PHUNGTHLÛKBIA 27:18 - Lai (Hakha) Common Language Bible 2006

¹⁸ Theipi kung a zohkhenhtu nih a thei a ei lai. A bawipa a kilvengtu nih upatnak a hmuh lai.

Laibaibal Thiang (BSI)

¹⁸ Theipi kung a ngeimi pauh nih a thei zong a ei lai, cubangin a pu rian a ṭuntu pauh cu thangṭhat a si ve lai.

PHUNGTHLÛKBIA 27:18 ပူးပေါင်းရင်းမြစ်များ

2 SIANGPAHRANG 18:31

Hezekiah bia cu ngai hlah u, zeitintiah hi bangin Assiria siangpahrang nih a ti: ‘Keimah he remnak ser u law keimah sinah ra chuak tuah u; nan nun i nan thih nakhnga lo, nanmah ram bantuk a simi ram, rawl le mitsur hang a tamnak, changreu le mitsur dum a tamnak, oliv thingkung le khuaihliti a tamnak ram i kan kalpi hna hlantiang nannih nih nan dihlak in nanmahle nan mitsur ruang theitlai cio le nanmahle nan theipi kung theitlai cio kha nan ei lai i nanmahle nan tikhor cio ah ti nan din lai. Cun nannih nih Hezekiah nih, Bawipa nih a kan khamh lai, ti bia in a pingah an hruai tik hna ah a bia kha va ngai hlah u.

2 SIANGPAHRANG 3:11

Cun Jehoshafat nih a thawh i, “Hika ah hin Bawipa a kan halpiaktu ding Bawipa profet aho tal an um lo maw?” tiah a ti. Cu tikah Israel siangpahrang sinum pakhat nih a leh i, “Elijah kut i ti a rak toihtu Elisha, Shafat fapa kha hika ah hin a um ko,” tiah a ti.

2 SIANGPAHRANG 5:25

Amah cu a vung lut i a bawipa hmaika ah khan a dir i Elisha nih amah cu, “Khuazei ah dah na si, Gehazi?” tiah a ti. Anih nih, “Na salpa cu khuazei hmanh ah ka kal lo,” tiah a ti.

2 SIANGPAHRANG 5:27

Cucaah Naaman thinghmui zawtnak nih khan nangmah le na tefa hna cu zungzal in an kaih hna lai,” a ti. Cucaah a sin cun amah cu mithinghmui in a chuak, hawhra bantukin a rang.

ESTHER 6:11

Cucaah Haman nih Siangpahrang thuam le rangtum cu a lak hna i Mordekai cu a thuamh. Khuapi chung tual ah cun Mordekai cu rang kha aa cit i Haman nih cun a chawhpi i, “Siangpahrang nih upatnak pek a duhmipa cu hi bantukin tuah a si lai,” tiah Haman a au.

SALM 123:2

Sal nih a bawipa aa bochan bantuk le salnu nih a bawinu aa bochan bantukin, Bawipa kan Pathian, nangmah lawng kan hun in zoh ko, kan cungah zaangfahnak na ngeih hlantiang kan in zoh ko lai.

EXODUS 24:13

Moses cu a sal Joshua he khan an i tim i Pathian tlang ah cun an hung kai.

PHUNGTHLÛKBIA 17:2

A fimmi sal nih a bawipa fapa, zeiruaramlo a simi kha a uk lai i unau pakhat ve bantukin ro kha a co ve lai.

PHUNGTHLÛKBIA 22:29

Amah a rian ah a thiammipa cu siangpahrang hna hmaiah a dirmi a si lai, mi sawhsawh hna hmai men ah a dirmi a si lai lo.

PHUNGTHLÛKBIA 27:17

Thir nih thir a harter, mi zong nih midang fimnak kha a harter ve.

PHUNGTHLÛKBIA 27:19

Ti chungah hmai cu hmai in a langh bantukin, Minung cu a lungthin nih khan zei bantuk mi dah a si ti kha a langhter.

SOLOMON HLA 8:12

Sihmanhsehlaw kei ka mitsur dum te cu keimah ta si ko ai, Solomon aw nang nih ngun thong khat cu i lak law Thei cawng hna nih za hnih cu i lak hna seh.

ISAIAH 36:16

Hezekiah cu a bia ngai hlah u. Assiria siangpahrang nih khua kha chuahtak u law ka sinah i pe u, tiah an ti hna.

MATTHAI 24:25

Ngai hmanh u. A hlankan in hihi kan chimchung hna hih.

MATTHAI 24:46

A bawipa nih a tlun tikah, a rian a rak ṭuan liote ah a run tanhmi sal caah cun lunglawmh awk a va si dah!

MARKA 10:43

Sihmanhsehlaw nannih cu hi bantukin nan si awk a si lo. Mi ngan si a duhmi cu nan sinum a si awk a si,

LUKA 12:37

An bawipa nih inn a phak tikah i hlau le ralring tein a rak ummi a sal hna caah cun lunglawmh awk a va si dah! Hihi kan chimh hna: a taisawm kha aa sawmh lai i a ṭhutter hna lai i a bultawl hna lai.

LUKA 12:42

Bawipa nih a leh i, “A si ahcun, aho cu dah zumhawktlak le a fimmi sal cu a si? Zumhawktlak le a fimmi sal cu a bawipa nih a innchungkhar zohkhenhtu ah a chiah i sal dang kha anmah le an caan te cio ah an co awk hnga rawl a pemi hna cu a si.

LUKA 19:17

Aa thawh i, ‘A ṭha, nangmah cu sal ṭha na si. Thil hmete ah zumhawktlak na si caah khua pahra uktu ah kan chiah lai,’ a ti.

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

LAMKALTU 10:7

Cun amah sinah bia a chimtu vancungmi kha a kal i Kornelias nih cun a inn chung i a sinum pahnih hna le ralkap pakhat kha a auh hna; ralkappa cu biaknak lei i lungthin a ngei ngaingaimi a si i amah Kornelias a zohkhenhtu hna lak i aa tel vemi pakhat kha a si.

1 KORIN 3:8

A tuhtu le a toihtu kha cu zeihmanh an i dannak a um lo; an ṭuanning cio khan Pathian nih laksawng a pek ko hna lai.

1 KORIN 9:13

Biakinn chung i rian a ṭuanmi hna nih Biakinn in an rawl kha an hmuh ti le biakṭheng cung i raithawinak a pechanmi hna nih raithawinak sa kha an co ve ti cu nan hngalh.

1 KORIN 9:7

Ralkap aho nih dah ralkap chung i an um lioah anmah tein an paw an i cawm bal? Lothlopa ahodah a lo chungin a chuakmi mitsur thei ei loin a um bal? Tuukhal ahodah a tuurun chungin a hmuhmi tuu hnuk ding loin a um bal?

KOLOSE 3:22

Salle hna, nan bawile kha zeizong ah an nawl ngai hna u. An mit hmuh lawngah an lungton i zuam loin Bawipa nan hmaizah caah lungthin tak tein an nawl ngai hna u.

2TIMOTE 2:6

Rian a hran a thattu lothlopa nih khan, rawl cu ṭuan a cut tikah, a hmuh awk a simi cu a hmuh hmasa bik awk a si.

1 PETER 2:18

Sal hna, nan bawile kha an nawl ngai hna u law upat hna u, zaangfahnak a ngeimi le mi zawnruahnak a ngeimi lawng kha si loin, a puar a hrangmi zong kha an nawl ngai hna u.

1 PETER 2:21

Cu bantuk mi si awkah cun Pathian nih an kawh hna cu a si; zeicahtiah Khrih hrimhrim nih nan caah khan a in cang i ka keneh ka zul hna seh tiah i zohchun awk an chiahpiak cang hna.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.