PHUNGTHLÛKBIA 27:2 - Lai (Hakha) Common Language Bible 2006

² Nangmah kaa nih si loin midang tu nih in thangṭhat deuh hna seh, nangmah hmur nih si loin khual tu nih in thangṭhat deuh hna seh.

Laibaibal Thiang (BSI)

² Nangmah i thangṭhat loin, midang nih in thangṭhat seh, nangmah hmûrkâ si loin, hngalhlo mi hna hmûrkâ in in thangṭhat hna seh.

PHUNGTHLÛKBIA 27:2 ပူးပေါင်းရင်းမြစ်များ

2 SIANGPAHRANG 10:16

Cun anih nih, “Ka sinah ra law, Bawipa ca i ka ṭanning hi ra zoh tuah,” tiah a ti. Cucaah a rangleng ah khan a citter.

PHUNGTHLÛKBIA 20:6

Mi kip nih zumh awk tlak ka si an ti cio, sihmanhsehlaw hei hneksak tuah hna law, aho fang khi dik zumh awk tlak taktak cu an hei si!

PHUNGTHLÛKBIA 25:27

Khuaihliti tam tuk ei cu a ṭha lo, cu bantukin mi sinin thangṭhatnak tam tuk hmuh i timh cu thilrit a si.

PHUNGTHLÛKBIA 27:3

Lung hi a rit i thetse zong hi a khing a rit ko, sihmanhsehlaw mihrut nih hnahnawhnak an chuahpimi cu cu hna pahnih nakcun a rit deuh.

2 KORIN 10:12

Cu tluk sang i aa chiami hna he cun kan i tahchunh ngam in kan i rel chih ngam taktak lai lo! An va hrut thiam dah. Anmah tahnak dingah khan anmah lila nih pei tahnak tlangrel cu an i ser ko cu.

2 KORIN 10:18

Zeicahtiah mi cu amah le amah kha ka ṭha tiin aa ruah tikah hin Pathian nih a cohlan a si lo i Bawipa nih a ṭha ti in a ruah lawngah hin a cohlan a si.

2 KORIN 12:11

Mihrut rianṭuan in rian ka ṭuan ai — nanmah nih cun pei nan ka hruhter ai cu. Nanmah hi a ka thangṭhattu ding nan si nain a ka hruhtertu nan si. Zeihmanh ka si lo nain “lamkaltu” ṭha khun, nan timi hna kha ka tluk lonak hna zeihmanh a um lo.