PHUNGTHLÛKBIA 3:3 - Lai (Hakha) Common Language Bible 2006

³ Felnak le zumh awk tlakmi sinak kha i chuahtakter hna hlah, Na hngawng ah i ngerh hna law na lung tlap cungah i ṭial hna.

Laibaibal Thiang (BSI)

³ Vêl le biatak nih in kaltâk hlah seh; nahngawng ah i bah law, na lungthin tlap cungah ṭial hna.

PHUNGTHLÛKBIA 3:3 ပူးပေါင်းရင်းမြစ်များ

2 SAMUEL 15:20

Nizan lawng i a rami na si i ka vahvaihnak kip ah maw kan vahpi hnga, khuazei ah ka kal lai ti awk hmanh ka hngalh ṭung lo? Va kir ṭhan law na unaule hna hi nangmah sinah kirpi hna; Bawipa nih a fekmi dawtnak le zumhawktlak a sinak cu in hmuhsak ko seh,” tiah a ti.

SALM 119:11

Nangmah cungah sualnak ka tuah nakhnga lo na nawlbia cu ka lung chungah kaa chiah.

SALM 25:10

A biakam le nawlbia a zulmi vialte cu, dawtnak in a hruai hna i zumhawktlak tein a kalpi hna.

SALM 85:10

Dawtnak le zumhawktlak sinak cu an ra ṭi lai; dinnak le daihnak cu an i tong lai.

EXODUS 13:9

Bawipa nih ṭhawnnak nganpi in Izipt ram in an chuahpi hna caah Bawipa phungbia cu nan chim zungzal awk a si lai, cu bantukin nan chim zungzal khawh nakhnga hi phunglam cu nan ban i nan i khihmi hmelchunhnak le nan cal i nan i ṭem chihmi ruah nolhtertu bantukin, thil an theih ṭhantertu hna a si lai.

EXODUS 34:6

Bawipa cu a hmaika cun a lan i, “Bawipa cu zaangfahnak le vel ngeihnak in a khatmi Pathian a si, amah cu fawi tein a thin hunter khawh lomi, a fekmi dawtnak tampi mi cungah a langhter i mi cungah zumhawktlak ngaingai a simi Pathian cu a si.

PHUNGTHLÛKBIA 1:9

Zeicahtiah na lu caah aa dawhmi pangpar ṭhi rual an si lai i Na hngawng caah pumṭek ṭhi an si lai.

PHUNGTHLÛKBIA 14:22

Ṭhatnak caah rian na ṭuan ahcun mi nih an in zumh lai i an in upat lai, sihmanhsehlaw chiatnak caah na tuah ahcun na palh hrimhrim ko.

PHUNGTHLÛKBIA 16:6

Pathian leiah felte le zumhawktlak tein um ko law na sualnak cu an ngaihthiam lai. Cun Bawipa kha ṭih law ṭhat lonak nih an tlunhnawh lai lo.

PHUNGTHLÛKBIA 20:28

Zumhawktlak sinak le zumhnak ṭha nih siangpahrang cu a kilven i a bawi ṭhutdan cu dinnak nih a dirter.

PHUNGTHLÛKBIA 6:21

Na lung ah i hren chih zungzal hna law na hngawng ah i khih hna.

PHUNGTHLÛKBIA 7:3

Na kutdong ah i khih hna law na lung tlap ah i ṭial hna.

JEREMIAH 17:1

Judah sualnak cu thir cafung in ṭial a si; an lungthin lungtlap cungah cun daimon zum in khenh a si i an biakṭheng ki hna ah cun anmah sual phawtu dingah suai an si.

HOSEA 4:1

Maw Israel, Bawipa bia cu thei tuah; Zeicahtiah hi rammi hna cungah hin Bawipa nih bia pakhat a ngei: Hi ram chungah hin pakhat le pakhat i zumhnak le pakhat le pakhat i bochannak le Pathian hngalhnak a um lo,

MALAKHI 2:6

Cawnpiaknak mi a rak pekmi hna kha biatak a si i dinlonak bia kha a kaa chungin a chuak lo; keimah he i rem tein le ding tein a kal i mi tampi kha sualnak chungin a khirh hna.

MATTHAI 23:23

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Tihang ṭamhnak puṭinan tehna, hamhhuai tehna, aithing tehna hmanh kha cheu hra ah cheu khat Pathian sinah nan pek, sihmanhsehlaw Nawlbia nih biapi taktak a si a timi dinnak le mi zaangfahnak le zumhtlakmi sinak hna cu zeihmanh ah nan rel ṭung lo; hi hna hi pei nan tuah awk a si cu, a dang zong kha daithlanh hlei loin.

2 KORIN 3:3

Hi ca a ṭialtu cu Khrih kha a si i kannih hi a phortu ah a kan hmanmi kan si. Cu ca cu lung cungah cahang in ṭial si loin minung lungthin cungah a nungmi Pathian Thlarau nih a ṭialmi a si.

EFESA 5:9

Zeicah ti ahcun ṭhatnak a phunphun le dinnak a phunphun le biatak a phunphun a chuahtertu cu, ceunak cu a si.

DEUTERONOMI 6:8

Cun na kut ah chingchiahnak caah na ṭem chih hna lai i na mit le na mit karah hmelchunhnak caah an si lai.

HEBRU 10:16

“Hmailei caan ah annih he ka tuah laimi biakamnak cu hihi a si: An lung chungah ka nawlbia kha ka chiah hna lai i An ruahnak chungah ka ṭial hna lai,” a ti.