PHUNGTHLÛKBIA 30:5 - Lai (Hakha) Common Language Bible 2006

⁵ Pathian nih biakamnak a sermi paohpaoh cu biatak a si tiah a fiang cang; amah chung i aa dormi hna caah cun amah cu phaw a si.

Laibaibal Thiang (BSI)

⁵ Pathian bia vialte cu a thiang, â bochantu vialte caah Amah cu phaw a si.

PHUNGTHLÛKBIA 30:5 ပူးပေါင်းရင်းမြစ်များ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

2 SAMUEL 22:31

Hi Pathian hi amah a lam cu ṭhat a tling; Bawipa biakamnak cu a dik taktakmi a si; Amah chung i aa dormi vialte caah amah cu phaw a si.

SALM 119:140

Zeitluk in dah na biakam cu a hmaan! Zeitluk in dah na sal nih ka duh!

SALM 12:6

Bawipa biakamnak cu zumhawktlak an si; somei chungah voi sarih tiang erletmi ngun tlukin an thiang.

SALM 144:2

Amah cu a ka hupphengtu lungpi ka ralhruang a si, a fekmi ralvenbuk le himnak hmun a si, kaa bochanmi phaw a si. Miphun dang kha ka ke tangah amah nih a chiah hna.

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

SALM 18:30

Hi Pathian hi, zeitluk in dah a tuahmi kha a tlin i zeitluk in dah a bia kha i bochan awk an si! A huhphenhnak a kawlmi hna caah cun phaw bantuk a si.

SALM 18:31

Bawipa lawnglawng hi Pathian cu a si, Pathian lawnglawng hi kan ralhau cu a si,

SALM 19:8

Bawipa phunglam cu ahmaanmi an si, cu phunglam a zulmi cu an lung aa lawm. A nawlbia cu dinnak leiah a tlingmi an si i hngalhthiamnak lungthin pe khotu an si,

SALM 3:3

Sihmanhsehlaw Bawipa, nangmah nih phaw bantukin na ka huhphenh zungzal i teinak kha na ka pek i ka lung na ka ṭhawnter ṭhan.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

SALM 91:2

“Bawipa, nangmah cu a ka chanhtu le a ka hupphengtu na si! Nangmah cu ka Pathian na si; nangmah cu kan bochan,” an ti lai.

PHUNGTHLÛKBIA 2:7

Miding mi hna caah fimnak ṭha kha a khon i ding tein a kalmi hna caah amah cu phaw a si i

PHUNGTHLÛKBIA 29:25

Midang nih zeitindah an ka ruah hnga ti hi thil ṭihnung a si, sihmanhsehlaw Bawipa i bochan hi himnak a si.

ROM 7:12

Cucaah Nawlbia cu a thiang i tuah awk timi cu a thiang ahmaan i a ṭha ko.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.