PHUNGTHLÛKBIA 3:5 - Lai (Hakha) Common Language Bible 2006

⁵ Bawipa kha na lung chung dihlak in i bochan law Nangmah fimnak kha i rinh hlah.

Laibaibal Thiang (BSI)

⁵ Na lungthin dihlakin BAWIPA i bochan law, nangmah theihthiamnâk i rinh hlah.

PHUNGTHLÛKBIA 3:5 ပူးပေါင်းရင်းမြစ်များ

EZRA 8:23

Cucaah cun rawl kan ul i kan Pathian cu kan hal i kan nawlnak cu a kan ngaihpiak.

JOB 13:15

Ruahchannak zeihmanh ka ngei ti lo, cucaah Pathian nih a ka thah zong ah zeidah a poi? A hmai hrimhrim ah ka bia cu ka va chim ṭhiamṭhiam ko lai.

SALM 125:1

Bawipa aa bochanmi cu Zion Tlang bantuk an si; Zion Tlang, hninh khawh zong a si lo i ṭhial khawh zong a si lomi bantuk an si.

SALM 37:3

Bawipa cu i bochan u law ṭhatnak kha tuah u; ram chungah hin um u law him tein khuasa u.

SALM 37:5

Na nunnak kha Bawipa pe tuah, amah kha i bochan law amah nih an bawmh lai.

SALM 37:7

Bawipa hmaiah cun dai tein um ko law zeidah a tuah lai ti kha lungsau in hngak ko; thil ṭhalo an i tinhmi a tuah kho lengmangmi hna le an rian ṭuannak ah a hlawh a tlingmi hna kong ah zei poi loin va um ko.

SALM 62:8

Ka mi hna, Pathian cu i bochan zungzal u! Amah cu kan himnak a si caah nan harnak vialte kha chim dih u.

PHUNGTHLÛKBIA 22:19

Bawipa kha i bochan tiah nangmah cu kan duh caah Nihin ah hin hi thil hna hi nangmah ca ṭhatnak ding caah kan chimh.

PHUNGTHLÛKBIA 23:4

Rumnak hmuh awkah i hre tuk hlah, ngol awkah fimnak a za ngei tuah.

PHUNGTHLÛKBIA 28:26

Mah ruahnak i rinh cu hruh a si, sihmanhsehlaw fimnak lam a zulmi cu him tein a lan ko lai.

PHUNGTHLÛKBIA 3:7

Mah mithmuh i a fimmi va si hlah; Bawipa kha ṭih law ṭhat lonak kha mertak ko.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

JEREMIAH 10:23

Maw Bawipa, minung nih a zulhmi a lam hi amah nih aa thimmi an si lo i A nun chung i a kalnak lam zong hi amah nih aa ser khawhmi an si lo ti kha ka hngalh.

JEREMIAH 9:23

Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

NAMBAR 9:20

Voi khatkhat cu minmei cu puan biaknak inn cungah ni tlawmte lawng a um i Bawipa nawlbia bangin riahhmun ah an cam; cun Bawipa nawlbia bangin an i thawh.

NAMBAR 9:22

Ni hnih a si ah, thla khat a si ah, caan sau deuh zong a si ah, minmei cu puan biaknak inn cung i a um, cu ka i a cam chung cu, Israel mi hna cu an riahhmun ah an cam ko i an i thawh lo; sihmanhsehlaw aa ṭhial tikah annih cu an i thawh tawn.

ROM 12:16

Pakhat le pakhat nan zawn i ruat dih u. Lungpuam in um hlah u, rian hme tete ṭuan duhnak lungthin kha ngei u. Ka fim tiah vaa ruat hlah u.

EFESA 1:12

Cucaah Khrih chung i ruahchannak a bunh hmasa bik pawl kannih nih hin Pathian sunparnak cu thangṭhat ko u sih.