PHUNGTHLÛKBIA 4:4 - Lai (Hakha) Common Language Bible 2006

⁴ Ka pa nih cun a ka cawnpiak i, “Ka bia hi na lung in fek tein i tlaih hna, ka nawlbia hi zul hna law nung tuah;

Laibaibal Thiang (BSI)

⁴ Ka sinah chim in cawn zong a ka cawnpiak, “Na lungthin in ka bia hna hi i cinken, ka nawlpêk hna hi zul law, nung.

PHUNGTHLÛKBIA 4:4 ပူးပေါင်းရင်းမြစ်များ

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

SALM 119:11

Nangmah cungah sualnak ka tuah nakhnga lo na nawlbia cu ka lung chungah kaa chiah.

SALM 119:144

Na kan cawnpiaknak cu zungzal in a ding, hngalhthiamnak ka pe law ka nung lai.

SALM 119:168

Na nawlbia le na cawnpiaknak cu ka zulh hna; ka tuahmi vialte cu na hmuh dih.

PHUNGTHLÛKBIA 22:6

A zulh awk a simi lam kha ngakchia cu cawnpiak law, a upat tikah mah cucu a pialtak ti lai lo.

PHUNGTHLÛKBIA 23:26

Ka fapa, ka bia cu i chingchiah hna law ka nunning hi i zohchunh tuah.

PHUNGTHLÛKBIA 3:1

Ka fapa, kan cawnpiaknak cu philh hlah, Sihmanhsehlaw na lung nih ka nawlbia cu i cinken ko hna seh;

PHUNGTHLÛKBIA 3:2

Zeicahtiah nun saunak le chan saunak le duhdim nunnuamhnak cu an in pek lai.

PHUNGTHLÛKBIA 7:2

Ka nawlbia cu i ken hna law na nung lai, kan cawnpiaknak cu na mit falai bangin i ken hna;

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

JEREMIAH 38:20

Cun Jeremiah nih, “An in chan lai lo. Kan chimhmi paohpaoh ah hin Bawipa bia na zulh ahcun, nangmah caah a ṭha dih ko lai i na nunnak kha zuah a si lai.

JOHAN 12:50

Na chim lai tiah a ka fialmi bia cu zungzal nunnak petu a si ti kha ka hngalh. Cucaah ka chimmi bia cu ka Pa nih na chim lai tiah a ka timi bia kha a si,” tiah a ti.

EFESA 6:4

Nu le pa hna, nan fale kha an thin hung seh tiin ti hna hlah u. Khrihfa ziaza le cawnpiaknak he tu khan ṭhanter hna u.

DEUTERONOMI 4:9

“Ṭha tein i ralring u law, i zohkhenh u, nan mit nih a hmuhmi thil cu nan philh sual hna nakhnga lo le nan nunchung ah nan lung chungin an tlau sual nakhnga lo; nan fale le nan tule hna kha hngalhter hna u —

DEUTERONOMI 6:6

Cun nihin ah kan pekmi bia hi na lung chungah na riahter lai i

2TIMOTE 1:5

Na pi Lois le na nu Zunis nih an ngeihmi zumhnak bantuk, zumhnak taktak na ngeih kha ka hngalh i atu zongah hin na ngei ko tiah ka zumh.

2TIMOTE 3:15

na ngakchiat lio tein Cathiang kha a hngalmi na si; na hngalh bangin cu Cathiang hna nih cun Khrih Jesuh zumhnak thawngin hmuhmi khamhnak i an kalpi khotu fimnak kha an pek.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

BIACEIHTU 13:12

Cun Manoah nih, “Na bia cu a tlin tikah ngakchiapa cu zeitindah a umtu ningcang a si lai i zeidah a tuah lai?” tiah a ti.