PHUNGTHLÛKBIA 3:24 - Lai (Hakha) Common Language Bible 2006

²⁴ Na ṭhut ah na thin a phang lai lo, na ih tikah na mitkuh a thaw lai.

Laibaibal Thiang (BSI)

²⁴ Na ih tikah na ṭih lai lo, asi, mitkuh thaw tein nâ hngilh lai.

PHUNGTHLÛKBIA 3:24 ပူးပေါင်းရင်းမြစ်များ

2 CHANRELNAK 20:30

Cucaah a Pathian nih a velchum in dinhnak a pek caah Jehoshafat pennak cu a dai.

JOB 11:19

Na it lai i ahohmanh nih na thin an in phanter lai lo, Mi tampi nih an in nawlpat lai.

SALM 112:8

Lungrethei le thinphang in a um lo; ka ral cu an sung hrimhrim lai ti kha a hngalh.

SALM 127:2

Khuasak tintuknak caah fak tuk in rianṭuan le tuan tein thawh i tlaipi ah ih lengmang hi santlailo a si, zeicahtiah Bawipa nih a dawtmi cu, an i hngilh karah, an herhmi kha a pek ko hna.

SALM 3:5

Bawipa nih a ka thlim i kaa hngilh, Bawipa nih a ka ven caah him tein kaa hlau ṭhan.

SALM 3:6

A ka kulhtu ka ral thong tampi hi ka ṭih hna lo.

SALM 4:8

Hnangam tein ka it lai i kaa hngilh fawn lai, Bawipa, nangmah lawnglawng nih him tein na ka umter.

SALM 91:5

Zan i a chuakmi ṭihnung kha na ṭih hna lai lo, chun ah ruahpak loin a chuakmi cantiang zong kha na ṭih lai lo;

PHUNGTHLÛKBIA 1:33

Sihmanhsehlaw ka bia a ngaimi cu him tein an um lai i Vanchiatnak zeihmanh ṭih loin, zalong tein an um lai,” tiah a ti.

PHUNGTHLÛKBIA 19:23

Bawipa ṭihnak hi nunnak a si, cuti in na um ahcun, hnangam tein na um lai i harnak nih an tawng lai lo.

PHUNGTHLÛKBIA 6:22

Na kal tikah an in hruai lai, na ih tikah an in ven lai, naa hlauh tikah bia an in ruah lai.

PHUNGCHIMTU 5:12

Rian hrang a ṭuanmi cu ei awk a zaa a ngeih caan a um lai, a ngeih lo caan zong a um lai, sihmanhsehlaw zan tal ah ṭha tein aa hngilh; sihmanhsehlaw mirum cu tampi a ngei ko nain a lungretheihnak nih khan hngilh lo in a umter.

ISAIAH 54:14

Dinnak le ṭhatnak nih an in ṭhawnter lai. Hremnak le ṭihphannak in na him cang lai.

JEREMIAH 31:26

Cu tikah ka mi hna nih cun, ‘Kaa hngilh i ka thazang a tlung ṭhan,’ an ti lai.

EZEKIEL 34:15

Keimah hrimhrim nih ka tuurun cu ka zulh ka khalh hna lai i keimah hrimhrim nih an kawm ah ka khumh hna lai, tiah Bawipa Pathian nih a ti.

EZEKIEL 34:25

Annih kha rumnak pek awkah anmah he biakamnak ka tuah lai; ram chungin sahrang kha ka ṭhawl dih hna lai i saṭil tlonnak hmun ah khan lungdai tein an um lai i tu chungah khan an it lai.

EZEKIEL 34:27

Ram chung thing nih khan thei an tlai lai, vawlei nih khan rawl a chuah lai i mi cu anmah le an vawlei cio ah lungdai tein khua an sa lai. An hreng kha ka khiah hna i sal i a zuartu hna kut chung khan ka chuah hna tikah Bawipa ka si kha an ka hngalh lai.

LEVITIKAS 26:6

Cun ram chungah daihnak ka chiah lai i nan it lai i ahohmanh nih nan thin an in phanter hna lai lo; cun ram chungin sahrang ṭhalo kha ka ṭhial hna lai i vainam kha nan ram chungah aa chawk lai lo.

LAMKALTU 12:6

Herod nih zapi hmaiah ka chuahpi cang lai tiah a timi caan a phak lai zan ah khan, Peter cu ralvengtu ralkap pahnih hna karlak ah khan a it. Thirhri pahnih in an hren i thonginn kutka cu ralvengtu nih an cawngh.