka phak cang i khua ka hmu kho ti lo; ka lu cung sam nakin ka sualnak cu an tam deuh, ka lung ṭhawnnak a dih cang.

SALM 9:15

Lawkihmi nih khor an cawh i anmah an tla; rap an chiah i anmah an i foih.

SALM 9:17

Miṭhalo vialte hna le Pathian a hlawmi vialte an donghnak cu thihnak a si.

PHUNGTHLÛKBIA 1:18

Sihmanhsehlaw hi mi hna nih an bawhmi cu anmah thisen lila kha a si i Lamhruang an ahmi cu anmah nunnak lila kha a si ko.

PHUNGTHLÛKBIA 11:3

Miding cu an dinnak nih a hruai hna, sihmanhsehlaw mihrokhrawl cu an hrokhrawlnak nih a hrawh hna.

PHUNGTHLÛKBIA 11:5

Miṭha cu a dinnak nih khan a lam kha a fawiter, sihmanhsehlaw miṭhalo cu amah ṭhat lonak nih khan a tlukter.

PHUNGTHLÛKBIA 11:6

Dinnak nih miding cu a chuah hna, sihmanhsehlaw mirawi hmang cu anmah duhfahnak lila ah khan an i foih

PHUNGTHLÛKBIA 12:14

Mi cheukhat nih an bia thawngin hlawh tlinnak an hmuh, sun a cheu nih an kut rian ṭuannak thawngin an hmuh awk hnga kha an hmuh ve.

PHUNGTHLÛKBIA 14:32

Miṭhalo cu amah ṭhat lonak nih a thluk, sihmanhsehlaw miding cu a dinnak nih khan a huhphenh.

PHUNGTHLÛKBIA 18:7

Mihrut cu a kaa kha amah rawhnak a si, a hmur kha amah lila caah rap a si.

PHUNGTHLÛKBIA 24:12

Naa thawh i, “Hi pa hi ka rak hngalh bal ṭung lo,” na ti ahcun, na lungthin a hngaltu Pathian nih khan an chingchiah lai. Nangmah an zohkhenhtu Pathian nih a hngalh kha hngal ko law mi cu an tuahning khan a cham cio ko hna lai.

PHUNGTHLÛKBIA 26:27

Midang tlaknak caah khor a comi cu cuka ah cun amah a tla lai. Midang nenhnak caah lung a hriltu cu lung nih cun amah cu a nenh lai.

PHUNGCHIMTU 7:26

Thih nakin a kha deuhmi thil ka hmuhmi cu a lungthin rap le sur a si i a kut cu hreng a simi minu kha a si; Pathian duhnak a tuahmi cu amah sin cun an luat, sihmanhsehlaw misual cu a tlaih hna.

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

ṬAHNAK HLA 1:14

Ka palhnak cu ka cungah ṭem chih an si i Amah kut hrim nih ka velchum in a ngerh hna; A hngawngkual cu ka hngawng ah khan a ka khinh i A rih tuk caah ka tha nih a celh lo; Cu ti i a ka khinh bu cun Bawipa nih a ka kaltak i ka dir kho lo.

OBADIAH 1:15

“Miphun vialte kha Bawipa nih bia a ceih hna lai ni a nai cang. Edom, na tuahmi kha na cungah a tlung ve lai; Na tuahmi kha na lu cungah a kir ṭhan lai.

NAMBAR 32:23

Sihmanhsehlaw cu bangin nan tuah lo ahcun, zohhmanh, Bawipa cungah nan sual cang; nan sualnak nih an langh hna lai kha vaa hngalh ko u.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

BIACEIHTU 20:41

Cun Israel mi cu an i let i Benjamin mi hna cu vansang au in an um, zeitintiah rawknak nih a kan naih ti kha an hmuh.

BIACEIHTU 9:57

cun Shekhem khuami hna an ṭhat lonak zong kha Pathian nih anmah lu cung lila ah a tlakter i Jerubbaal fapa Jotham chiatserhnak kha an cungah a tlung.