PHUNGTHLÛKBIA 27:6 - Lai (Hakha) Common Language Bible 2006

⁶ Kan hawikom nih cun an kan hliam sual hmanh ah kan ca i ṭhatnak an duh ruangah a si, sihmanhsehlaw ral nih an kan hnamh cu leirawi duh ah a si.

Laibaibal Thiang (BSI)

⁶ Hawikawm hlemhnâk cu a taktak a si i ral hna hnamh cu a deu a si.

PHUNGTHLÛKBIA 27:6 ပူးပေါင်းရင်းမြစ်များ

SALM 141:5

Miṭha nih cun dawtnak in ka si hna seh law dan ka tat ko hna seh, sihmanhsehlaw miṭhalo nih cun ka lu ah sathau ka thuh hna hlah seh, zeicahtiah cu bantukin ka cungah an tuah ahcun, thil ṭhalo an tuahmi i aa tel vemi ah an ka ser khawh sual ai hnga.

PHUNGTHLÛKBIA 10:18

Huatnak a paw chungah a thupmi nih a hmur in lih a chim, hawi thangchiatnak a chimmi cu mihrut an si.

PHUNGTHLÛKBIA 20:30

A zei maw caan ahcun, kan ziaza i thlen awkah harnak ton kha a herh tawn.

PHUNGTHLÛKBIA 27:7

A vuai cangmi nih cun khuaihliti kha a fih, sihmanhsehlaw a rawl a ṭammi caah cun a kha mi thil hmanh kha an thlum dih.

PHUNGTHLÛKBIA 28:23

A lei in mi a fakmi nakin a situ nih khan hmailei ah cun duhdawtnak a hmuh deuh lai.

HEBRU 12:10

Minung kan pale nih cun anmah nih ahmaan ti i an hmuhning in an kan chimhhrin i caan tawite ca lawng a si tawn; sihmanhsehlaw Pathian nih a kan chimhhrin cu kanmah ca ṭha dingah le a thiannak kha kan i hrawm khawh ve nakhnga caah a si.

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.