PHUNGTHLÛKBIA 27:20 - Lai (Hakha) Common Language Bible 2006

²⁰ Sheol le Abaddon cu zeitikhmanh ah an vuai bal lo. Minung mit zong zeitikhmanh ah a vuai bal ve lo.

Laibaibal Thiang (BSI)

²⁰ Hell mei le Rawhralnâk nih aza cang ti a um lo bangin, minung mit nih aza ti a ngei lo.

PHUNGTHLÛKBIA 27:20 ပူးပေါင်းရင်းမြစ်များ

JOB 26:6

Sheol cu Pathian hmaiah cun taklawng in a um i Abaddon cu a khuhnak a chin kha hun a si.

PHUNGTHLÛKBIA 15:11

Sheol le Abaddon hmanh Bawipa hmaiah cun an lang ko, minung lungthin chinchin cu zeitluk in dah a langh lai!

PHUNGTHLÛKBIA 23:5

Na tangka cu mitṭhep ah an lo kho ko, Thla kha i serh duak in mupi bangin an zuang kho ko.

PHUNGTHLÛKBIA 27:19

Ti chungah hmai cu hmai in a langh bantukin, Minung cu a lungthin nih khan zei bantuk mi dah a si ti kha a langhter.

PHUNGCHIMTU 1:8

Zeizong vialte hi thadi le zaangbang an si dih, holh in chim khawh hmanh an si lo; mi nih hin hmuh hi cim ti a ngei lo i hna nih hin theih hi khim ti a ngei ve lo.

PHUNGCHIMTU 4:8

Mipa pakhat cu amah lawng tein khua a sa. Fapa a ngei lo, unau zong a ngei lo, sihmanhsehlaw rian a ṭuan zungzal i a hmuhmi chawva kha zeitikhmanh ah kaa za cang ti a ngei kho lo. Aho ca ko ah hen cu ti lawmmam cun a ṭuan i a nuamh hmanh i nuam ngam lote in a um? Mah hihi pakpalawng a si fawn ko, aa nuam lo ngaimi minung a si ko.

PHUNGCHIMTU 6:7

Mi nih heh tiah rian a ṭuan cu ei awk hmuhnak ding caah a si ko, sihmanhsehlaw kaa za cang ti cu a um kho hlei lo.

ISAIAH 5:14

Mithi khua cu anmah ei duh ah khan a kaa kau piin aa an ko. Jerusalem khua chung tuavon pawl zong kha, zapi pawl aa chawk ur komi hna he cun a dolh duahmah ko hna.

JEREMIAH 22:17

Sihmanhsehlaw nang cu miaknak dah ti lo ahcun mit na ngei lo, Zei dang ruat loin miaknak lawnglawng kha na ruat. A sual lomi thisen chuah khawh nakding le Hremnak le zaang-ennak tuah khawh nakding lawng kha naa ruah chih, tiah a ti.

HABAKKUK 2:5

Rumnak hi hlen a hmang, mihakkau hi an i porhlaw i dai zirziar in an um kho lo. Thihnak bantuk an si — khim ti an ngei lo. Cucaah cun ram khat hnu ram khat an tuk hna i an tei hna i an mi kha an sinah an pumh hna.

HAGGAI 1:9

Nan kawlmi cu a tampi, sihmanhsehlaw nan hmuhmi cu a tlawm. Nan rawl ṭuanmi cu inn i nan hun tlunpi ah khan kei nih lolak in ka rak chem hna. Zeicahdah hi bantukin a si? tiah Bawipa nih a ti. Hi ti a si cu, nannih vial nih i dornak inn nan i ngeih cio cang i kei ka inn vial rawk nelnul in a rilh ko caah hin a si.

1JOHAN 2:16

Vawlei ta a simi thil paohpaoh — pumsa duhnak tehna, mi nih zoh an duhmi thil hna, mi nih porhlawtnak ah an hmanmi thil tehna hi Pa sinin a rami an si lo; vawlei in a rami lawngte an si dih.